انا معلمة انجليزي
والحمد لله لاني نفس فكرة الاخت سائرة الى المعالي
مقنعه نفسي ان عملي واخلاصي لوجه الله وليس للموجهه
افعل كل ما استطيع لاوصل المعلومه لطالباتي
واكسبهن اللغه
وكل يوم اقول قبل الذهاب للعمل اللهم اني اعوذ بك ان اضل او ُاضل او اظلم او أُ ظلم او اجهل او يُجهل علي
اهم شي بالمعلمه الثقه بالنفس
مع ان فيه معلمات ما تطلع الوسائل الا اذا جت الموجهه
الله يهديهم
والله مدري وشلون ما يستحون من البنات
انا بالعكس ومو مدح لنفسي بس والله احس درسي والموجهه فيه اشين من اي يوم ثاني
لان البنات يتوترون
بس لان موضوعكم عن المواقف
صار لي موقف اول مره حضرت لي الموجهه
وانا حظي شييييييييييييييييييييييييييييييييييييييين
انا لست تربويه
يعني ما تدربت
باشرت يوم السبت
وعطوني الجدول السبت
ومن بكره انا مجهزه نفسي
بس اول مره ادخل على البنات
وطبت الموجهه
والله كنت مرتااااااااااااااااااااااااااااااااااااااااااعه
من الموقف كله لاني اول مره ادرس فيه
ومشى الدرس وانتقدتني بشي لايمكن يصير كان الدرس قطعة قراءه
عن اثنين بيصلحون اللمبه اللي بالسقف
المهم واحد فوق السلم والثاني تحت
عشان يفك اللمبه قام الثاني يدور بالسلم
المهم
قالت لي ليه ما جبتي سلم ودرتوا به !!!!!!!!!!!!!!!!!!!!
طبعا انا كنت اروح من الرياض لهالقريه
قلت لها وشلون اجيب السلم من الرياض ؟؟؟
قالت ايه ليه ماجبتيه ؟؟؟ قعدت اصيح قدامها
احتقر نفسي كل ما تذكرت الموقف
قهر
وعقبها قلت والله ما عندهم سالفه
انا ادرس مو لهم انا اخلاصي لرب العالمين ثم لهالبنات اللي المفروض انهم على اقل تقدير يقدرون يفهمون ويدبرون نفسهم باللغه
وقررت ان اكون كان كل يوم عندي موجه وهو رب الناس
سبـــــــــــــــــــــــحانه وتـــــــــــــــعالى
والله اني ارتحت نفسيا
وهذي عاشر سنه لي وانا فل والحمد لله مع الموجهات ومع البنات ومع الاداره
الاخلاص من القلب ما فيه مثله
اسفه طولت عليكم
وبااااااااي
لا يفوتكم يا معلمات ممنوع دخول الموجهات
متابعة النقاش، صفحة 2