اشوف الاوزان ثابته و البنات يتمللن من الثبات
و التمارين
و الدايت
و يغيرون نظامهم لعل و عسى ينكسر ثبات الوزن
بس انا بقول لكم ان الرياضه اهم من الدايت
اقول لكم ليش
لان العضل اثقل من الشحم دبل الوزن
لكن الشحم نص الحجم او اقل
يعني اذا بنقارن احجام
شوفوا حجم كيلو الشحم مقارنه بحجم كيلو العضل
و هذا 2 كيلو و نص من الشحم مقارنه بمثلها من العضل
يعني لمن تلعبين رياضه
بدل الشحم يصير عضل مكانه
فتوقفين على الميزان وما تلاحظين اي تغير بالارقام
لكن الغريب ان فيه تغير بمقاس الملابس !!!
لان جسمك جالس يبني عضله
والعضله ثقيله ووزنها على الميزان كبير
لكن حجمها صغير و ملموم. ماهي مثل الشحم
ماله شكل محدد و كبير ويتمايع بكل مكان
و اثناء بناء العضله تذوب الشحوم ببطء
و على ما توصلون الوزن المثالي بيكون مافيه شحوم
بس العضله الحلوه الملمومه
غير النفسيه الحلوه بعد التمرين
الجسم يفرز هرمون السعاده كل ما ارتفع نبض القلب
و تخف العصبيه مع افراز العرق
و يعطي نظاره حلوه للبشره
ويساعد على شد بشرة الوجه وتحرك الدم فيها
******
عشان احمس البنات
هذي صور لملابسي قبل و بعد
صوره يوم كنت بوزن 105
قبل شهر تقريبا
و صوره للوزن الحالي 89 حسب يوم الجمعه الماضي
يعني الفرق بعد نزول 16 كيلو
و هذي البلايز
بوزن 105
البلوزه الرماديه كانت ضيقه علي مبينه كل كرشتي و شاده عند صدري
و الورديه الحين بعد ما نزل وزني مرتبه
كويسه عند الصدر وماهي ضيقه عند الكرش
مع العلم ان جسمي فوق امتن من تحت بكثير
وهذي البنطلونات
اول ما بديت كان البنطلون الكبير ما يدخل فيني
كان يوصل لنص الفخذ وماقدر حتى ارفعه لمؤخرتي
و الان بعد ما نزل وزني البنطلون الاصغر مناسب لي تماما
مرسوم على جسمي
لا اوسع ولا اضيق
********
الحين بتقولون وش دخل ثبات الوزن و الرياضه بهالصور
وانتي نازله 16 كيلو عشان كذا نزل مقاسك ؟!!
بقول لكم ليش
لان اكبر بلوزه الرماديه يوم اشتريها كان وزني
84 و كانت ضيقه
و البنطلون الكبير شريته بنفس الفتره وكان يادوب يتقفل
كنت مترهله و كلي شحوم مايعه
الحين صح وزني اعلى
لكن عضلتي مرسومه و ملمومه
ف صرت ابين اطول و انحف
و الملابس احلى علي
لان خفت الشحوم و مياعتها
و مع الرياضه انشد كل شي
و مع الايام بينزل الوزن اكثر
ويصير الجسم احلى :hearts:
******
يعني الزبده
زيدوا الرياضه هزوا هالشحوم :icon30:
*********
عشان لا تتكرر الاسئله عن تماريني هذا جدولي الحالي
تدرجت بالرياضه حبه حبه
بديت ب 10 دقايق و زدتها و لسه كمان بزيدها اكثر
و كنت اقسمها على اوقات متفرقه خلال اليوم
اما الحين جمعتها مع بعض
حاليا اسوي باليوم الواحد
نص ساعه متواصله اوربتراك الفجر اول ما اصحى ع الريق
ساعه و شوي تمرين ال 5 ميل كامل حول الساعه 3 ونص العصر
ساعة مشي بالممشى. بعد صلاة العشا
و اذا شفت نفسي فاضيه اسوي تمرين بو 5 دقايق من يوتيوب
و استعمل القرص الدوار كل دقيقه اشوف نفسي فاضيه
و احيانا تمرين المروحه وانا اتابع تلفزيون
او اصعد وانزل الدرج مع اوزان