اسفه على التأخير .. العوده للوطن

كملت قرايه موضوعك يجنن وكل كلمه موتني ضحك

بس تدرين موضوع سقطات الكاشير لاتكلمين الي ساقط عليك حرمه ولا رجال .. كلمي الكاشير نفسه
ولا تلتفتين عليهم .. علشان اذا هي من نوع بسم الله على تتجنبين الكلام معاها
واذا هي من النوع المؤدب وقالت اسفه .. تلتفتين عليها وتقوليلها لا عادي بصوت فرندلي خخخخخ وخليها ترجع وراك


وبهالحركه الرجال اوقح من الحريم ... يعني عادي عنه لو تحصله يدفك وياخذ مكانك مع ان المفروض احنا بالذات كمسلمين يقدمون دور المراءه على دورهم بدال ماهي واقفه كذا تستنى
ومارح اخذ دوره بس شي تقدرينه برجال مجتمعك وتحسين انهم صدق رجال

والي باقصى اليمين ويبي يلف يسار
والله ماينلامون اغلبهم سواويق .. ومعزبته كانت تبي تروح المملكه وفجئه قالت ها اقولك روح للعليا مول خخخخخ
وبرضوا ماتقدرين تلومين المعزبه .. لان الاخت ماتدري ايش معنى او خطوره انهم يكونون ماسكين الخط اليمين ويبون يروحون يسار
واذا قالها السواق مدام مايقدر كذا هاوشته عادي
ماتبون الحريم يسوقون عادي ماعندي مشاكله بس ثقفوهم بامور السواقه وقوانينها
يعني تشوفينها اذا هي مروقه وتبي تتمشي تقول للسواق امشي على 40 بطريق سريع تبي تشم هوا
واذا مستعجله قالتله ليه اسرع مهما كان نوع الطريق
وهات ياحوادث
شكلي حنزل الموضوع لانك جددتي المخاوف ونبهتينا على اشياء ماكانت ببالنا

اختي الهندية اوافق اغلب كلامك وعندي الك اقتراح اختي تغربت باميركا 6 سنين وبعدها رجعت نهائي واول فترة كتير تضايقت ومازالت ولكنها راحت وعملت عمرة قالتلي والله كتير ارتحت وهديت ودائما بتقلي لا تستعجلي عالرجعة اتهني بالغربة وبس لترجعي لكل حادث حديث طولت عليكي بس حبيت احكيلك تجربة اختي

والله ماينلامون اغلبهم سواويق .. ومعزبته كانت تبي تروح المملكه وفجئه قالت ها اقولك روح للعليا مول خخخخخ

الله يهديهم :(
والله حصل لي حادث بسبب نساء مع سواق هندي
الحمدلله ربي حفظني ولا كان طلعت من القزازه اللي قدام
:(

مراحب هنووده ما ودي اخوفك لكن انا بنصحك

اجلسي في بيتك وما عليك باحد بيتك وزوجك واولادك فقط

واهم شي انك تتفقي مع زوجك على عدم السماح لتدخلات الخارجيه حتى بأتفه الامور

ونصيحه هذي طالعه من مغتربه سابقا وجربة الحياة بعد الغربه

كل المور الي تصير حوليني كووووم وحياتي الزوجيه كوووم ثاااااااني

احذري ثم احذري من ذالك،،وأشكر الله تعالى ان الهمني ان اتكلم مع زوجي بهذا الامر قبل حدوثه

وعندما حدث مالم يكن على البال واجهة زوجي بما يفعله الاخررون وبكل صدق وتعقل منه وقف هو في صفي ضد الباطل ،،، وفوق كذا ما شفى لي غليل حرقتي على نفسي يعني

عمل لهم اعتبار وسايسهم ، وطلب مني ان اسايس الامر مثله
طبعا كل شي يهوون بما ان زوجي راضي عني

اتمنى انك تفهمين كلامي من غير توضويح خبري فيك لبيييبه ( ذكيه)

