شاركي في النقاش

سجلي الدخول لإضافة تعليق.

التعليقات

2,688
  1. السلام عليكم ورحمة الله وبركاته

    يابنات عرق اللحمه الفلتو ينفع اسلقها في حلة الضغط ايه رأيكو مش اسرع
    يعني بنفس الطريقه بس السلق يبقي في حلة الضغط
  2. @la_rosa_1

    يابنات عملت امبارح فراخ فى الفرن بطريقة حلوة كنت قلتلكو عليها قبل كده وتقريبا محدش جربها او استغربتوها بس فعلا طعمها يشبه الفراخ المشوية الجاهزة جربوها وعلى ضمانتى
    انا عملت فرختين غسلتهم بالطريقة العادية اللى بتغسليها بيها وبعدين هاتى نص فنجان خل ونص فنجان صويا صوص ونص فنجان سماق وعصير ليمونه وفصين ثوم مفرومين وحبة شطة صغيرين جدا وبهارات مشكلة
    واخلطى الخلطة دى وصبيها على الفراخ طبعا لو هتعملى فرخة واحده يبقى قللى الكمية وسيبيها فى الثلاجة من قبلها بليلة يستحسن وقبل الاكل بساعة حطيها فى الفرن بميتها اللى نزلتها كمان ومن غير ما تغطيها ولا حاجه هتقعد فى الفرن ساعة تقريبا حسب حجمها وبجد كانت حلوة
    خلى بالك متحطيش ملح خالص لان الصويا صوص اصلا مملح

    عملت كمان سلطة البطاطس وهى كالتالى
    البطاطس تقطعيها مكعبات وتحمريها بس تبقى ذهبي فاتح وتقطعى كرفس افرنجى اللى هو العيدان صغير جدا جدا وابشرى جزرة وشويه بقدونس مفروم
    الصوص مايونيز ومعلقة مسطرده وبصلة صغيرة قوى مضروبة فى الكبة او مبشورة ومعلقة خل ومعلقة صغيرة سكر وعصير نص لمونة اخلطى الصوص كويس وبعدين حطى عليه الخضار وخليها فى الثلاجة شويه قبل التقديم
    بجد حلوين يا بنات جربوها
  3. Egypty
    بعض أنواع اللحوم و فوائدها ******* 1 - لحم الضأن : أجوده الحولي و هو عظيم النفع للجسم عامة . 2 - لحم البقر : أفضلها العجول فهي تربى اللحم و مقوية للبدن . 3 - لحم الماعز : لا ينبغي الإكثار منه لأنه يولد السوداء . 4 - لحم الإبل : ناف…
    بصى يا جميل

    اولا كل انواع اللحمة اللى بناكلها فى مصر من الجزار ديه لحمة جاموسى و ليس بقرى البقرى بيتعمل منها المنتاجات الجاهزة اللى زى البرجر و السوسيس و كده لنها عموما دسمة اكتر من الجاموسى

    الجاموسى الصغير الى هو البتلو اللى لسه بيبى مش اتجوز و لا حاجة

    الجاموسى الكبير اللى هو العجل الكبير بس مش كبير اوى برده بس عموما اى عجل لما يكون صغير بيبقى لحمه لونه فاتح اول ما يتحول لون اللحمة الى الحمر كده بيبقى كندوز

    البفتيك ديه طريقة تقطيع و ليس نوع لحخمة بمعنى ان فيه بفتيك كندوذ و فيه بفتك بتلو و بيبقى شطلة شرايح كبيرة من غير عظم و اللى بتعمل منها الأسكالوب

    و الكباب الحلة برده طريقة تقطيع اللى بيكون قطع مكعبات تنفع تتعمل لحمة بالبصل او فى الخضار و فيه منها بتلو و فيه منها كندوز و ده الأكتر طبعا

