انا ما رح اشترك .. وزني 50 كيلو يعني 110 باوند.. دائما الناس بيسألوني كيف هيك وزنك وانت جايبة 5 ولاد.. وانا برد عليهم: لأني جايبة 5 ولاد!!!! يعني الشغل وراهم والحركة والله مو سهلة.. بس بصراحة بعد ما قرأت برنامجك للريجيم يا فتاة سورية ..اكتشفت ان انا كنت بدون شعور عم طبق هدا الريجيم.. يعني بحياتي المعتادة احيانا ما بفطر..واحيانا ما بتعشى..والأكل على السريع باكله..وبقوم عشرين مرة وقت الغداء..فما بتجيني نفس أكمل أو أسكب زيادة..وأحيانا بكون عم غدي الأولاد فبقول لحالي: يلا بعد ما يخلصوا اكل انا باكل.. وبعد ما يخلصوا بقول.. يلا بعد ما أجلي.. يلا بعد هيك.. يلا بعد هيك..وما بحس إلا وقت النوم صار وانا هلكانة من التعب..ولا يمكن أفضل الأكل على النوم..فبروح بنام... أحكيلكم قصة بس..أخي عنده زيادة في وزنه..راح من فترة سألني..شو بتاكلي مشان أكل متلك وانحف.. فقلت له: اني احيانا ما بفطر واحيانا من الغدا للغدا اليوم التاني واحيانا من الفطور للعشاء.. فسالني ما بتجوعي؟؟ فجاوبته: طبعا بجوع..بس أنا صرت أحب هدا الشعور لما المعدة بتقرص من شدة الجوع وتضل تقرص وتقرص ..وبعدين بيطلع من معدتك هداك الصوت القوي اللي بدل على شدة الجـــــــوع ................... وبعدين ما بتعود بتحس بشي!!!!! وبتتعود.... المسكين ضل يطلع فيني كأني عم أحكي له فيلم رعب!!!!
الله يقويكم يا بنات.. عسى تكونوا تشجعتوا !!!!!!
مسابقة الريجيم للمغتربات...سارعوا بالتسجيل المدة محدودة ...وفي جائزة للفائزة
متابعة النقاش، صفحة 14