قـروب رجـــــــيم دشتــــــــي(التجمع الثالث)اراده من حديد
متابعة النقاش، صفحة 167
شاركي في النقاش
سجلي الدخول لإضافة تعليق.
التعليقات
1,998$%دلع راقي%$ هلا وغلا :26: ماتفقدين غالي ياحياتي .. بس كنت أجهز أمور الجامعة وكذا وإنشغلت شوي .. آسفة عالتأخير .. بجد فقدتكم :(
الله يوفقك يالغالية ويساعدك جامعة ورجيم الله معك ان شاء اللهنور بيت ابوها توي راجعه من بيتزاهت لاتخافون :hahaha: اخذت سلاد بار وحطيت خس+خيار+مشروم+جبن ابيض
اشوا والله يا نور شكيت فيكم اليوم غايبين عن القروب قلت اكيد مخبصين ولا مسوين اضراب
كويس كذا الإرادة تمام عليكام اوفة اشوا والله يا نور شكيت فيكم اليوم غايبين عن القروب قلت اكيد مخبصين ولا مسوين اضراب كويس كذا الإرادة تمام عليك
الحمدلله على قوة ارادتي للقروب أثر كبير للأرادتي:)- بناااااااااااااات
جمعت لكم هالتجارب لرجيم دشتي عشان نتحمس ..
السلام عليكم ورحمة الله وبركاته ........
حبيت اعرض عليكم تجربتي مع رجيم الدكتور دشتي والصراحه نحفت عليه 7 كيلو في شهر ولله الحمد والمنه ..
قولو ماشاء الله
........................................
صباح الخيرات
هلا بالحبايب
طبعا الكل يعرف رجيم دشتي
واكيد البعض جربه
بصراحه رجيم روووووووووووعه
اهم شي الاستمرار وعدم التخبيص
استمريت عليه لمده شهرين او اكثر مع المشي يوميا نص ساعه
نزلت من وزني 12كيلو
انصحكم فيه
بنات جارتي لهم اسبوعين بادين فيه وماشاءالله نزلو كثيييييييير
حبيت افيدكم واللي جربت هالرجيم
تجي وتكتب تجربتها نفيد ونستفيد
........................
من جم شهر سويت رجيم دشتي لاني بغيت انزل اللي علق بعد ولادتي وبالبر وقت البرد والتخييم سويته طبعا الكل انتقد وعييب وشدعوه وليش مافيه ولا فاكه ولاخبزه بس كنت مرتاااااااحه لاني اكل براحتي مو نص وربع بيضه وهالسوالف
نزلت خلال 3 اسابيع 6 كيلوات والحين كل اللي عيبو سووه
ريلي خلص 3 اسابيع نزل 6 كيلو
خالتي بعد 3 اسابيع نزلت 4 كيلوو
وصراحه انا اموووووووووت فيه صج صج احب هالرجيم
_03ba:
.............................
انا بصراحة من خلال تصفحي لاكثر من موضوع من انواع الريجيم
صرت اقرا واضحك على الناس اللي قاعده تعاني مع الريجيم هالايام خصوصا من بعد
تجربتي الخاصه مع ريجيم دشتي
وتجربة زوجة اخوي اللي فعلا صرت اشوف من هذا الريجيم ضرورة على حصوله على جائزة عالمية
الا وهو ريجيم الدكتور حسين دشتي
اللي اسميه ريجيم الاسطورة
صرت ما احاتي ولاداتي وحملاتي لاني عارفه اني لما اتعامل مع ريجيم دشتي ماراح اعاني ولله الحمد راح اضعف 100 %
لان كلمة مضمون وموثوق شوية عليه
زوجة اخوي كان اخوي متضااايق جدا من سمنتها هي وزنها 123
وبحكم تجربتي مع ريجيم دشتي انا وبنات عمامي وبنات خالتي
نصحتها تجربه
جربته اول اسبوع وانقصت 3 كيلو وعقب تكاسلت ماكان فيها اصرار وطنشت للريجيم
لما شافت اننا نضعف وبشكل ملحوظ
جاتها عزيمة واصرار الى انها تتبعه خصوصا من بعد تشجيعي لها من بعد ما سافر اخوي عنها
دورة عمل الى امريكا لمدة 6 اشهر
وساعدتها انا في ذلك
والحمدلله اتبعت الريجيم من شهر 12 / 2006
من شهر 12 /2006 وحتى شهر 3 /2007
صار وزنها 91
تشجعت اكثر واستانست على نفسها
وكانت تمارس الرياضة باستمرار بدون مراكز
كان عندها جهاز مشي بالبيت
من شهر 3/2007 وحتى شهر 6 /2007 صار وزنها 78
وهذي الفتره هي اللي كانت اصعب الفترات
كان تحاول تمسك نفسها خصوصا من فرحتاه بالانجاز العظيم خصوصا وانها كانت تبكي
من فرحتها وامانيها في نقص وزنها الى 70
وصكت على نفسها في خلال شهر ونص وصل وزنها 68
ووقفت واتبعت الحمية الابدية في طعامها ودومها على التمارين
وكان موعد جية اخوي من السفر بشهر 11 / 2007
انصدم اخر صدمه لان لما راح من عندها تقريبا كان وزنها بالتسعينات
لكن فرحته ماتوووصف
والحين هي في علاج لجلدها من الترهلات شوي اللي صارت من بعد السمنه والمناطق السمراء وبس الحمدلله ما تعاني من اي شي
حبيت اقولكم هالتجربه عل وعسى تعطيكم دافع
لهالرجيم التحفة
............................
