يوميات المجموعة الثالثة (من وزن 80 إلى 89) / صيفك أحلى مع الرشاقة(1)

السلام عليكم
اسمي مرمر البتول
الوزن 85
النهارده المفروض ابدا ان شاء الله


هاشرب كوب كمون ان شاء الله وشاء اخضر واقلل من الاكل واشرب سوائل كثير
وربنا ييسر ادعولي التحق بجيم

سلاااااااااام يا حلوين
تسجيل حضور عشان ما تنسوني
اسمي رشيقة في الأحلام بس أختي البتول سجلتني من باب التفاؤل رشيقة في الواقع
في صراع مع السمنة من حوالي 4 سنين الا قبلها كنت سمبتيك ههههههه
الله ينزل اوزانا جميعا بصحة وعافية
الاسبوع الماضي كنت مخففة على الآخر نزلت 2 كيلو وخبصت الويك اند وطلع كيلو
يعني بدايتي بوزن87 يارب ما تنتهي المسابقة الا وانا قالبته 78 وهو الوزن اللي كنت عليه قبل شهرين بس
بالنسبة لنظامي
كنت مفكرة ابدا رجيم 3*3
بس ما راح اقدر التزم فيه حرفيا بسبب ظروف الاجازة
فغيرت الى نظام سعرات من مخي أفصله على حسب ظروف يومي
اليوم اللي باكون طالعة او معزومة بحدد 800 سعرة والايام اللي قاعدة بالبيت 500 سعرة فقط
باركز على عصير الاناناس والكيوي كوجبة بديلة للعشا
وطبعا مشي قد ما اقدر بس مو اقل من 45 دقيقة
اللي عاجبها نظامي وحابة تشاركني ياليت علشان نحمس بعض ونتبادل الخبرات والتجارب

السلام عليكم ورحمة الله وبركاتة
هذه اول مره اشارك في مسابقة واتمنى نشجع بعض حتى نوصل للي نبي
اليوم وزنت في النادي وطلع وزني 87
الهدف الاول انزل هالسبعة ان شاء الله
والهدف الثاني اوصل 75بإذن الله
اليوم بديت برجيم ريد حق الاخت سكر الكويت بالاضافة للرياضة
وراح انزل وزني كل سبت ان شاء الله

هلا حبوبات كيفكم يالرشيقات ...
أهلين مشمش ..
ريجيم السوائل ممكن تشربي فيه شوربة خضار ودجاج بالإضافة للحليب والعصيرات ..
ماظنيت أحد يلتزم فيه حرفياً وماياكل قطعة خبز والا جبن وإلا أي شيء ههههههه
عن نفسي أنا كذا ..
وإذا على الدوخة بصراحة دوخته أخف كثير من ريجيمات النوع الواحد ..
وأنا آخذ معه مكمل غذائي عشان لا أدوخ ..
والحمد لله ماشي معي حلو ..
المشكلة لي يومين مخبصة واليوم شكله شكله كمان تخبيص ..
الله يستر ..

=-=-=-=-=

هلا والله بالرشيقة ..
ماراح ننساكِ يالغلا .. بس خلينا نشوفك كل يوم مو بس تسجيل حضور ..
صراحة السعرات ممتاز جداً ..
والحلو فيه نزوله مضمون حتى لو بطيء لكن تضمني إنك ماتزيدي وإن خبصتي .. مشي ساعة يخليك ترجعي ثاني ..
لكن مشكلتي للحين ماني شاطرة في حساب السعرات ..
عشان كذا نفسي أمشي عليه بس ناقصتني الخبرة ههههه

بالتوفيق ياعسل ..

=-=-=-=-=-=
مرة ثانية هلا بكم كلكم يا أموراااات
وإن شاء الله ننزل نزول حلو في هالشهر ..