اش هذا الكسل يابنات وينكم؟؟
أنا صايرة ألعب على الجهاز من اسبوعين يوم ألعب ويوم لأ
طبعا ما أكمل نص دقيقة إلا وأكون تعبت على الآخر
المهم الحين بديت أمشي 45 دقيقة بسرعة كبيرة وبعدين العب على الجهاز 10 دقائق واستريح بعد كل نص دقيقة لأني ما اقدر اكثر من كذا.( و الحمدلله على كل حال والله يشفيني و يشفى جميع المسلمين والمسلمات)
طبعا المشي يحرق قرابة 100 كالوري و الاوربت راك تحرق شوية كالوري في حدود 30 كالوري لعشر دقايق لكنها تشد عضلات الجسم.
كان بطني قياسه 32 انش قبل اسبوعين الحين صاير 31 و احس بشد في البطن
و انا طبعا ماشية على ريجيم ( قطعت اكل الخبز الابيض تماما بس آكل خبز اسمر و مايزيد عن خبزة ونص كل يوم بالاضافة رز ماشئ، آكل تفاحتين كل يوم، اشرب 8 كؤوس ماء كل يوم، نص ملعقة سكر مع الشاي بدل ال3 ملاعق اللي كنت آخذها، حليب والروب كله خالى الدسم،طبعا أكثر من السلطة طماطم+فلفل رومي،آكل بقول مسلوقة+خضر مسلوقة، دجاج مسلوق و بيض مسلوق وسمك تونة نص علبة كل يومين) وبكذا أحصل على بروتينات و سكريات و فيتامينات و زيوت اوميغا ألياف وكالسيوم بدون سمنة.
بنات أنا وزني 52 تقريبا و انتوا اللي اوزانكم اكبر تقدرون تحرقون سعرات اكثر مني بكثير و بنفس الجهد اللي ابذله. لان كلما كان الوزن اقل كلما احتجت بذل جهد اكبر لحرق السعرات.
فشدوا حيلكم و كلوا نفس الاشياء اللي آكلها بكميات معقولة كل يوم وابتعدوا عن المقالي وعن السكر الابيض وعن الخبز الابيض والرز والحليب الكامل الدسم والجبن الكامل الدسم. طبعا الشكولاته ممنوعة الا مرة ف الاسبوعين و تكون قضمة وحدة، والبسكويت والحلويات ممنوعة.
والله يوفقكم لفقدان الوزن و لشد الجسم وادعوا لي ترا انا جسمي ماعرف اشفيه اعاني من ارهاق و رجفان بشكل دائم وكل الفحوصات تثبت ان ماعندي امراض والحمدلله.
الاوربتراك ،، تجمع جديد ،، للنشيطات فقط
متابعة النقاش، صفحة 20