إزيك ياأبلة دينا إن شاء الله تكوني بخير
أنا للأسف بقالي كتير مش بشارك بس الصراحة متابعة خصوصا الملف ده هااااااااااااااااايل ماشاء الله مع إن بطنى قدامي أد كده وخلاص في الشهر التاسع بس زي مايقولوا يموت الزمار وصوابعه بتلعب مش عاتقة عمايل حلويات
كان لفت نظري الطريقة الغريييييييييبة جدا اللي بيعمل بيها هذا الشيف الكيكة الإسفنجية وصممت أجربها وخاصة كان فسي من زمان اعمل جاتوه وعملته فعلا قبل كده وكان حلو بس مش زي ماأنا عايزة
المهم جهزت الأدوات وجبت المحسن وعندي الميزان وإديها عمااااااااااايل
والنتيجة
روووووووووووووووووووووووووووووووووعه
ماكنتش اتخيل ابدا ان الطريقة ممكن تكون ناجحة كده خصوصا انها غريبة جدا وسهلة نسبيا عن أي طريقة أخرى للكيكة الأسفنجية
وده صور للجاتوه اللي عملته
وشوفوا الطبقات إزاي باينة ومرتبة
تسلم إيديكي بجد ياأبلة دينا على هذا النقل الرائع وبصراحة الشيف ده محصلش
كنت عايزة أعرف امتى بالضبط مواعيد البرنامج وعلى أي قناة وهل كل الوصفات لنفس الشيف
وهل الوصفات الموجودة هي كل الوصفات اللي قدمها البرنامج من ساعة مابدأ
وألف شكر مرة تانية ليكي على مجهودك الرائع في نقل الوصفات للغلابة اللي زينا اللي مش بيشوفوا البرنامج