اريد علاج الخوف من الاكل نداء لخبيرات التغذيه

السلام عليكم
بختصر مشكلتي اللي ارقت حياتي وحاسه انها راح تعجل بموتي
انا من 3 سنوات اكلت سمبوس وبعد كم ساعه نمت
صحيت الفجر وكنه احد جالس على صدري حاولت احط اصابيعي وارجع ما قدرت
ساعتها حسيت اني راح اموت
وصرت اخاف من اي اكل واتخيل انه راح يجلس على صدري
وزاد الطين بله حملت وصرت اتوحم واستفرغ كل شي
رحت لدكتور نفسي وقال لامي علاجها مبدئيا قفلوا كل الحمامات عشان ماتروح ترجع لكن محد قدر علي
صار كأنه ادمان
وقلت لهم يمكن عشان الحمل يمكن لولدت ارجع اكل
وولدت لكن جديد ومن بعد ما كان وزني 66 صار 37
ورحت لدكتور حكومي وعطاني ادويه وتحسنت 20%
وصار ت الدكتوره كل مره ترفع الجرعه واحس انها تستهزا فيني تقول انتي فاضيه ماوريك حاجه غير تفكري
بالاكل انهضم والا لا اشغلي نفسسك قلت لها انا على طول شاغله نفسي بس مو قادره
وصارت تخوفني تقول اذا استمريتي كذا راح يصير عندك توسع وراح تستفرغي تلقائي
ولاحياة لمن تنادي
صارت اكل بس تمر وسانديش جبن وحليب بس
ومرت الايام وحذرتني من الحمل قبل لا اطيب لكن حملت
ورجعت من الصفر ومع الوحم صرت ما اكل شي بس على المغذيات
والشهر اللي فات راجعت دكتورت الحوامل
وقلت لها عن مشكلتي وكتبت لي حبوب تهضم الاكل وماتخلي الاكل فتره طويله بالمعده
مع حديد وفيتامينات وشراب الحموضه
وصار عندي اطمئنان نوعا ما وصرت اكل وانوع بالاكل واكل اشياء مسلوقه
وزاد وزني خلال 10 ايام بشكل معقول
لكن رجعت اوسوس مره ثانيه
اكل وبعد 3 ساعات احس بجوع بس ارجع اقول الحين اخاف يكبت على صدري ساعتها شنهو راح اسوي
هذا غير ان بالليل ما اكل شي تفاديا للحموضه تعرفون مع الحمل

الحين الكل يقول لي لازم دكتور نفسي مع علاج سلوكي وهذا الاهم
اهم من الادويه
سويت بحث لكن ما لقيت
ابغا وحده فاهمه تساعدني وتعطيني نوع من الاطمئنان
راح تكون خدمتني خدمة لعمر وراح اظل ادعي لها ما حييت
واسفه على الاطاله

31 تعليق 15,345 مشاهدة

شاركي في النقاش

سجلي الدخول لإضافة تعليق.

التعليقات

31
  1. @afrah_alsnyn_1

    الله يشفيك ي رب ويعينك على مصيبتك
    بس انا اشوف انك تراجعي طبيب نفسي هذا احسن حل
    لان اللي معك وسواس
    شوفي لما اخذتي حبوب الهضم تركتي الوسواس و ارتحتي نفسيا وزاد وزنك في 10 ايام
    بس من رجعتي تفكري وتوسوسي ارجعت الحاله 
    فلازم تتخلصي من الوسواس اولا
    وهذا ماراح يصير الا مع الطبيب النفسي
    وماعليك الا العافيه ي رب
    اسأل الله الشفاء لك اختي الغاليه
  2. @iioii

    حبيبتي وين ايمانك بالله الي حافظك من كل شر وماعمرنا سمعنا ان حد مات من الاكل العادي هههههههههههههه
    انتي فكري كويس الله خلق لك فم يدخل منه الطعام وخلق لك امعاء ومعده لها مقدره جباره على هضم الطعام
    ومكان يخرج منه فضلات الطعام بسلام .
    فكيف تخافين والله خلقك بأحسن تكوين ويرعاك ولك ملكين يحفظونك من كل سوء؟؟؟
    انتي سمعتي كلام ابليس اللعين الي يوهمك بان الاكل بيموتك علشان هو يبيك تموتين من قل التغذيه
    لا تسمعين له ودايم قولي اعوذ بالله من الشيطان اللعين الرجيم.
    وقبل لا تاكلين اى شي قولي وانتي مطمئنه بسم الله الذي لا يضر مع اسمه شئ في الارض ولا في السماء
    وهو السمع العليم واكلي.
    ونقطة البحث بمشكلتك النوم بعد الاكل مباشره وهي سبب عقدتك اذن لا تاكلين قبل لا تنامين الا لقيمات محدوده
    علشان لا تحسي بثقل وتوكلي على ربك ونامي.
    الله رحيم رحيم رحيم بعباده ارحم من الام بصغيرها فكيف تخافين وربك الله؟؟؟؟
  3. @tohan

    صاحبة الموضوع
    انا ما اكل شي بالليل خصوصا اني حامل واذا اكلت شي يسبب لي حموضه

    كل خوفي اني اكل شي وبعدين يكبت على صدري وساعتها كيف راح اتصرف كيف راح اقضي على الشعور بالضيقه

    ساعدوني الله يجزاكم خير
    الحين ما اقدر اروح لدكتور نفسي زوجي رافض عشان يخاف على الجنين يتأثر
    ابغا منكم طرق او تشجيع
    او احد يدلني على علاج سلوكي يفيدني
    اللي بتساعدني بتكسب فيني وفي جنيني خير

تابعي تجارب أخرى من هذا القسم.