حسب المكونات لورق عنب
احنا في السعودية الورق عنب نسويه خفيف فيصلح للقعدات العادية ويصلح برضو للعشاء الخفيف اذا الشخص يتعشا لحاله وما يبي يثقل في الاكل، لكن ما يصلح ابدا تقدمينه للضيوف في العشاء الا كمقبلات ما ينفع ابدا وجبة عشاء اساسية للضيوف
أما الشاميين يكون حقهم دسم وبهارته كثيرة
١-ورق عنب بلحم (اليبرق) هذا يجمع في حشوته بين الرز واللحم والبهارات والزيت والسمنة يلفون الورق عنب ويحطون في القدر ليات خروف ولحم موزات وفوقهم ورق العنب المحشي باللحم والرز والبهارات هذا دسم جدا ما يصلح للمقبلات ولا قعدات الشاهي هذا يقدم كوجبة اساسية في العشاء عندهم بحيث يقلب القدر على صحن كبير فيكون اللحم فوق والورق عنب تحت وكل واحد يغرف من اللحم وورق العنب في صحنه الخاص
٢-ورق عنب نباتي بزيت(يالنجي) يحشونه برز وبقدونس ونعناع وبصل نوع او نوعين وطماط وممكن يستخدمون نباتات يابسة وفرش في نفس الوقت ويتبلون الحشوة ببهارات كثير مثل البابريكا والكمون والملح والماجي والقرفة وغيرها ويخلطونها بدبس الرمان والزيت ومعجون الطماط و وفي الطبخ يجيبون قدر يحطون فيه كوسا شرايح وباذنجان شرايح وبطاطس كل نوع من الخضار هذي يحطونها طبقة فوق بعض وفوقهم ورق العنب وفوقهم شرايح بصل هذي برضو تصلح تكون وجبة عشاء للضيوف لانها تطبخ بكمية كبيرة في القدر وحشوتها فيها خضار وبهار كثير وتحتها وفوقها خضار وتقدم مع نوع محاشي ثانية مثل الكوسا المحشية
والبعض يسوي كل نوع محشي في قدر خاص والبعض يسوي محاشي في قدر واحد مثل الدولمة العراقية قدر واحد فيه كل المحاشي ورق العنب والفلفل الرومي المحشي والسلق والبصل المحشي والطماط المحشي والبطاطس المحشي الخ وتحتها لحم وفوقها خضار واذا استوى يقلبونه على صحن كبير وكلن ياخذ لصحنه الخاص وياكل فيه هذي دسمة ووجبة اساسية لحالها
سؤال ع الطاير / لكنه قسّم المجلس إلى فريقين😂
متابعة النقاش، صفحة 3