يا سلام عليكي يا أماني بتجري ريقي علي حاجات انا ماسكة نفسي عشان مش اعملها :22:
بصي الطريقة ديه بتاعت ابله دينا يارب تكون هي اللي بدوري عليها
البسكوت بالشيكولاتة ( باردة لا تدخل الفرن ) (دون)
حوالى 15 باكو بسكوت شاى _ باكو زبدة وسط _ 2 بيضة _ فانيليا _ سكر بودرة (حسب التزوق ) _حليب
الطريقة
كسرى البسكوت بايدك قطع صغيرة ( مش بالكبه نهائيا )القطعه قدعقله او عقلتين صباع
و اركنيهم فى طبق كبير غويط .
عمل الشيكولاتة :
نضرب الذبدة كويس فى الخلاط
اضع عليها السكر البودرة و اضرب
اضع نص كوب كاكاو و بيضة و الفانيليا و كل دة و الخلاط شغال ما توقفيهوش
ثم اضع النص كوب الكاكاو التانى و البيضة التانية و مازلنا نضرب
ابدء فى تنزيل سرسوب اللحليب خفيف خفيف و الخلاط شغال زى ما قلنا
لحد ما توصلى لتخانة حلوة للشيكولاتة تكون تقرب للينة و اوقف الخلاط
بس ماتنسيش تظبطى فى السكر
نفترض غلطى و الشيكولاتة بقيت سائل ؟؟
تروحى مزودة شوية كاكاو لحد ماتظبطى السمك
تجيبى اللبن البارد ( علشان البسكوت ما يبوش )و ترشى ترشى بايدك البسكوت
لحد ما البسكوت كله يتبل كويس بس اوعى يبوش منك
هاتى الشيكولاتة ( بس سيبى حوالى ربعها للوش )
و حطية على البسكوت و قلبى قلبى بايدك كويس لحد ماتحسى ان البسكوت كله فية شبكولاتة كويس
ضعى البسكوت بالشيكولاته فى الصينية و اضغطى بايدك علشان البسكوت يتفرد
فى الصينية و ماتبقاش حتة عالية و حتة واطية ( ولنتى بتضغاطيها فى الصينية حتكون جامدة تحت ايدك )
بعد ما تفرشيها تمام فى الصينية هاتى باقى الشيكولاته اللى كنا حاجزينه
و افردية على وش الصينية . ممكن تعملى باشوكة اشكال على هيئة زجزاج
على وش الشيكولاتة و ممكن ترشى فستق مفروم او بندق محمص بيدوها طعم حلو
دخليها الاول الفريزر لمده ساعة و بعدين نزليها تحت فى الثلاجة و بالهنا و الشفا
و كل ما تقعد بتطرى و بتبقى قعدت دة لو قعدت اهيه دى بالزات اللى عمرها ما قعدت عندى
لسي كنت بقولك ان جوزي مش بيحب الحلويات اهي ديه بالذات لازم نتخانق علي الصينية لما تخلص و كل واحد يتهم التاني انه اكل اكتر ههههههههههه بجد طعمها اكتر من تحفه :p:p
و انا عملتها ببسكويت كنت انا اللي عامله في البيت ونشف مني روحت عاملته بالطريقة ديه وخلص وكان اكتر من رائع
ملف استشارة مطبخية مصرية عربية رمضانية
متابعة النقاش، صفحة 324