حبيت اليوم اذكركم عالاقل بريجيم دشتي واللي واااااايد مفيد اشوفه
وجربته وفادني
والله ماكذب عليكم اني ب40 يوم نقصت 30 كيلووو !
وخاصه بعد الولاده زدت كثير كان وزني 59 بالسابق وانا بنت وبعد الولاده :cry: 87 وايد ها
لين ماسويته وصار 57
لاني اتبعته بالضبط
وبالمراحل الاربعه
وما اخفي عليكم اني من كثر ما اتلهف عالاكل كنت (( اصيح ))
لا حد يضحك بس بجد والله اصيح وامرض ان قعدت وسط ناس تاكل عيش واشم روايح الفلفل والبهارات - بنااااااااات هالتجربة نزلتها برد لحالها لأنها طويلة + ممتعه هع
مساكم الله بالخير ياحلوات
أكيد كل وحده منكم سوت لفه على كل الرجيمات وأي شي تسمعه للتنحيف
على طول ركضضضضض وتشتري أغراضه وماسرع ماتمل وتزهق وترجع لرحلة البحث مرة ثاااااااااااااااانيه
وأنا وحده منهم ومافي رجيم ولا خلطة إلا جربتها وفي كل رجيم لي معه قصه وحكايه
طبعاً تنتهي بالفشل دائما
وأكثر رجيم كرهت فيه عمري هو رجيم دشتي
طبعا أنا هنا ماأسب الرجيم ولا أقول إنه ماينفع لكن طريقتي معه كانت خطأ
>>>>>>>>>>خايفه من د/دشتي لايجي يسطررررني
<<<<<<<<
واللحين بسدحلكم تجربتي واتمنى من كل وحدة دخلت موضوعي أو استافدت منه إنها تدعيلي إني انحف بصحه وعافيه لإني من جد مليييييييييييت ومابقى بالعمر كثر مامضى.......
>
>
>
في البداية أقولكم اني جربت رجيمات كثيرة وتعذبت فيها ومنها رجيم الدكتور حسين دشتي
وقبل ماأبدأ بالأحداث أحب أقولكم يابنات ومن خلال خبرتي في عالم الرجيمات>>>تصدقون لو أقدم فيها رسالة دكتوراه كان اخذ ممتاز مع مرتبة الشرف ههههههههه<<<
إن الأجسام تختلف في تقبلها للرجيم فاحيانا تشوفين وحدة نحفت على رجيم معين وتقومين تسألينها وش سوت ووش تاكل ووش ماتاكل ووش التمارين اللي تسويها ومن هالوشوشه وبعد ماطبقينه بحذافيره تنصدمين إنك مانحفتي إلا كيلوات بسيطة مسرع ماترجع بعد أول وجبة دسمة وهنا عاد يجي الإحباط وترجع الكيلوات مكانها ومعها حبة سكرة زي مايقولوا
والسبب بحكم ثقافتي في هالمجال وكثرة قرائتي فيه يعود إلى طبيعة الأجسام فبعض الأجسام يسمنها البروتين ومايناسبلها أبد وبعضها تسمنها الكربوهيدرات وبعضها السكريات عشان كذا اللي يناسبك مو شرط يناسب غيرك واللي ناسب غيرك مو شرط يناسبك
عشان كذا انا الحين مقتنعه بالرجيم اللي يعتمد على نوع فصيلة الدم لأني احسة مضمون وإن شاء الله ببحث عنه والي تبي تسويه معي الله يحييها
بعد هذي المقدمة نعود بكم إلى رجيم الأخ العزيز حسين دشتي
>>>>>قصة دخولي في هذا الرجيم <<<<
ذاك اليوم جتني اختي تركض ومستانسة وأبشركم ترى أنا وختي في الهواء سواء وقالتلي إن خال صديقتها سوى رجيم ونحف 25كيلو بمدة أربع شهور عاد انا قلت مسويته مسويته وقلتلها تسأل صديقتها عن هالرجيم ووش كان يسوي خالها ووش مايسوي<<<<<<رجعنا للوشوشه ههههههههههههههههه<<<<<
المهم قالتلي إن اسمه رجيم دشتي وان معظم الكويتيات نحفوا عليه حتى اذكر ذاك الوقت كان فيه ممثلة كويتية اللي كانت تتحجب ما اتذكر اسمها كانت سمينه مرة وطلعت بعد فترة نحفانه مرة وقالوا إنها كانت تسوي رجيم دشتي إيه تذكرت اسمها عبير الجندي
