يوميات المجموعة الثانية (من وزن 70 إلى 79) / صيفية2

سلام
سلامات سكر وان شاءالله مافيه الا الخير
رشوقه
وش المعلومه اللي اعطيتها منارات عن الشمر
عشان الحليب وعروستكم تموت جوع ماتلقى فيني حليب
ماعلمتيني عنها لدرجة انها ماتبي ترضع مني لأنه قليل نشفته الحبوب
انا زعلت <<امزح>>
عندي سؤال يسدح نفسه
الى متى استمر بالرياضه وهل صحيح اذا تركتها يترهل الجسم

هلا بأحلى رشيقات
البتول الغالية
ان شاء الله الحماس دوم يارب ونوصل للي نبيه بصحة وعافية
احس اني عطلة مشوارك سنه كااااامله >>> لاازم اعوضك الحين ههههههه
يا احلى سكرة بالكويت
الف سلامة عليك وما تشوفين شر
اهم شي يا عيوني لا تحطين في بالك ان الكلسترول بالذات من السمنه >> عشان ما تتحطمين وتكرهين جسمك ولو كرهتيه بتعاقبينه ولو عاقبتيه عمرك ما بتنحفين>> مو فلسفة حقيقة والله عن تجربة
في ناس امتن منك بواجد ولا عندهم هالمشكلة وفي ناس عصاقيل ويعانون منها
الشغلة استعداد كبد الانسان لتصنيع هالنوع من الدهون واكيد العادات الغذائية لها دور
وصفة الثوم بالزبادي اللي قلتلك عليها لا تخلينها >> نزلت الكوليسترول عند وحده اعرفها من 250-190 بثلاث اسابيع وبدون رجيم
ابعدي عن الربيان خصوصا هالايام موسمه والكل بيطيح فيه
اعتمدي عالاسماك الدهنية لان فيها زيوت اوميغا 3 اللي تنزل الكوليسترول
ابعدي عن الكبده والبيض وكل منتجات الحليب والاجبان الكاملة الدسم
الرجيم نفسه ما يخلصك من الكوليسترول نوعية الاكل اللي بتاكلينه خلال الرجيم هي المحك
كثري الياف وفواكه وخضار عشان تمتص الدهون الثلاثية
وما تشوفين شر
رنوده
هلا والله بالمناضله شدي الهمة
واما قصصي مع بزاريني والرياضه لو منا لبكره ما تخلص الله يحفظ لنا ولكم
بس انا اعطيهم فرصه عشان يتعودون عالرياضه لا كبروا ما يكرهونها ويحسونها عقاب
بس الضريبة وجع رأسي واعصابي
ام سماا
مشكوره على ترحيبك بي وبأختي الحبيبة بتوله
قهوة بالزنجبيل
الله يسمع منك يارب وارجع رشيقة بالواقع >> كنت على وشك والله لاني بديت المسابقات من اول مسابقة ويومها كنا بالتسعينات ووصلت 67 صيف العام بس حملت واعتفست الامور
الا وش هو الابهر لان عندي الم بكتفي من الخلف من فتره واذا زاد احسه زي شوط الكهرب يضرب برقبتي واسفل راسي ويزيد مع المكيف وما عطوني غير مسكنات وفولتارين
باقي الشلة الحلوة سلامي لكم وحده وحده وموفقين

هلا هموسه
لا تزعلين يا عمري الا خالة ولدي >> ما ارضى عليها هههههه
ويسعد لي رمويه القمر يا ناس
الوصفه والله ما ذكرتها الا قبل امس وانا ادور رجيمات كانت محفوظه عندي من زمان
في موضوع عن الاعشاب اللي تكثر الحليب وانا ادري عنها من زمان انها للرجيم ولشد الجسم
فقلت نضرب عصفورين بحجر وعاد كنت ابي اعطي طعم لمنارات عشان آخذ منها السر >>هههه
بس ما دامك تستعملين الحبوب انسي موضوع الرضاعة >>>تنشف اكيد
وبالنسبة للرياضه يمكن تختلف من جسم للثاني
بس عن تجربتي وتجربة صديقتي اللي دايم كنا نروح انا وياها مراكز ونمشي مع بعض ايام الرشاقه طبعا ما ترهلت اجسامنا ابدا بالعكس زدت فوق الثلاثين كيلو ونحفتهم وانا جسمي مشدود ومع الحمل والتذبذبات اللي صارت بوزني لا زال مشدود حتى البطن اللي قلتلك عليه زاد مع اسبوع رجيم بدون رياضه خف واجد لانه مشدود اصلا وانا ترى مثلك تماما اكثر سمنتي فوق و عرض بالكتوف