نعم انا حجازيه. :D
لكن خليني اقولك حاجه ما اعتقد انه السلبيات تختلف كتير بين جده ولا الرياض او حتى القصيم خصوصا لمن نتكلم عن اللقافه او اللي يسقط عليك بالسياره او عدم النظام اواواو.............
اخر مره رحت السعوديه كان من 5 او 6 اشهر وانا عارفه انه في اشياء كثيييييير اتغيرت لكن من اكتر الاشياء اللي آلمتني واللي ما ادري متى حتتغير هو التعامل مع المراه ومن ذلك المعاكسات وقلة الذوق في التعامل من قبل الرجال في السوق وفي البريد وفي البنك ووووو ما شعرت بالامان اني ادخل المحل لحالي لحد ما زوجي يدور موقف بس!!!!!!!!!!!!!!!!!:( ما ادري يمكن لان الوضع جديد علي اني امشي واحس انه العالم كله بيتفرج عليه هنا بالحجاب اللي يعتبر نادر وما حد داري عنك وكل واحد ماشي في حاله. او يمكن لاني كنت خايفه انه احد يتعرض لي بكلام او نظره وقحه والوقحين عندنا كتير ماشاء الله :30: خصوصا انه زيارتي هادي كانت بعد غياب 3 سنوات تقريبا فما ادراك لمن ارجع لاستقر بعد غياب 11 سنه
السعوديه فيها خير كثير ما في شيء مو موجود عندنا سواء لو اتكلمنا عن الاسواق ولا المطاعم ولا اماكن الترفيه. انا سافرت لدول كثير ما عدا امريكا وزي السعوديه مافي مو تعصب لكن حقيقه كفايه علينا الحرمين اللي الناس بيحسدونا عليهم كل ما اقابل احد ويعرف اننا سعوديين اول شيء يقولوا يا بختك كم مره سويتي عمره؟
الحمدلله على اللي عندنا لكن هادا ما يمنع ان نطمع في الافضل.
اسفه على التأخير .. العوده للوطن
متابعة النقاش، صفحة 22