وصديقة أختي عطتنا كتاب حسين دشتي في كل شي عن الرجيم من طقطق إلى السلام عليكم وفي نهاية الكتاب حاط تجارب الناس اللي سوه وش كانوا ووين صاروا وقمت بحثت عنه بالنت إلين اقتنعت فيه مية بالمية وقلت مابدهاش وتعاهدت انا واختي المصونه على الدخول في هذا الرجيم وبصعوبه اقنعنا الماما اللي اذكر أنها عارضت اننا نسويه كلنا تقول عشان لو صار شي افقد وحدة ولا ثنتين ياحبيلها ماما تخاف علينا
وبدينا نجهز للرجيم برحلة للعثيم عشان نتقضى لوازم المعركة
:
:
بعد مارحنا أنا وختي للعثيم ضفينا كل شي عندهم مسموح فيه للرجيم وكنا جايبين معنا قائمة المسموحات وعشان الي مايعرف رجيم دشتي أبعطيكم نبذه مختصرة عنه مع إني والله ماحب اتذكره ولا اتذكر أكلاته بس عشانكم يهون كل شي
هذا الرجيم أصله على حسب معلوماتي لواحد فرنسي اسمه اتكنز والدكتور حسين دشتي لطشه منه واضافله بعض التعديلات وسماه رجيم دشتي عشان كذا رجيم اتكنز ودشتي نفس الشي لأن أصلهم واحد
وهذا الرجيم مدته أربعة اشهر وهو على مراحل ويعتمد على البروتينات والأوراق الخضراء فقط أما الكربوهيدرات فتدخل بنسب صغيرة ماتدرين عنه يعني في المرحلة الأولى مسمحلك في اليوم الواحد من الكربوهيدرات مايعادل خيارة وحدة أو طماطة أوحبه تمرةوالسكريات احلمي تذوقينها خاصة في المرحلة الاولى واي لخبطة في هالرجيم يعني لو قطعة حلى صغيرة تبطل مفعول هالرجيم ولازم تعيدينه من اوله >>>>>وهذا هو سبب عذابي<<<<<
يعني مقاضينا كانت كلها في قسم اللحوم أول ما دخلنا فحطنا بالعربية وقمنا نشيل من هالدجاج واللحم والنقانق والسمك وبعدين رحنا لقسم الصلصات والمايونيلز والأجبان
ايه نسيت اقولكم ان الحسنه الوحيدة في هالرجيم إنه يسمح بالدهون بأي كمية يعني الدجاجة سويها بروستت وكوليها بجلدها مافي مشكلة بالعكس كل ما أكلتي أكثر زاد معدل الحرق فتنحفين بسرعه صراحه في البداية انبسطت على هالوضع وبعدين خفت إنه هالدهون تتكدس في جسمي همين يجيني انسداد في الشرايين وأروح فيها عاد ذيك الساعة ماراح تنفعني يادشتيووه >>>>>>خربت الأخلاق<<<<
المهم بعد مارجعنا من التسوق وصراحة كلفنا الشي الفلاني لان اللحوم والأجبان سعرها ناااااااار بس كلش يهون
طبعا من فلاحتي الزايدة أنا وختي إننا مافكرنا نسويه إلا في رمضان على بالنا إننا بنقدر نضبط أنفسنا عشان النهار كله صيام مادرينا إنه عذاب في عذاب
وفي أول أيام الرجيم قررت إننا نسوي جدول نحط فيه عدد أيام المرحلة الأولى الي هي أصعب مرحلة واسمي أنا واسم اختي ونهايه كل يوم نكتب ملاحظاتنا وخواطرنا والصعوبات اللي واجهتنا في هاليوم اذكر أول يوم كانت ملاحظاتنا كلها طفش وتذمر واليوم اللي بعده أهون شوي ومرة كتبت انا بق بق بقييييييق لانه اكلي ذاك اليوم كان دجاج×دجاج عشان كذا حسيت إني منهم وفيهم هههههههه
تصدقون ان اختي إلى اللحين محتفظه بالجدول لا وبعد ورته صديقاتها وقاموا يضحكون علينا بس والله إننا نكته انا كل ماضاق صدري أخذته وقعدت أقراه هههههههههه صدق هبال
