## تعبتي من الوزن الزائد ..... نفسك تكوني نحيفة ......اتفضلي##

منقول حرفيا
من منتدي عمرو خالد
روضة الاخوات
وان شاءالله تستفيدوا منه وانا من ضمنكم يارب



تعبتي من الوزن الزائد ..... نفسك تكوني نحيفة ......اتفضلي


--------------------------------------------------------------------------------

أنا لاحظت ان في كتير أخوات هنا في المنتدى بيشتكوا من زيادة الوزن علشان كده انا حبيت أشترك معاكم وأحط لكم الرجيم ده

وهو مش رجيم بمعني الكلمه يعني مش متعب خالص لأنه مش بيعنمد على التقليل من الاكل ولكن بيعتمد على حاجه اسمها كيمياء الطعام لأن الأكل اللي في بيلاشي بعضه فتكون النتيجه إن الجسم بيستفاد ومابيتخنش

ملاحظه : الرجيم ده حاصل على جائزه من منظمة الصحه ودكتور ايطالي هو اللي مقترحه وأنا جربت الرجيم ده شخصيا ونزلت كتير وانا هانقلكم نص الرجيم حرفيا
اه وكمان الأكل اللي في الرجيم ده الدكتور عدله علشان يكون مناسب ماديا وموجود في مصر وفي العالم العربي عموما



شهر رجيم
تستطيع أن تنقص وزنك بكمية ماحوظة خلال شهر مع مراعاة أن النقص يكون في الحجم وليس في الوزن الأساسي وهذا هو المطلوب ، بمعنى صغر حجم الأجزاء المراد تخسيسها من الجسم مثل البطن والفخذ ، الأجناب والصدر أو أي منطقة بها كمية دهون زائدة باتباع الخطوات التالية
1 - هناك 3 برامج رجيم كل برنامج مدته 10 أيام متصلة
2 - اتباع كل نظام بمنتهى الدقة وليس هناك أكل بين الوجبات إلا الفاكهة
3 - الإلتزام بكمية السكر المحددة في البرنامج التزام جاد
4 - عند انتهاء كل برنامج على حدة يجب كسر الرجيم ليوم واحد أي بعد 10 أيام والبدء في النظام التالي بعد الكسر
5 - الإفطار إجباري في جميع أنظمة الرجيم لأن عدم الإفطار يساعد على زيادة الوزن
6 - بعد الإنتهاء من الثلاثة انظمة للرجيم ينصح باتباع كيمياء الطعام

النظام الأول : لمدة 10 أيام
الإفطار : اختيار واحد فقط :
1 - رغيف خبز بلدي + طماطم فقط لاغير
2 - ربع رغيف بلدي + بيضه كاملة مسلوقه أو بياض بيضتين + خضار ورقي ( خس أو فجل او جرجير )
3 - ربع رغيف بلدي وجبن وطماطم
4 - ربع رغيف بلدي وجبن رومي وفلفل أخضر
5 - مشروب ساخن بملعقة سكر ( لبن - حلبة - ينسون - .... )
ــــــــــــــــــــــــــــــــــــــــــــــــــ ـ
الغداء : ( اختيار واحد فقط )
1 - أرز مسلوق أو عادي بدون ملح + لحمة +سلطة رجيم (بدون بصل وفلفل أخضر )
2 - جبن + طماطم + خيار + بقدونس +نص رغيف خبز بلدي
3 - سمك مشوي + طبق أرز + سلطة رجيم
4 - سمك مقلي + نص رغيف خبز + سلطة رجيم
5 - بيض مسلوق ( بيضتين ) + خضار ورقي + نص رغيف
6 - فراخ + نص رغيف + سلطة رجيم
7 - طبق خضار + نص رغيف بلدي + سلطة رجيم
8 - طبق خضار + طبق أرز
ــــــــــــــــــــــــــــــــــــــــــــــــــ ــــــ
العشاء : نفس الأفطار ونفس الأختيار
السكر :اذا لم يتم تناول سكر في الإفطار لابد من تناول ملعقة سكر صغيرة يوميا
الفاكهة :بين الوجبات أثناء الجوع بأي كمية ماعدا ( العنب والبلح والتين )
ــــــــــــــــــــــــــــــــــــــــــــــــــ ــــــــــــــــــــــــــ
دا هو النظام الأول ومدته 10 أيام
لو عجبكم الرجيم ده قولولي علشان أكملكم النظام الثاني والثالث علشان أنا ايدي وجعتني
يلا يا بنات انا مستنيه ردودكم


والآن يا أخواتي الحبيبات انا هاكملكم النظام الثاني بس أحب اقولكم على بعض الحاجات الاول

