عزيزتي أميره
شوفي
النظام ما شاء الله رائع
هو مش ريجيم بالمعنى القاسي اللي احنا فاهمينه عن الريجيمات
هو أسلوب حياة وتقليل بالأكل
بس فعلا له تأثير ما شاء الله واضح جداا جدااا على إشباع المعدة وعلاج النهم للأكل
هو بينزل الوزن ببطئ يعني مش بتحسي بتعب ولا ضعف ولا بيأثر على نفسيتك ولا صحتك وبنفس الوقت مش بتحسي بالجوع بالعكس بتحسي بالشبع ومش هاتحسي بالملل ولا هاتحسي إن جسمك محتاج أكله معينه لأن أكلك من أكل البيت عادي
شوفي نظام يوم
الصبح الفطار ((ربع رغيف بلديأو شريحة توست بالردة سن+بيضة أوملعقتين فول أو ملعقة حلاوة)) أو أي نوع من أنواع اللقيمات ((فاكهة أو خضار أو قطعة صغيرة شوكولاتة -نصف مثلث بيتزا-ربع ساندويتش فاست فود))
بعد ساعتين تاخدي نوع من اللقيمات فاكهه أو خضار أو زي ماتحبي انتي وجوعك وقتها
وهكذا كل ساعتين إلى 3 ساعات
لحد قبل معاد الوجبة المفرحة بساعتين
تبدي باللوز علشان يسد نفسك
تاخدي كل نصف ساعة 3 حبات لوز
وبكدا في خلال ساعتين هاتكوني أخدتي 12 حبة لوز بس ماتشربيش مايه بعدها
ممكن تشربي قبلها ب10 دقايق لكن مش بعدها
وتاكلي الوجبة المفرحة
نصف كوب خضار مطبوخ+نصف كوب أزر+كوب ونصف سلطة+قطعة فراخ أو لحم حجم كف اليد(ماعدا البانيه)
ومن الأكل الموجود بالبيت عادي لو محشي يبقى مثلا 6 صوابع
لو كبسة يبقى نصف كوب وهكذا
وقطعة حلوى حجم عقلتين إصبع
وبعدها بساعتين إلى 3 ساعات تبدي باللقيمات تاني لو حبيتي
بس حاولي أخري وقت الوجبة المفرحة على قد ماتقدري
مسموح ليك سكر الدكتور بيقول 5 ملاعق يوميا
طبعا الحلويات والسكريات بتخللي النزول بطئ
لو عايزه النزول أسرع قللي السكريات شويه والحلويات
أول أسبوع عدد اللقيمات باليوم بيكون كتير ودا عادي لأن جسمك لسه متعود على الأكل وبيكون معظمها أكل وحلويات
عادي شويه شويه هاتتعودي على النظام وفعلا هاتلاقي عدد لقيماتك بيقل وبيكون فاكهة أكتر شئ
وشوفي دي نصيحة من الدكتور قالهالي من يومين ((بس مش هاتعرفي تبدي بيها بأول أسبوع لسه لما تتعودي على النظام))
http://forum.hawaaworld.com/showpost.php?p=59496890&postcount=23
واقري ردودي على العضوات وشرحي ليهم
الريجيم المثالي.. ريجيم اللقيمات ..تجربتي في إشباع المعدة وعلاج النهم للأكل
متابعة النقاش، صفحة 9