خذي نصيحتي وتفقي مع زوجك من الان في عدم السماح للاخرين بلتدخل بحياتكم الخاصه وبحياتكم العائليه

طبعا اصبعنا مو سوى وانا ماقلت لك كذا من باب التعميم لكن من باب النتباه فقط لاغير

اسفه على التأخير .. لكن تعرفون ظروف الخميس و الجمعه .. ما قدرت اكتب الجزء الثالث بس ان شاء الله اول ما الاقي فرصه

Saudi girl
هلا فيك ايه جبت شغاله .. و راح يكون كلامي بالجزء الجاي عن هذا الموضوع

Nssem aleel
هلا بك اختي للاسف هذا الي حاصل لازم الواحد يشوف و يحاول يسكت لان الناس هنا ما يتقبلون النصيحه و خصوصا من وحده جايه من امريكا

ام الحلوين
كلام جميل جدا و هو نفس كلامي قبل لا ارجع لكن يوم رجعت التطبيق صعب ... كنت اقول راح اسوي و راح اقول و راح اغير لكن اذا جا التنفيذ .. الموضوع جدا صعب
اما موضوع الامهات .. و لا لا تقولين لي اسلوب حلو و لا مو حلو .. ما خليت شي الزعله جاهزه .. مع اني ما اتكلم عن موضوع التدخل بالاطفال احاول امسك نفسي و اقول عادي جداتهم .. لكن مواضيع ثانيه .. ابسط كثير .. مثل زياره ما ابي اروحه ,. و لا حتى ما انعزمت عليها .. بس امي تبيني اروح اذا اعتذرت زعلت و قالت اني متغربه من زمان و الناس يبون يشوفونك .. لدرجة انه صارت من زعلها ما تروح لبعض العزايم علشان تضغط علي .. لازم اروح معها و لا ما تروح ... !!!! ايش اسوي

محجبه
هلا بك .. هذا بروفه .. و انت ما زلت بالغربه يعني مهما وصلك تلقيانهم مازالو مقدرين انك بعيده .. الله يعين اذا رجعتي

ورد الريف ..
ايه و الله الله يعين .. و الحمد لله على سلامتك من الحادث

حرم الدكتور ..
اقول شكله بتصير حرب بين امريكا و بريطانيا و السبه حنا
اما اذا احنا نتغير .. اكيد بس الي لاحظته ان تغييرنا ما يبدا على طول .. يعني مثل اول ايام الزواج .. الزوج في البدايه يكون طاااااف بزوجته و متحمس و الزوجه خجلانه و ما تحس انها مره مرتاحه .. بعد فتره تروح طفت الزوج و تبدا طفة الزوجه .. تصير تعودت و بدت تمون على زوجها ... يعني باختصار فيه تغيير بس تغييرنا بطيئ و احس انه راجع لتغيير الزوج .. يعني لو احس ان زوجي ما تغيير اتوقع اني انا بعد ما راح اتغير او راح يكون التغيير بسيط .. لكن لو زوجي تغيير 180 درجه اتوقع اني انا بعد راح اتغير علشان اقدر اتأقلم على الوضع .
اما الرياض .. ايه و الله تغييرت من الاشياء الي استغربتها الزحمه زادت كثير .. و كثرة الدبابات كأننا بالهند .. صارو الهنود يركبون دبابات .. هذا الشي مو موجود اول ... و الله اني ودي اخذ دباب مثلهم .. اقول لزوجي مدام السواقه ممنوعه على الاقل خلونا نسوق دباب .. !!!

