ملف استشارة مطبخية مصرية عربية رمضانية

شكلهم لذيذ اوى شوربة البطاطس والمشروم دى
ان شاء الله اجربهم

ثانكس يانورا وميسمى

فطومه
دا الكنافه دى مغلبانى اخر غلب
وكل مره اعمل الشربات شكل ومعرفش بتزبط من انهى مره
هل اخليه تقيل والا خفيف والا سخن والا ساقع حاجه تحيييييييير


شوشووووووووووو
جربى احشى القطايف جبنه كيرى حتدعييييييييلى
او ممكن بلح اسود الى هوا الكبير دا اخو الزغلول بردوا لذيذ

اولا متشكرة جدا على مساعدتك

وهى دينا قصدها انا اغرزه توم واتبله زى عرق اللحمة الباردة
طب والتوم بيبقى حلو فيه زى اللحمةولا لا

ياريت اللى يعرف يجاوبنى ويا ريت يا دينا لو شوفتى مشاركتى تجاوبينى لو كنتى فاضية

اصلى عندى عزومة الجمعة الجاية وعايزة اعمله

بصوا بيى انا الجمعة اللى جاية ناوية اعمل صدر الديك الرومى زى اللحمة الباردة او لو قلقت هاعمل فراخ متبلة
واللحوم كتف فى الفرن وطبعا ارز بالخلطة والخضار مسقعة او خرشوف او طاجن سوتيه
شوربة والسلطات: تبولة - بسلة بالمايونيز-حمص-لبنة او زبادى

والعصائر : كركديه-قمرالدين-خشاف

الحلو : بسبوسة بالقشطة والايس كريم-قطايف

ايه رايكوا يا بنات

شيماء
انتي ليه بتحطي زيت في الطاسة التيفال لما تسوي القطايف
انا باعملها من غير زيت خالص او لو عايزة زيت يبقة بالمنديل و خلاص هو بس علشان ما تلزقش
و بعدين انتي حطيها في كوباية او دورق ليه بوز و طبي منه دواشر مش هتلاقيها رفيعة و لا حاجة و اول لما تبتدي تطبع فقاقيع تابيعها لحد ما تحسي ان الفقاقيع ده كلها بقى لونها واحد شيليها على طول
و خلي النار متوسطة عليها لا هادية و لا عالية
انا لسة عاملاها دلوقتي و طلعت تمام
بس انا طريقتي مش باحط بيكنج بودر خالص و باحط 2 كوب دقيق وواحد كوب لبن و بعد ما تخمر او قبل التحمير بتحطي نصف معلقة بيكربونات صودا و عليها نصف معلقة عصير ليمون او لما تفور تحطيها على الخليط و تقلبيه
انا عملتها النهاردة من غير ما اسيبها تخمر و طلعت حلوة الحمد لله