الآخت لينا ادخلي بسرعة وكمان الآخت فتاة سورية ومن تحب الرشاقة

اهلين لينا :

بصراحة ما تدرين ايش كانت فرحتي لكي بنزول 10 كيلو ما شاء الله الله يتمم عليك

ولكن الغريب انك ذكرتي انك نزلتي على شئ انا اشتريته قبل كذا بعد ما ضاقت بي الآرض رحبا وهو : يعني انت نفس تفكيري انا قلت الياف ممكن تحسسني بالشبع وانقص وهو كما تعرفين يستخدم لشئ اخر . واقولك توكلت على الله وشريت نوعين بالشكولاته وبعد مارحت البيت قريت المحتويات والاستعمال وخفت استعمله لنهم كاتبين علية الجرعة واستشارة الطبيب تعرفين خرابيطهم الي ماتنتهي . وخفت استعملة لاني ارضع , لكنك والله العظيم حطيتلي الآمل بنزول الوزن
لاني ولدت وهي ولادتي الأولى وتغير جسمي نهائي حتى زوجي كرة سمنتي ودايم يقول لي لازم ينزل وزنك وبين سالفه واخرى يحسسني بسمنتي ويقول هذا انتم بالسعوديات تكون الوحدة زي جسم عارضة الازياء وبس تجيب بيبي تصير نفيخة المنفيخو وهلم جرى من هذا الكلام . وانا ما اقدر اصلح رجيم قاسي علشان البيبي مع انه يرضع برضو صناعي يعني مو معتمد علي , معليش ياعمري طولت عليك
بس الله يخليك باسرع وقت ردي علي كيف استعملتيه يعني طريقتك انت بالظبط وكم مرة تشربينه وايش بالظبط تاكلين معاه ويش الرياضة الي استخدمتيها في تلك الفترة وكم المدة الي نقص فيها وزنك . سألتك بالله اذا تحبين الخير والدعاء مني لك انك تجاوبيني لأن الموصوع مسبب ازمه عندي ومثل مانت عارفة الزوج لمى يستهزي ويقول شوفي كيف الي حولينك معتنين بأجسامهم . اموت من القهر
معليش اختي كثرت عليك الكلام .بس رجاء لاتطولين بالرد تراني منتظرك على احر من الجمر.


اختي فتاة سورية : اكيد قريتي معاناتي خاصة ان ولدي عمرة 5 شهور ولا يوجد اي ملامح تلوح بالآفق لجسمي السابق . خاصة اني توي في بداية زواجي لاني تزوجت وعلى طول حملت الي اقصدة ان زوجي ما شاف جسمي الحقيقي ابداً من الشهر الأول حصل الحمل والله مقهورة مومن الحمل استغفر الله لا من السمنه . فياليت اذا حابه تساعديني تعطيني وصفتك كم المدة وايش اكلك بالتحديد وايش الرياضة الي استخدمتيها خاصة ان زوجي يقول لازم تنحفي وبأي طريقة شوفي نفسك أي جهاز رياظة اشترية مايهم اي اكل لرجيم اشترية اي جدول او نظام استخدمية . فياليت تذكرين ايش استخدمت بالضبط الله يسعدك انا بلآنتظار :16: :icon33:

ولجميع الآخوات ارجو من لديها تجربة شخصية ما تبخل علي فيها .

:(