Home 2006
اعذريني على التاخير بس تعرفون خميس و جمعه ان شاء الله قريبا راح اكتب الباقي

حمرة الورد
هلا فيك اختي
ان شاء الله بس ترى انا مثلك انا ما تزوجت و جيت على طول لا انا عشت فتره بالرياض قبل البعثه .. اما جلست البيت .. و الله انها زينه و هذا الي انا اسويه .. بس ترى التلفون بعد يجيب اشياء تنرزف احيانا
عموما الحمد على السلامتك من الحادث

ماويه
هلا و الله بمشرفتنا الغاليه
تشرفني زيارتك لموضوعي ,, و لو اني احس انه بخاطرك علي شي ,.,. ما ادري ليه مو علشانك ما وافقتيني الرأي لا لانك ما ذكرتي اسمي بردك ابد و لا هليتي فيني مثل العاده .. يعني في البدايه قلتي حياكم الله .. و بعدين تقولين في كلامك .. و بالاخير تقولين موضوعك .. !!! بس انا استغربت .. عسى ما صدر مني شي
اما كلامك فا انا معك 100% صح مهمتنا التغير .. و فعلا من مساؤى الغربه انا وضحت لنا عيوب مجتمعنا .. لكن .. ليش ما نسميها خيره .. و فائده اننا نشوف الاحسن و نحاول اننا نتغير للاحسن ,, خصوصا انه هذه الاشياء في ديننا اصلا يعني مو شي غريب .. اما موضوع التكبر الي ممكن يحسه مجتمعنا منا .. فهذا وارد فعلا.. لكن المجتمع يقولون عن الكل متكبر ... يعني الي عنده فلوس اكثر متكبر .. و الي عنده جمال اكثر .. متكبر و الي عنده علم اكثر متكبر ... عاااادي صارت صفه لاي شخص عنده شي اكثر مني .. اي شخص يحاول انه يغيير راح يجد معارضه سوا كانت التغيير للافضل او للاسؤ ... انا صارت استراتجية التغيير عندي في العمل .. يعني اعمل الشي الصح من دون ما اقنع الناس فيه ,,, يمكن اذا شافوني يتحمسون يسوونه مثلي ..
و الله يخليك لنا ما مشرفتنا انت و الحبابيب الي موضوعي .. انتم الي اثريتو موضوعي بمشاركاتكم ..
و مشكوره على الرد

ساندويش تونه
انا اقول ياربي فيه ريحه تونه لما فتحت الموضوع
حياك الله اختي كيفك ان شاء الله بخير .. و الله من طيبك انك تسألين عني و تبحثين عن مواضيعي
اما السواق فا مو سهل ابدا .. و ان شاء الله راح اتطرق للموضوع في الاجزاء التاليه لانه كان من شروطي بس صار التنفيذ صعب
اما موضوع الكاشيير انك تكلمينه احيانا يكون مره بعيد يعني انت ماسكه سرا و فيه 5 قدامك .. يعني على بال ما توصلين الكاشيير يكون الي ساقط عليك نسى انه ساقط عليك او تناسا و يكون ضاع حقك في هذه الحاله
اما الي تبي تروح للمملكه و بعدين قالت ابي اروح للعليا مول .. هذه رهيبه .. و الله الظاهر انه لو قالت لا ابي اروح لطيبه كان السواق ما عنده مانع يعاكس الطريق علشان يوصل .. بس مو المشكله بالسواقيين كان و الله تهون .. للاسف الي يخالفون اكثر شي هم الشباب .. يعني الواحد عمره لا يتخاوز ال 16 و معه سياره .. لاسباب كثيره اما اهله ما يبون يكسرون خاطره .. بس هو عادي يكسر عظامة الناس .. او انه اهله يبون احد يوديهم و يجيبهم !!! لانه اكيد راح يكون اعقل من امه لو حاولت تسوق (انثى) تسوق !!

Lolia
يا ليت اتمنى اسوي عمره الله يسهلها و اروح ان شاء الله

قهوه تركيه
.. هلا فيك .. اما موضوع اني اقول لزوجي كذا .. فا انا يا ما قلت بس من قالك ان ازواجنا يقتنعون بكل الي نقوله .. الله يهديهم بس .. خصوصا اذا كان الشي من طرف اهله .. شوي صعبه

ان شاء الله يكون عندي وقت الليله اذا نومت بنتي للمدرسه اكتب الجزء الثالث و اعذروني على التأخير