الريجيم الصاروخي 17 كيلو في 35 يوم بإِشراف الطبيب- معدل/ قديم

أيه يزيد حوالي 2 كيلو ...
عليك بالأعشاب مثل النعناع والقرفة والميرامية ..
ولا تخافين من اليوم 26 و 27 اقري اليوميات مال اليومين وإن شاء الله تطمئنين..
ترا كلنا يوم تجينا الدورة وللا قبلها بكم يوم الجسم ينتفخ والوزن يزيد ونخاف..
إن شاء الله كله يروح على رابع أو خامس يوم دورة ..

Breaf_heart
يا هلا ويا مرحبا ... ترا المجموعة ما شاء الله كلها متعاونة وكأنا نعرف بعض من زمان...
وان شاء الله قريب بتحسين بهذا الشعور...

أني وأختي بدأنا الرجيم بهمة ونشاط ولله الحمد..
وكل وحدة منا تشجع الثانية ومن جدي أنصح اللي بتسوي الرجيم إن تسويه ويه شخص ثاني إذا تقدر لأن الهدف الجماعي أسهل في التحقيق وأجمل ويصير الأمر كمشاركة ومنافسة في نفس الوقت

أحنا الحين في اليوم السادس والأيام كأنها تمشي سريعة والحمدلله وان شاء نتابع الرجيم إلى نهايته..

أختي وزنت اليوم وطلع أنها ناقصة 3-4 كيلو، أما أني ما وزنت لأني في بداية الدورة ولكن أحس جسمي تغير اشوي وهذا دليل على أن الرجيم فعال

شكرا أخت الغمامة على هذا الرجيم الأفضل من رائع اللي حسّن حتى نفسيتنا..

أخت الغمامة..الله يظللش ابغمامة في يوم لا ظل لنا إن شاء الله..

عندي سؤال أخت الغمامة..
هل كبد الدجاج يعتبر من المصادر البروتينية؟ لأني أبي أعوض الحديد اللي أفقده في هذه الأيام وهو موجود بكثرة في الكبد..

وشكرا لك من جديد..

غمامة..
كيفك اليوم..
أبسألك...إنت تقولين ما نخلط الكربوهيدرات مع البروتين..ok بس كتبتي..(بين كل فئة غذائية و أخرى ساعتين) فهل هذا يعني إنو نقدر ننتقل مثلاً من البروتين إلى الكربوهيدرات؟؟؟؟؟

ولك جزيل الشكر...

ما أدري بديت أقتنع بالريجيم مرة ..بس ودي أشوف البنات وخاصة المتزوجات .هل نحفوا علية ولا لأ؟؟؟؟؟؟
وبسأل الكلام إلي تكتبينه تحت الصور من تعبيرك ولا من ترجمتك للكتاب؟؟؟
ولك جزيل الشكر

ألف ألف مبروك لك ولأختك والله يزيد إن شاء الله المسرات ...
وترا مع زيادة الرياضة يزيد الحرق مع أن الكاتبة تقول خذوا نفسكم بالراحة..
نعم كبد الدجاج بروتين .. وممكن تاخذين حبوب حديد وفيتامينات إذا حابة
وممكن تاكلين مع الخضروات سبانخ وبروكلي وبقدونس غنية كلها بالحديد..
بس إذا قررت تاكلين حديد قولي حق الدكتور إنك تبيغين الحديد اللي ما يسمن ولا يسبب امساك..
وسمعينا أخبارك دايما