الاخت اللى طلبت الحواوشى هقولك الطريقة احنا فى البيت عندنا بنعملة للافطار صباح العيد وطريقته اننا بنروح المخبز و بنخليه يطلع لنا على حسب العدد اللى احنا عاوزينة عيش ( خبز ) نصف سوى بس مش عارفة هل هيتوفر لديك ذلك ام لا و على العموم لو ما توفر استخدمى العيش المستوى البلدى المدور لا اعلم ماذا تسمونه عندكم
احضرى كيلو لحم مفرو م و بصلة متوسطة مقطعة صغير و فص توم مفروم وقرنان من الفلفل الاخضر مقطع صغير جدا و ملح و فلفل اسود حسب الرغبة و يخلط الجميع جيداً ثم تحضرى العيش و تفتحى الرغيف و تدهنيه بالسمن او الزبد جيدا ثم تحشيه باللحم المفروم جيدا و خاصة الاطراف لان اللحم بينكمش عند الاستواء و بعد ما تخلصى خذى كل رغيف و لفيه بورق المونيوم او لو مش عندك لفيه بورق ابيض عادى و سخنى فرن البوتاجاز و رصى الخبز و بعد ربع ساعة غيرى الاماكن يعنى اللى فوة حطيه تحت و بالعكس و ضعيه مرة اخرى لمدة ربع ساعة اخرى و هيكون فى هذه الفترة قد استوى و انا باستعمل اللحم و المكونات بدون سوى حتى تستوى مع العيش فى الفرن و ياخد طعم اللحم و متنشفش و طبعا المقادير ممكن تزودى او تنقصى فيها حسب الاشخاص اللى هياكلوا .
مأكولات مصرية بس أية ( روشة جداً )
متابعة النقاش، صفحة 4