شاركي في النقاش

سجلي الدخول لإضافة تعليق.

التعليقات

4,820
  1. @pasta

    أم شهيد
    السلام عليكم ورحمة الله وبركاته المنتدى لم يتصلح بعد لكن الله المستعان اتيتك ياابستا باسئلة جديدة:22: كم يحفظ اولادك من القران الكريم؟ كم تحفظين انت من القران الكريم؟ من متى عندك شغالة في البيت ؟ وهل صحيح ان اغلب الخليجين , او القطري…
    كم يحفظ اولادك من القران الكريم؟
    كم تحفظين انت من القران الكريم؟


    عيالي يحفظون من المقرر عليهم في المدراس ( جزء عم )
    بالنسبه لي .. مب حافظه الا جزء عم ..وبصراحه مب كامل


    من متى عندك شغالة في البيت ؟
    من يوم ماكان عمر طفلي الثاني 7 شهور ...



    وهل صحيح ان اغلب الخليجين , او القطريين بما انك من قطر عندهم شغالات في البيت؟

    الغالبيه العظمى اذا مب كلهم



    وبنظرك ماهو السبب؟هل هو تقليد فقط ام عادة عندكم؟

    بالنسبه للسبب .. اكيد ما اطلب الشغاله الا لحاجتي ..خاصه اني موظفه واروح الدوام وماقدر ارجع الظهر اطبخ وانظف البيت وادرس عيالي ..واشوف نفسي ...
    وطفلي في البيت من بيقعد معاه .. مااقدر اوديه الحظانه واشيله كل يوم من فراشه واوديه
    هناك ياخذ امراض او شي ...
    ويمكن يكونون بعض الناس تقليد بس .. اغلب الناس يطلبون الشغاله عشان يرتاحون
    وفيه ناس عندهم 2 و3 و4 شغالات في البيت على حسب حجم البيت ...
    يعني انا مستقبلا اذا نزلت بيتي الجديد ناويه اطلب الشغاله الثانيه ... لان البيت كبير
    والمسؤوليات اكبر .... خاصه اني موظفه الا اذا تركت العمل ...بتكون عندي بس وحده

تابعي تجارب أخرى من هذا القسم.