شاركي في النقاش

سجلي الدخول لإضافة تعليق.

التعليقات

1,050
  1. @groh_alalm

    miss_123
    مرحبا بنات كيفكم اكيد بخير وان شاء الله تكونوا دائما بالف خير وبصحة جيدة انا اليوم صايمة ولما افطر اخبركم شو فطرت وشذوا حيلكم ما بقى على اختبار الوزن سوى الخميس والجمعة ان شاء الله يكون خير.
    هلا والله بنات شلونكم مبروك رنودة عالنزول ويلا خلينا الخميس والجمعه نشوفك
    الرأي الحر ان شاء الله كل ماجعت بشرب نسكافيه بس احس اني اشوى من قبل ملتزمهه ولله الحمد امس قست وزني زي ماهو خلاص قلت مني وازنه الا السبت ابشوفك وش يصير معي يارب انقص بس كيلو راضيه:( الله يسهل وماشاء الله كلكم اشوفكم شادين حيلكم الله لايضيعلكم تعب يارب
  2. حاسة بتعب وارهااق..ومالي نفس اكل اي شي

    توني غصبت عمري على ماي وشوية خل تفااح..طبعا عن الطعم محد يسالني..لانه بيغمى عليه في اي دقيقة اذا تذكرت..

    بس يوم قريت فالزجاجة مكتوب يساعد على تخفيف الوزن حطيت قطيرااااااات وشربته ويا مااي..

    اظن انهم يقصون علينا علشان نشتري الغرشة فكتبوا هالكلام.. اكيد ناجع في جبودهم محد يشتريه ههههه ونحن نصدق

    والله عندي وايد نصايح ومعلوماات بس من التعب اللي فيني مب قادرة اكتب..محتاجة بروتيناات..

    الله يضعفنا وينقص وزناا من دون ترهلاااااااااااااات :( والله وايد زايغة من هالشي لاني المفروض اسوي رياضة وانا ماتحررك مووليه..

    ان شالله ارجعلكم فليل باذن الله


    ادعولي انجح يابنات عندي امتحان الثلاثاء الياي بيولوجي 1 ووايد زايغة واحاتي ..ابا اييب امتيااز في هالمادة لانها مهمة وايد..
  3. ياريب يصير وزني بعدد مشاركاتي الحالية..خخخخ يعني 61..اخاف عقب سنة تقرون الرد وتحصلون مشاركاتي واصلة الالف وتزيغون وتقولون هالبنت مب صاحية هههه
  4. @lm_37

    مرحبا بنات انا متابعة لكم من اول واشوفكم تعذبون حالك

    انا ورني 78
    وطولي 156

    وهذا كله بعد الولادة (((تو بنتي الصغيرة عمرها 4شهور))

    قبل سنة رحت لاخصائية تغذية بمستشفى عرفان واعطتني نظام غذائي 1200 سعرة

    وحلو وسهل تنزلين كل عشرة ايام 2كيلو يعني بالشهر 6كيلو وبشهرين نزلة 13 كيلو وصار جسمي مررره حلو

    والحين مشيت عليه لي خمسة ايام بعد ما اخذ قياساتي وزني راح اقولكم ((يعني بعد ما اكمل العشرة أيام ))كم نزلت

    وعلى فكرة اكله حلو على اسمه نظام غذائي موب ريجيم اللي يهد الحيل تطلعين منه وانتي مسلولة كأنك نقيهة مرض ....

    وان شاء الله اذا تبونه انزله لكم

    لكم ودي وحدائق الزهر
  5. @btol_alhashm

    لمى....
    مرحبا بنات انا متابعة لكم من اول واشوفكم تعذبون حالك انا ورني 78 وطولي 156 وهذا كله بعد الولادة (((تو بنتي الصغيرة عمرها 4شهور)) قبل سنة رحت لاخصائية تغذية بمستشفى عرفان واعطتني نظام غذائي 1200 سعرة وحلو وسهل تنزلين كل عشرة ايام 2كيل…


    لمى....

    الحمد لله على السلامة ..

    ومبروك البيبي

    و بإنتظار النظام أكيد نبيه

تابعي تجارب أخرى من هذا القسم.