الكلسترول .. اي وحده صيدلانيه او تعرف بالمصطلحات الطبيه تدخل

أختي أيام العمر
الله يشفيلك زوجك يا رب ويديم عليكم كلكم الصحة العافية .....
حبيبتي أنا بدرس الطب البشري ، بس لسة ما خلصت بس رح أحكيلك شو أنا عارفة ومتأكددددةة منه

حبيبتي الكلسترول مربوط بكل الأطعمة اللي بتحتوي دهون حيوانية ، يعني لحمة ، زيت وسمنة وزبدة حيوانية ...... وكل هالأشياء
الواجب إنه زوجك الله يخليلك اياه يتبع حمية يخفف فيها من أكل كل هاي الأشياء ، ويزيد فيها من أكل الخضار والفواكه والألياف كتيييييييييير ، لأنه يا عمري الجسم بيحصل على الكلسترول من الأطعمة زي ما قلتلك بس كمااااااااان بيصنع ، وعملية الصنع هاي ما إلها علاقة بالأكل ولا بنسبة الكوليسترول بالدم ، عشان هيك أكل الألياف بيساعد على عملية التخلص من نسبة جيدة من هالكلسترول والدهون عن طريق البراز أجلك الله

بالنسبة لفحوصاته وشو بيعني كل شي .......

bicarb 34 H
هادا يا عمري بيعني انه عنده البيكربونات عالية ، البيكربونات هاي بتحفظ للدم درجة حموضة معينة وهي 7.4 ، ولما تزيد البيكربونات بيعني إنه زوجك بيعاني من نقص بحموضة الدم ، أي انه دمه يميل للقاعدية ..... بس برضو كلامي ممكن يكون خطأ لأنه بيلزم معلومات تانية متل معدل تنفسه ، نسبة ثاني أكسيد الكربون وهيك أشياء .....

T PROTEIN 83 H
هادا بيعني نسبة البروتين بدمه ، وبما إنها عالية فأنا بتوقع إنه زوجك بيكثر من أكل اللحوم الحمراء .... ( يعني مجرد توقع:22: )

TRIG 2.3 H
هاي الدهون الثلاثية
وعادة بتكون عالية لأنه معظم الأغذية اللي بتحتوي على كوليسترول بتحتوي في الوقت نفسه على دهون ثلاثية عالية .....

بالنسبة للـ HDL
هو اختصار High Density Lipoprotein
وهو نوع من أنواع الكوليسترول الجيد المفيد للصحة
أما LDL فهو اختصار لـ Low Density Lipoprotein
وهو النوع الضار بالصحة وعادة لا نهتم بكل منهم على حدى بل بالنسبة بينهم ، وطبيعي إنه لازم تكون نسبة الـ HDL / LDL أقل من واحد ( يعني يكون الكوليسترول المفيد أعلى من الضار بنسبة معينة

Chol بتعني الكوليسترول بشكل عام
Glu (fast) بتعني مستوى الجلوكوز ( السكر ) بالدم في حالة الصيام
ALT هو اختصار لاسم انزايم له علاقة بعملية انتاج الدهون وهو Alanine Transferase

يعني يا أختي جميع الأعراض اللي بيعاني منها زوجك ، وحتى ضغط الدم بيرجع لكونه بيعاني من ارتفاع الدهون والكوليسترول ، والتغذية زي ما حكيت لازم تحتوي على ألياف ويبتعد قدر الإمكان عن اللحوم والدهون ، نصيحة تانية أختي ، إزا كان وزن زوجك زائد عن المعدل الطبيعي فيفضل إنه يخفف وزنه ، ( هو وزنه رح يخف مع اتباع الحمية ) وبعدين يا أختي الرياضة ثم الرياضة ، فوائدها مش لتخفيف الوزن بس ، يعني أنا بعتذر على الإطالة بس في دراسة عملتها أمريكا على مرضى عالجوهم بأدوية ومرضى بس بالحمية والرياضة وكانت نتائج العلاج بالحمية والرياضة أفضل بكثيييييييير ......


أختي الغالية نصيحة أخيرة انو زوجك يتابع الفحوصات عند أطباء ماهرين ، وما يستهين بالموضوع ....

الله يشفيه يا رب ويخليلك اياه

سبحان الله أنا اليوم كنت أفكر بهالرموز ومعانيها .... إجابتك أخت سومة ساعدتني ، شكرا كتير
وشكراً لصاحبة الموضوع والله يعافي زوجك يا رب

ما شاالله الأخوات كفو ووفو
مع تمنياتي للجميع بالصحة والعافية :)

مشكوورة بناات ..

وشكر خاص لاخواتي :
احساس ..

وسوما .. اجابتك افادتني ولك الف شكررر

اختي انا الكلسترول عندي شويه مرتفع 205 والطبيعي تحت 200 يعني مافيه مشكله الحمد لله


بس قريت عن فوايد الثوم في تخفيض الدهون وخذيت كبسولات الثوم من الصيدليه وآخذ حبتين

باليوم ........وبشوف النتيجه بعد فترة من الاستخدام .


نصيحة خليه ياخذ كبسولات الثووووووووووووم