السلام عليكم و رحمة الله و بركاته
اللهم صلي و سلم على محمد و على ال محمد
بنات من زمان ما كتبت موضوع .. فحبيت افيدكم بتجربتي .. انا اتاخرت حمل ١٠ سنين و سويت تخفيف و حملت الحمدلله و ربي يرزقك الجميع ...
بعد ما جبت بنتي خلال السنتين و النص وصل وزني ل 85 كيلو .. حاولت اسوي ريجيمات كثثثثيرة منها الكيتو و اكتنز و اسامة حمدي و غلا الاشواق بس كلها اسبوع او اقل و اتعب و ما اقدر اكمل .. ما ادري كيف قبل احمل في بنتي ربي اعطاني ارادة بس دي الفترة حاولت و حاولت ما قدرت .. المهم و اما اتنقل في النت و اسوي بحث .. حصلت الصيام المتقطع مو الصيام العكسي .. لانه الصيام العكسي جربته و ما فادني ..
الصيام المتقطع تصومي بس من الاكل مو الشرب ١٦ ساعة و منها اوقات النوم تدخل ضمنهم .. و الباقي تاكلي فيه .. اللي هي الثمان ساعات ..
طبعا تاكلي اكلك العادي .. بس مو حلا و تخلصي صحون و تشطبيها و تقولي ما نحفت .. اكلك الانسان الطبيعي تحسي بشبع تقومي .. عندك ثماني ساعات تاكلي و بعدها ١٦ ساعة تقدري تشربي موية او موية تعصري فيها ليمون او موية بخل تفاح او يانسون او شاهي اخضر او ااي شي بدون سكر .. قهوة ..
بديتها من عشر ايام ما شاء الله فرق جسمي كثير اتحرك الميزان الكل لاحظ .. انا حاسة جسمي انحف من اللي في الميزان .. انا لسه ما وصلت للوزن للمثالي .. بس حبيت اقولكم عشان اللي محتارة و مو قادرة تسوي شي هذا النظام يمكن يناسبها .. الحلو تختاري الساعات الصيام اللي تحبيها صباح ١٦ ساعة او فليل بكيفك .. يعني انتي في الاجازة ممكن ال ٨ ساعات الليل تخليها اكل و الصباح صيام او العكس .. انا اصوم من عشر المساء لانه خلاص كلنا فالبيت مبدا متجهز للنوم و الساعة ال ٢ الظهر ابدا افطر او اتغدا .. الفطور قهوة بدون سكر و بعدها لتر و نص موية .. يعني ل ٢ ما احس بجوع .. اللي تبغى تعرف معلومات اكثر تروح لليوتيوب و تكتب الصيام المتقطع و راح تفهم اكثر ... ادعولي ربي ينحفني على خير و يرزقني اخ لبنتي .. و ما احد واح يحس انك مسوية رجيم .. ممكن تكوني في عزيمة و كلي و شوفي متى توقفي اكل و احسبي ١٦ ساعة .. الحلو تاكلي زي اللي حولك فالبيت و ما تحسي انك مسوية رجيم .. و في امان الله
موضوع مميز