    ثالثا العرق التربيانكو ... اللى بيبقى مربوط بحبال كده و بيتوشح فى لتوم و بيتعل لحمة برده ده كنوز بس بيكون من حتت معينة بتتطلع شكلها زى الأسطوانة كده و غالبا بتكون من الفخدة بتاعت العجل

    و فيه الريش ............ اللى بتتشوى برده بتبقى ريش بتلو و ريش كندوز

    و فيه حاجة اسمها انتركوت ................. ديه بتبقى شرايح سمكية شوية زى البفتيك بس سميكة و بيبقى حوليها دهن ابيض بس مش كتير كانة برواز لحتة اللحمة و ده بيتعمل كده فى الطاسة مع زبدة و و يتزود ميه و بتبقى حلوة اوى

    و فيه لحمة اسمها موزة ديه بتبقى شكلها زى الموزة الصغيرة و لحمتها ناعمة كده و بتتعمل فى الزبدة و بصوص توم و بكده طعمها تحفة جدا لنها بتبقى لحمة ناعمة جدا كأنها وراك فراخ من نعومتها

    و فيه حاجة اسمها عرق فلتو بتبقى زى العرق التتربيانكو بس انعم و لحمة اخف و اسرع جدا فى السوا مش بتاخد وقت خالص و تعتبر من اغلى انواع اللحوم

    و عموما لما تحبى تشترى لحمة امن الجزار قوليلة انا عايزة وش فخدة ديه احسن حاجة لأنها اكترها بيتقطع بفتيك و ممكن يطلع منها كباب حلة او مفروم
    بس عموما ميزة الوش فخدة انها بتكون لحمة مش كبيرة اوى و حمرا مفيهاش دهون كتير و مش بتاخد سوا جامد

    و طبعا فيه اللحمة الضانى اللى فيى منها الضلع و الفخدة و الرقبة و الريش و ديه طبعا لحمة الخروف

    و فيه لحمة الجمل و ديه غالبا بتتعمل بيها كفتة الرز بيبقى طعمها مميز بيها جدا و حسن من اللحم الكندوز

    و المفروم طبعا بيكون لحمة كندوز و ممكن تكون حمرا او فيها نسبة دهون حسب اختيارك

    و يارب اكون افدتك و كل سنة و انتم كلكم بصحة و خير و الى الله اقرب


    تجربة صغيرة بقى حبيت اقولهالكم

    من يومين شفت الشيف حسن من برنامج من كل بلد اكله عمل كنافة و جربتها طلعت من فضل الله ما شاء الله لا قوة الا بالله تحفة بجد

    كنافة عادة بقطعيها صغير و تحطلها سمنة و تكون جايبة الصينية و تقطعى فيها مكسرات فى القاع بتاعها و ترشيها و بعدين تحطى عليها الكنافة و تطغطى عليها كويس و بعدين تدخليها الفرن تتحمر و لما القاع بتاعها يحمر تشيليها

    و تكونى مجهزة كريم شانتية مضروب و او كريمة لبانى مضروبة مع سكر بودرة و معاهم جنبة كيرى او اى نوع و تحطيهم فى التلاجة يجمدوا

    و لما تطلع الكنافة تسقيها عسل و تسبيها تبرد و بعدين تحطى عليها الكريمة و هى لسة فى الصينية و بعدين تدخليها التلاجة تانى تبرد شوية و بعدين تقلبيها فى طبق تقديم و ممكن تزودى على وشها شوية عسل تانى

    هتبقى حلوة اوى الوش مليان مكسرات و بعدين الكنافة و من تحت الكريمة جربوها و بالهنا و الشفا مقدما

    و فكرة للأضافة احنا كلناها بعد الفطار عادى كده لكن فى السحور زودنا عليها قطع مانجة بجد تحفةةةةةةةةةةةة
    و للعمل سهلة جدا فى العمايل بس انا اللى شرحى طويل حبيتين استحملونى :)

تابعي تجارب أخرى من هذا القسم.