مركز كامبردج للحمية بجدة

لا تحبطي وكملي اهم شي انك انتي حاسة بالفرق
شوفي انا منتظمة ومو حاسة باي فرق ويمكن شفتي ردي اني نزلت كيلو بس والدهون بزيادة (قالو انه احتمال القياس الاول غلط) بس حاكمل ان شاء الله للاخير وانا ولا الوزن دا في تحدي :@

والله يوفقك تيامن وان شاء الله تكوني نازلة زي ماتحبي ، دي اول مراجعة لك ؟ متى موعدك

تسلم ام البراء على متابعتك وردك علينا حاستك بصراحة كانك الاخصائية المميزة لنا كلنا هههه

طيب يعني انا الان كاني ماشية على ستيب 1B بصراحة باكل 3 وجباتهم وحليب مررة مالي نفس اكل وجبة البيت الي هي دجاج او تونة او سمك بعد مارحتلهم يوم السبت مع انها قالت لي خليكي على 2 ونجرب اسبوع بس مدري نفسي مسدودة وخايفة انه ماينزل كمان فبطلتها من راسي والحمد لله مابحس بجوع او تعب فعشان كدا مكملة كمان وماباخدها

الله ييسر للجميع

مممممم شكللللك طلعتي على ميزان البيت
وهو بالفعل يجيب احباط انا جربت مرة وتبت معد طلعت عليه
الاحباط دا انسيييييييييييه :39:

ان شاء الله يكون نازل لازم يكون نازل لو عالاقل كيلو واحد

حبيت (اخصائيه) :27:

هي تغير عشان تكسر عشان الجسم ساعات مايستجيب كويس فتقوم تغير
بس انا على 1 من ستة اسابيع وهادا الاسبوع نزلتني على 2 لانو اخر مرة وزنت ماكان نازل مزبوط زي كل اسبوع
عاد انتي جربي

السلام عليكم انا ان شاء الله موعدي الخميس الساعه 1 ظهرا . الله يستر . اخاف ما انزل قبل العمليه لكن ان شاء الله انا حاعمل الي عليا والباقي على الله . انتو ملاحظين اننا نقول كم نزلنا وبعضنا محبط لعدم النزول .ولا وحده فينا قالت وزناها . اعتقد الوزن المطلوب انزاله يفرق من وحده لوحده . ايش رايكم كل وحده تقول وزنها وطولها وكم المطلوب تنزل يمكن يخف عننا الاحباط لان الي كون وزنها كبير تنزل احسن من القريبه من الوزن الطبيعي . على العموم انا وزني : 85 ك - الطول:160 - ستيب 1B وسلامتكم