هاحكيلكم على تجربتي أنا مع الرجيم ده : الرجيم ده انا عملته في فترة الإمتحانات وانا في الكلية ... عارفين يعني ايه امتحانات يعني مفيش حركه خالص كل اللي بعمله من البيت للكليه ومن الكليه للبيت للمذاكره يعني أنا معملتش رياضة او اي نوع من انواع المجهود البدني والعضلي وبالرغم من ده خسيت 8 كيلو في شهر حد يصدق ده .. والله يا جماعه بجد

عارفين ليه خسيت كده ... أقولكم ليه ... وهو ده السر في عبقرية الرجيم ده

لأن بكل بساطه يا جماعه إننا لما بناكل المعده بتهضم الأكل والأكل الزائد عن حاجتها او صعب الهضم بيتخزن في الجسم بصورة دهون
أما في الرجيم ده فإحنا بناكل أكلات معينه بتلاشي بعضها في المعدة
يعني لو انتوا لاحظتوا مثلا البيض لازم لازم معاه خضار ورقي والجبنة الرومي لازم معاها فلفل اخضر ... فلما بناكل الأكل ده وبعد ماتتم عملية الهضم في المعدة نلاحظ ان الأكل يهضم ويستفاد منه بالأكمل من غير أي تراكم للدهون
يعني يا أختي الحبيبة داليا إن شاء الله هاتخسي يعني هاتخسي بس لازم الإنضباط التام لأن انواع الرجيم اللي بيكون فيها كيمياء الأكل ماينفعش فيها هزار خالص
وعلى فكرة انا قلتلكم على بسكوت السويسرول علشان تبقي تعمليه في يوم الاجازه بعد 10 ايام من الرجيم

أما بالنسبة للأخت صرخة جنين فأنا عندي لها نصيحة تانيه
وبنصحك طالما انتي مش عاوزه تخسي كتير وبس 4 كيلو فانتي ممكن تستني لحد ماانا اخلص الثلاث أنظمة بتاعة الرجيم وبعد كده هاكتبلكم حاجة اسمها كيمياء الطعام وهي الطريقة اللي تخلي اي وحدة خست تحافظ على الخسسان ده واي وحده نحيفة انها ماتتخنش
فانتي استنيني وربنا يسهل


--------------------------------------------------------------------------------


النظام التاني وصل
لمدة 10 أيام :
الإفطار : ( اختاري اثنين من الآتي )
1 - نص رغيف خبز بلدي او ربع رغيف فينو
2 - جبن ابيض
3 - بيضة مسلوقة او بياض البيضة فقط
4 - 2 ملعقة فول + طماطم +كمون+بقدونس
5 - كوب لبن ويفضل مع هذا الإختيار الخبز البلدي
ــــــــــــــــــــــــــــــــــــــــــــــــــ ـــ
الغداء : ( اختاري 3 من الآتي ) ولا يوجد أرز او مكرونة او خبز
1 - لحم مطهي بأي طريقة ويفضل نزع الدهون
2 - سمك مشوي
3 - بيض مسلوق ( 2 بيضة )
4 - جبن ابيض
5 - طبق سلطة بدون جزر وبصل وجرجير
6 - طبق خضار بدون وش
7 - دجاج بدون جلد مطهية باي طريقة
8 - طبق فول بالإضافات ( طماطم + كمون + بقدونس )
ــــــــــــــــــــــــــــــــــــــــــــــــــ ـــــــــ
العشاء :نفس الإفطار ونفس الإختيار
السكر :نص ملعقة سكر يوميا
ــــــــــــــــــــــــــــــــــــــــــــــــــ ــــــــــــ
موعدنا مع النظام الثالث في الحلقة القادمة



النظام الثالث وصل
لمدة 10 ايام
الإفطار : كوب ماء دافئ بدرجة حرارة الغرفه على الأقل ، وبعد ربع ساعه شرب مشروب ساخن بملعقة سكر ثم فاكهة او خضار إلى ميعاد الغداء
الغداء:
1 - نص رغيف أو طبق ارز او طبق مكرونه بدون صلصة وبأي كمية
2 - سلطة بدون بصل او جزر أو جزر او جرجير
3 - ( لحم أو فراخ بدون جلد )اذا تم اختيار الأرز يختار معه اللحم وإذا تم اختيار المكرونه أو الخبز يختار معها الفراخ ) أو سمك مشوي أو طبق خضار او جبن او فول
4 - نصف ملعقة سكر
العشاء : فاكهة ماعدا ( التين والبلح والعنب )
ــــــــــــــــــــــــــــــــــــــــــــــ
وبهذا يكون النظام الثالث قد انتهى
أنا مستنيه أشوف كل وحده كده وإرادتها وماتنسونيش بالدعاء
ملاحظة : الرجيم ده من غير أي مجهود عضلي او بدني بيخسس من 6 - 8 كيلو
لو أي واحده عاوزه تخس اكتر من كده ممكن تعمل اي نوع من انواع الرياضة
ولو الواحده خلصت الرجيم ولسه عاوزه تخس اكتر ممكن تعمله تاني
إن شاء الله المره الجايه هاكتبلكم على كيمياء الطعام وزي ماقلتلكم هو ترتيب للأكل بس وممكن الاخوات الرشيقات يشتركوا معانا فيه علشان يفضلوا رشيقات على طول ( عقبالنا يارب ) أشوفكم في الحلقة القادمه



