القروب الذهبي جمال ورشاقه وانوثه اصرار وارادة 2/ استوفى الحد المسموح له من المشاركات

يومياتي اتعشيت صحن وسط معكرونة ......
الرياضة :صلحت تمارين متنوعه للجسم كل تمرين 30مرة......
الحين اخذت لي شاي اخضر وكمون ويانسون .....
وبحاول بعد ساعه اخذ لي زنجبيل وليمون ونعناع .......
واذا قدرت بعمل رياضة مرة ثانيه ........

السلام عليكم ورحمة الله

صباحح الخير يا خواااااااتي

اسال الله ان يجمعنا في الفردوس الاعلى كما جمعنا في الدنيا يا رب العالمين

واشكر كل وحده عزتني ودعتلي والحمدلله على كل حال

اسفه ما اقدر اقرى كل الي راح احس ما فيني طاقه :(

باذن الله بكون معاكم من هذا الرد

ارحب بشده بكل وحده يديده ويانا وباذن الله تكون مستانسه

واقول للموجودات استمرن وفالكن الوزن المثالي باذن الله

بقولكم شو صار باختصار في الايام الي راحت

قريبه لي طيبه خلوقه ربي يكتبلها بيت في الجنه على صبرها

رزقها الله بعد صبر طويل هالشاب صغير في مقتبل عمره يدرس في المرحله الثانويه " اول ثنوي "

مودب خلوق بار بامه اسال الله ان يجعله من اهل الفردوس الاعلى

سبحان الله الذي اختاره في هذا الوقت

موته اثر فيني بشكل مب طبيعي :(

الله يرحمه يارب العالمين

رغم ان كثيررر الي ماتو في الفتره الي مرت

وكنا احزن واترحم عليهم وادعيلهم بس ارجع طبيعيه

انا تعاطفة جدا مع امه وحسن تربيتها وصبرها وخلقها

انا كنت اتقطع عشانها ما اعرف كيف اعبر

موت هالشخص كان نقطة تحول في حياتي !!!

كنت اشوف كل الي في سنهم صغار بيبيهات !!!

واقول لو انا معرسه صغيرررررررررره يمكن كنت ايب ولد اصغر عنه بكم سنه بس :( " رقم 22 في المعرف مب عمري "

ياربي تحسن خواتيم اعمالنا انا ووالدي والمسلمين يارب العالمين

حسيت الدنيا كيف صغيره

والوقت يمر بسررررررررعه

حسيت كيف نسوف وناجل كل شي باجر باجر باجر

حتى الرجيم

حتى الرياضه

صحتنا مهملينها

سهر واكل سيء ومرات تجويع ياليت نصوم بدال هالتجويع بناجر على الاقل

ماعرف شو اكتب

بس ان شاء الله ابتدي حياتي بشكل افضل

واحسب حساب الوقت لاني عرفة قيمته الحين

امس اطفال وباجر بنكون عيايز خلاص !!!

لازم نستغل ايامنا وشبابنا

ونحقق اهدافنا

الدينيه

والدنيويه

ونحسب حساب ان الوقت محدد لكل شخص بي يوم وبيموت

اول شي فكرت فيه !!!!!!!!!!

لو اموت

منوه بيرتب وبيشل وبيحط كل هالاغراض الي في الغرفه !!!

شي للجامعه

وشي ما ابا اعقه !!!

وشي لماعرف شو

ليش اخلي امي تتعب :(

فقررت اني اكون كريمه اكثر على نفسي

واتصدق بكل الاغراض الي ما استخدمتها اقل شي 3 سنوات

لان هذا يعني اني ما بستخدمهن للابد

ثاني شي
لازم اضع خطه دينيه مثل ما احط خطه دنيويه قبل لا اي يوم اندم واكون تحت التراب

صيام لو يوم في الشهر !!!!
في الايام البيض والاثنين والخميس واتحجج بالجامعه والرجيم !!!!!

حفظ كتاب الله
دائما اقول بس اخلص الجامعه بحفظ !!! يعلم الله اموت قبل لا اخلص الجامعه ولا بعد

تصفيت الحسابات القلبيه بيني وبين نفسي واسااااامح الكل واعيش براحه ولا افكر في اي حد

اكون جديه في الرجيم والرياضه في وقت مناسب

العنايه الي يومين هيه و10 لا !!! لي متى بتم جذيه !!!!

في اشيء وايده ابا اعيدها بكل جديه

سبحان الله الي جعل من مصائبنا بدايه لحياه جديده

والحمدلله على كل حال

عودا حميدا اكواا حبيبتي والله يعلم احنا بعده هالشاب بكثير او قليل وفعلا نفكر ونخطط للدنيا وناسين اخرتنا والمفروض نطبق الحديث ( عش لدنياك كأنك تعيش ابدا . وعش لآخرتك كأنك تموت غدا ) كثير اشياء احنا غافلين عنها وهي بسيطه الله يهدينا ويحسن خواتيمنا جنيعا وانا معاك في كلامك نجعل جزء من انظمتنا صيام البيض والاثنين والخميس لعلها تكون سبب تجمعنا في الجنه ماحد عارف

والبنات الجدد فرحت بوجودكم وانضمامكم انا مالي وقت طويل هنا الا اني حسبت اني اعرفهم من سنين حبيبات قلبي الله يجمعنا تحت طاعته دايم في الدنيا والاخره

يومياتي
الصباح حليب وشابوره نخاله
الظهر كوب كورن فلكس
العصر نسكافيه ودارك شوكليت قطعه صغيره
العشا بيض وسلطه و٢ توست نخاله
والرياضه اليوم راحه عشان اشتغلت كثير اجمع عفش وتنظيف عشان مسافره
العنايه ترطيب كامل وماسك للوجه
وبسس
والمويا تمام الحمدالله

صباح الخير حبيبتي ترف انتي من اهل البيت خلاص لا تقولين يديده اي بنت تشترك ويانا اخت وغاليه وادعيلها في صلاتي ان الله يحققلها ما تتمنى احبكم كلكم ربي يجمعنا في الفردوس الاعلى يارب العالمين
هيه والله صادقه اللهم صل وسلم على سيدنا محمد نحن لو نطبق القران والسنه وبحذافيرها بنكون بخير بس كل شي
كسل وتسويف ما اعرف شو قصتنا ننام نتعب !!! نقوم ننسدح !!! ناكل ما نش الا اذا خلص الصحن رياضه نمشي
ونحس انى سوينا مجهود جبار رغم ان الاجنبيات يمشن ويسون رياضه في اليوم ساعتين لين يوصلن للي يبنه عنايه كم
يوم وننتكس اعوذ بالله يارب تبعد عنا الكسل يومج كان حلو وتروحين وتردين بالسلامه ياااااااااااااااااااااااااااارب



بنات ياليت كل وحه مشاركه ويانا تكتب اسمها في القائمه عشان اعرف كم بنت صرنا انسخي القائمه من اخر بنت واضيفي اسمج

قائمة الاسبوع

1_اكوامارين