النشاطات الصيفية " اسبوع الريجيم" .. تعالي ..تعالي شفتك هربتي ...وانت كمان..

السلام عليكم ورحمة الله وبركاته

اخواتي الفاضلات اعضاء عالم حواء قسم المغتربين

يعني كل مرة بكتب موضوع عن الريجيم وبنسجل وبنقول هالمرة بدنا ننحف وما بنساوي شي ...وبنرجع مرة تاني بعد كام شهر وحدة بتتحمس وبتكتب موضوع عن الريجيم والكل بسجل ويلا متابعين معاك ونفس الشي بصير ....يعني بيني وبينكم فكرت بحالي معقولة ما عم تقدرنتحكم باعصابنا قدام شوية اكل ....لذلك هالمرة عن جد عن جد رح بلش بالريحيم وان شاء الله نكمل للنهاية ونوصل جميعا للوزن المطلوب ....الشغلة ما بدها غير شوية صبر وكتير عزم وارادة

نجي للمهم ...بما ان انا بعرف ان هاليوم حبدأ بموضوع الريجيم امبارح نزلت على السوبرماركت واشتريت الادوات اللازمة للريجيم ورح خبركم شو هي بعد شوي ... طبعا بهالموضوع كل وحدة ممكن تتبع الريجيم الي هي حاببته والموضوع رح يكون مرجع لنا يعني دائما ندخل ونكتب شو صار معنا هذاك اليوم او هذاك الاسبوع للي ما بيقدر يدخل يوميا متل حالتي ...المهم بدنا نضل نتابع مع بعض ونشجع بعض لحتى ما نضعف امام الاكل ولحتى نوصل للي في بالنا "واعتذر للاخت الي طلبت مني هالموضوع من زمان وانا نشغلت وبعدين نسيت "

مو كأنو حكيت كتير ؟؟!!!!!!

المهم انا رح اقول لكم خطتي الريجيمية والي بدو يتابع معي اهلا وسهلا والي عنده خطة لحاله الله يقويه وياريت يعرضها للاعضاء علشان الكل يستفيد

اول شي ادوات الريجيم :

فواكه ...انا جبت تفاح

v8 هو عصير خضراوات وفيه منه انواع كثيرة انا جربت الحار وعجبني لذلك هو الي اخترته

كاندي للعشا وفيه انواع كثيرة انا اخترت سبيشل k الفانيلا والشكولاتة في منه على قراولة وتوت بس حسيتهم حلوين كتيرلذلك استقريت على هدول ....صورتهم موجودة بهالموقع

http://www2.kelloggs.com/brand/brand.aspx?brand=215&cat=protein#prod-7372

الي جربتهم الصورة رقم 7 و8 و9 و10 و16 و17 ..واخر صورتين لنفس المنتج اذا حبيت اكلهم كتسلاية متل الشبس

وفي كمان

خطتي كالتالي : الصباح اول ما استيقظ باكل حبة فواكه .. "طبعا ما كتير بتسمن يعني موز لا " ..وانا اخترت تفاح احسن شي.. تفاح على الريق ما بيجعل لطبيب طريق متل ما بقولوا

بعدها بكام ساعة بيجي وقت الفطور ..بالايام العادية صحن حليب خالي الدسم وسيريال ورح خلي هالصحن دائما للحليب وسيريال لختى احدد الكمية واكلها نفسها كل يوم وبايام السبت والاحد لان زوجي بالبيت ومشان التغير شوي لحتى ما مل من الحليب والسريال رح اكل من الفطور الي بعمله بس كمية محدودة اعتقد انها ثلث رغيف خبز ...يعني ثلث رغيف خبز باكل معه اي شي بدي ياه المهم ما ازيد عن ثلث رغيف

بعدين بعد كام ساعة اذا جعت ممكن اكل قطعة خضروات ...بندورة ...خيار ....فليلفة ... خس ....الي هو

بعدها بكام ساعة بيجي الغدا باكل عادي من الغدا لكن كمية محدودة ...يعني بقدر لنفسي صحن بسكب فيه نصف الكمية الي كنت اكلها في السابق وبيصير هذا الصحن للغدا مشان كل يوم اكل الكمية نفسها

بعد بكام ساعة اذا جعت بشرب علبة من عصير v8 الحجم الصغير

بعدها بكام ساعة بيجي وقت العشا .... بالنسبة لي انا ما كتير متعودة اتعشا عشا دسم لذلك ..ألعشا بالنسبة لي هو قطعة من الكاندي الي قلت لكم عنه في اداوت الريجيم

وفي عندي هواية انا بعد ما كل الاولاد يناموا دلل حالي بقطعة ايس كريم لكن هالمرة رح تكون من النوع الي قليل الدسم وفي منه كتير انواع ان شاء الله رح احط لكم صورها و اسمائها قريبا

شوية ملاحظات :

اثناء الطبخ ... بحط جنبي كاسة مي باردة كبيرة وطول ما انا عم اطبخ بشرب منها

الرياضة سمعت ان المفروض الواحد ما بيدا فيها لبعد اسبوعين او 3 على بدء الريجيم وهذا الي رح ساويه ان شاء الله

شو كمان ...رح حاول قدر المستطاع اكلي وشربي كله يكون من النوع خالي او قليل الدسم ماعدا بالشراب البيبسي وغيره رح اشرب عادي لكن نص علبة

وصحي نقطه مهمة الي بدها تطنش على شي وجبة وما تاكلها ابدا .. ممكن لكن ما تخليها نفس الوجبة دائما يعني ما تقول انا مارح اتعشا ابدا لان الجسم مابيجيه اكل فبيتعود على هيك وماعاد يحرق دهون بهذاك الوقت

ولا تنسوا شرب المي كتير مهم اثناء الريجيم ...يعني كل ما دخلتوا المطبخ اشربوا شي كاسة

للي بدها تتبع ريجيمي او شي مثله حسب الي هي متعودة عليه او حسب الي يناسبها تتذكر ان مارح يبان عليها الا بعد مرور اسبوعين ...ان شاء الله بعد اسبوعين بتلاحظ انها كل اسبوع رح تنقص 3 او4 باوند يعني كيلو او اتنين


يلا اسفة طولت عليكم ورح ضل متابعة معكم باذن الله ...واتذكروا الشغلة بدها عزم وارادة وكلها كام اسبوع وبعدين بتاكلوا الي بدكم ياه


مين مستعدة تبدأ معي بعزم وجدية وتكمل للنهاية لحتى توصل للوزن المطلوب

ترى بدي تقرير يوميا و اسبوعيا عن الي ساويتوه لحتى ما تبرد همتنا بعد كام يوم وترجع ريما لعادتها القديمة

واعذروني لان الموضوع خالي من الرسوم والوجوه المعبرة الضاحكة او الباكية بس بصراحة ماعندي وقت نقيهم وحطهم وهاي بس وحدة على الماشي :)