شاركي في النقاش

سجلي الدخول لإضافة تعليق.

التعليقات

205
  1. @asm_aatyg

    صاحبة الموضوع
    الرياضة اللي تعمليها للعضلات.. مثل رفع الأثقال ظغط البطن وتمارين المقاومة
    بس تسويها مع الركض والتمارين السريعة.. مثل الإيروبيك.. هذه التمارين تحرق السعرات ورفع الأثقال يشد العضل
    في البداية ركزي أكثر على الجري والتمارين اللي تزيد من دقات القلب
    ولما وزنك يبدأ ينقص ابدأي بالتدريج بتمارين الأثقال معاها
    (ويمكن إذا ماعندك وقت تسوين تمارين جورج كروز 8 دقائق في الصباح)

    والمشدات الظاغطة تحصلينها في محلات الرياضة تشد الجسم وقت ممارسة الرياضة

    ربي يوفقك
  2. @asm_aatyg

    صاحبة الموضوع
    شوكولاتة باونتي وكل اللي سأل عن وزني

    أحب أقول لكم ان وزني كان فوق ال 100 كيلو
    بس أنا طولي 174سم
    وطبيب الرشاقة قال إن وزنك لو صار 80 كيلو يكون ممتاز لأن طبيعة جسمك وعظامك ماتحتاجين أكثر
    كنت أنزل في الشهر بين 5 و7 كيلو
    و احتجت سبعة شهور
    أنا أقول هذا الكلام بس لأنك أصريتي...
    بس حطي في بالك نقطه هامه جداً جداً
    هو ان لكل إنسان طبيعته وهيئته الجسمانية اللي تخلي الوزن المثالي له وعدد الكيلوات اللي ينقصها تختلف منه لشخص ثاني
    يعني لا تقارنون نفسكم فيني
    يمكن تنزلون وزنكم أسرع مني
    يمكن تنزلون وزنكم أبطأ مني
    يعتمد على طبيعة الجسم
    بس أنا إن شاء الله ماعاد أرجع..
    لأني غيرت عاداتي الغذائية..
    مب أسوي ريجيم شهر ولا شهرين وأترك

    لا تنتظرون النتايج واذا مانزلتوا تتركون العادات الغذائية وترجعون لعاداتكم القديمة
    خلوها عاده.. ولو مانقص ولا كيلو من وزنكم
    مع إني متأكده انكم راح تنقصون


    اتمنى للجميع التوفيق

تابعي تجارب أخرى من هذا القسم.