في أول أيام الرجيم ووزي ماقلتلكم إني من دباشتي سويته في رمضان كنت قاعده طول النهار اسوي الفطور لهلي قيمات وسمبوسة وجبنية <<<<<آآآآآآآآه يالجبنية أحبها موووووووت<<<<وكريمة وفطاير ومعجنات طبعا هذي كلها من ألد أعداء دشتي >>>>>>>>الله يهديك يادشتي ليش ما تتصالح معهم<<<<<<<<
أنا دايخة وحالتي حالة ويوم أذن المغرب تدرون وش افطرت عليه؟؟؟؟؟؟؟؟
بيض مقلي بس ومن دون خبز طبعا والله إن ذاك اليوم حامت كبدي الواحد إذا كان صايم وقاعد يكرف من الصبح وده يفطر على شي حالي يعطيه شويه طاقة ويرد له روحة وأنا قاعدة أقطع هالبيض وأكله بالملعقة صدق عذاااااااااااااب
بس كنت أحيانا اكل تمرة وحدة عشان افطر عليها اتباعا للسنه واقعد ساعه اكلها ومصمصها والله اني ارحم
حتى جيراننا مدري ليش تسلطوا علينا ذاك الوقت وكل يوم يرسلولنا طبق إما فطاير ولا جبنية <<<<<<<وش قصتك مع هالجبنيه ههههههه<<<<<<<وأنا ادخل هالصواني وقلبي يتقطع ألما وحسرة آآآآآآآآآآآآآآآآه
واستمريت على اصراري وعزيمتي وماكان يدخل فمي ولا شي من الممنوعات إلا أن جاء ذلك اليوم!!!!!!!!!!!
اعزمونا ناس هاي هاي وبرستيج على الفطور وكنت مترددة أروح ولا لا لأن كل اللي راح يقدمونه ماينفعلي
>>>>تصدقوووون بغيت أتهور واخذ معي بيض مسلوق ودجاج هههههههههه<<<<<بس اختي هاوشتني تقول تبي تفضحينا
وما اقدر أعلمهم إني اسوي رجيم لأن الناس مايتركون احد بحاله تقعد كل وحدة تقزقزك وتناظرك من فوق لتحت واللي تقول وشوله الرجيم جسمك حلو<<<<<أقول توكلي بس قال جسمي حلو قال<<<<<<<
والي تقولك إن جسمك أصلاً عريض ومهما سويتي ماراح تنحفين>>>>ياختي عندك كلمه زينه قوليها ماعنك انثبري<<<<<<<<<
فبعد النقاش والتفكير اقترحت علي اختي غني اكل قطعه صغيرة وان شاء الله ماتضر ,,,,ويوم وازنت الأمور لقيت إن هالقطعه أهون من التعليقات اللي راح اسمعها لو صرحت بالرجيم
ورحنا العزيمه وانبسطت واكلت بس شوي
وفي اليوم الخامس للرجيم حدثت الطامه الكبرى؟؟؟؟؟؟؟؟؟؟؟؟
في نهاية اليوم وقبل مانام كالعادة لازم أكتب ملاحظاتي وخواطري وبعدين أقلب هالنت وأقرا تجارب الناس في هالرجيم ونجاحهم فيه عشان اثبت وأرفع من معنوياتي
ولقيت وحدة الله يهديها كاتبة إنها سوت هالرجيم بمراحله الأربع وبعدها بفترة رجع وزنها زي ماكان هنا وجعني قلبي ودارت فيني الدنيا وحاولت انسى اللي قريته وقعدت أدور على شي يشجعني وينسيني اللي شفته
لكن حدث مالم يكن في الحسبان!!!!!!!!!!!!!
وحده الله يهديها بعد
كاتبه إنك لو اكلتي شي بسيط من الممنوعات يبطل مفعول الرجيم ولازم تعيدينه من اوله
في هاللحظه تذكرت العزيمة وحاولت ماصدق كلامها ودخلت على موقع الدكتور نفسه ولقيت نفس الكلام
فقررت إني اترك هالرجيم لأني لو استمريت فيه رايح يكون مصيري المصحة النفسية
وقمت وكتبت آآآآآآآآآآآآخر ملاحظاتي في الجدول وهو قرار انسحابي
ويوم قامت اختي وقرته عصبت وهاوشتني بس بعد فترة هي الثاني بعد انسحبت
النهــــــــــــــــــــــــــ ــــــــــــــــــــــــــــــ ـــــــايه
مواضيع مشابهة
تابعي تجارب أخرى من هذا القسم.