--------------------------------------------------------------------------------


وأخيرا ( كيمياء الطعام )
عبارة عن مواد أو انواع الطعام تؤكل مع بعضها فتقل امتصاصها في الأمعاء مما يساعد على نقص الوزن وعكسها يزيد الوزن
اللحم مع الأرز
اللحم + خبز + شوربه بدون سلطه
اللحم مع جميع أنواع الخضروات ماعدا البقوليات (المطبوخة )
الطيور مع الخبز
الطيور مع الأرز + شوربة بدون سلطة
الطيوم مع الخضروات المطبوخة بجميع انواعها بما فيها البقوليات
الخضار المطبوخ بشوربة لحم مع الأرز بدون سلطة
الخضار المطبوخ بشوربة طيور + خبز + سلطة
الخضار المطبوخ بدون شوربة طيور أو لحم ( قرديحي )+ خبز + سلطة
الخضار المطبوخ بدون شوربة طيور أو لحم ( قرديحي )+ أرز بدون سلطة
السمك المشوي مع الأرز
السمك المشوي مع الخبز قبل الأكل بساعة يؤكل طبق سلطة بدون مالح
السمك المقلي مع الخبز
السمك المقلي مع الأرز قبل الأكل بساعة يؤكل طبق سلطة بدون مالح
جميع أنواع البروتينات يفضل أكلها مع الخبز البلدي
جميع أنواع السكريات يفضل أكلها مع الخبز الفينو
البطاطس مطبوخة او مقلية يفضل أكلها مع (السريس ) نبات يشبه الخس ولو مش موجود ممكن خس
الأرز المعمر مع السريس
لو السلطة مع الأكل تكون بدون بصل وجزر وفلفل وجرجير
شرب كوب ماء كبير قبل الأكل مباشرة بدرجة حرارة الغرفه ( من الحنفية )
شرب كوب ماء مثلج بعد أكل الطعام الدسم
المكرونه بدون صلصة .. ولو في صلصة تضاف إلى المكرونة أثناء الأكل وليس وهي على النار
الجبن مع الطماطم ما عدا الجبن الرومي مع الفلفل الأخضر
البيض المسلوق مع الخضار الورقي ( خس - فجل - جرجير - سريس )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
وبكده نكون خلصنا كل الرجيم ده
التونه ماتنفعش بدل السمك إلا التونه الخاصه بالرجيم الخاليه من الملح والزيوت بس طبعا السمك أحسن وكمان أرخص


ودلوقتي يا جماعه عاوزه اقولكم شوية نصائح عن الرجيم وكل النصائح دي من ناس مجربين وعارفين وانا أولهم وياريت لو حد يعرف أي معلومه مايبخلش بيها علينا علشان الإستفاده تكون كامله إن شاء الله
الإمساك شيئ متلازم مع الرجيم حسب طبيعة الجسم ودرجة تكيفه على الرجيم واعرفي انه لوجالك امساك وانتي بتعملي رجيم يبقى صعب جدا انك تخسي إلا بصعوبه وهاتكوني محتاجه تمارين ومجهود كبير علشان كده الحل للإمساك وشرب كوب من شاي التخسيس بالليل قبل النوم بساعة وطبعا من غير سكر ... هو طبعا طعمه مش حلو لكن استحملي وماتعمليش كده إلا إذا جالك امساك
في مثل بيقول مايأتي سريعا يذهب سريعا علشان كده اوعي تستعجلي انك تخسي .. وده أكبر غلط بيقع فيه الناس لأنهم بيستعجلوا الخسسان وبيكونوا عاوزين يخسوا كتير في مده زمنيه قصيره وده غلط ... والصح ان الجسم لازم ينزل ببطء علشان مايرجعش تاني يعني لو الواحده نزلت مثلا 8 كيلو يكون ده انجاز رائع تفتخر بيه
الإلتزام ثم الإلتزام ثم الإلتزام أهم شي لنجاح رجيمنا ده والأهم منه هو الإراده
مش فاكره بقية النصائح مع اني كنت محضراها في ورقه بس ضاعت مني لما هالاقيها هاجيبها لكم على طول
خلاص بقى يا جماعه احنا مستنيين نصائحكم وتجاربكم مع الرجيم علشان الإستفاده
واستعدوا خلاص يوم الجمعه قرب وهاتنطلق الصفاره