شاركي في النقاش

سجلي الدخول لإضافة تعليق.

التعليقات

2,353

  1. @nona_86

    أم تركي 999
    بسم الله الرحمن الرحيم السلام عليكم ورحمه الله وبركاته اولاً أهني الفريق البنفسجي بمناسبة افتتاح الملف الجديد للفريق البنفسجي (من وزن 100 إلى وزن 90 ) قائدةالقروب :أم تركي الوان الكتابة من 90 _100 بنفسجي من 80_90 أورانج من …
    صباح الخير
    يومياتي السبت

    سحور : بيضتين - برتقاله - تفاحه - 7 تمرات - 3 ملاعق مكرونه

    الفطور سندويشه جبن وكاس صغير عصير وتمر

    العشا 6 ملاعق رز

    وبالليل اكلت سندويشه زبده فول وعصير

    وقهوووووه طول الليل

    رياضه مافي لانه اول اسبوع دوام والطريق هد حيلي 5 ساعات بالسياره .

    ان شالله هالاسبوع تمهيدي للعوده للرجيم والاسبوع الجااي ابدا ادخل الرياضه شوي شوي

    يومي الحمدلله توب مبدئيا لاني من بدايه العطله مفجووعه 24 ساعه بلع هع

  2. @roooma_1

    أم تركي 999
    بسم الله الرحمن الرحيم السلام عليكم ورحمه الله وبركاته اولاً أهني الفريق البنفسجي بمناسبة افتتاح الملف الجديد للفريق البنفسجي (من وزن 100 إلى وزن 90 ) قائدةالقروب :أم تركي الوان الكتابة من 90 _100 بنفسجي من 80_90 أورانج من …
    كنت مسنتره هناك في ملف نقاط ..

    راح اعيد يومياتي هنا


    يومي بدأ بداية جميلة ولله الحمد ..ع المغرب افطرت 7 رطبات وكوبين موية وملعقة سلطة فواكه

    بعد ساعتين شربت كوب حليب بالشاي

    اتعشيت 9 تمرات وزبدية لبن

    نمت وصحيت الساعه 2 ونص من الجووع .. جالسه احلم بالاكل والبيت مليان خيرات

    جلست افكر قبل اقوم ايش الخيار اللى راح اكله وقررت اني مااقوم لو جاء في بالي اي شي راح يخرب علي يومي

    الى ان هداني ربي وفكرت بالبرتقال وفعلا اشتهيته

    لحظتها قمت واكلت لي برتقالتين وهذاني قدامكم اكتب لكم ختام يومي
    طبعا رياضتي سويت رياضة الأفخاذ 100 مرة والزنود 50 مرة ورياضة الخصر 100 مرة
    لانها عودة بعد انقطاع كان العدد قليل وتعبت اثنائها لكن ياانا يالكسل ان شاء الله راح اشتغل على كل ترهل بجسمي لين ينشد كامل بإذن واحد أحد


    كونوا بخير

  3. @nona_86

    أم تركي 999
    بسم الله الرحمن الرحيم السلام عليكم ورحمه الله وبركاته اولاً أهني الفريق البنفسجي بمناسبة افتتاح الملف الجديد للفريق البنفسجي (من وزن 100 إلى وزن 90 ) قائدةالقروب :أم تركي الوان الكتابة من 90 _100 بنفسجي من 80_90 أورانج من …
    موضوع اعجبني............وياريت لونستفيد من تجربتها
    أنا دوري كأي امرأة جربت السمنة و حاربتها لسنة كاااااااااااملة اني اعطيكم خلاصة تجربتي ...بس بالله استفيدوا و طبقوا ...اذا مليتي بعد شهر ووقفتي بكيفك ...راح تظلين دبة طووول عمرك
    و راح تظلين طوووووووول عمرك تبكين على الأطلال و تقولين لو اني بديت العام الماضي كان هالسنة انا رشيقة
    و راح تكرهين نفسك أكثر و أكثر

    الأكلات الدسمة ماراح تنقرض ... و ماراح تسمنك لو أخذتي منها 5 ملاعق بس و كملتي الباقي سلطة و زبادي
    و الحلويات ما راح تضرك لو أخذتي قطعة صغيرة بس و الباقي تمر أو رطب
    ورجولك ما راح تتكسر لو سويتي رياضة يومياً ...بس راح تتكسر و يصيبها النقرس بكل سهولة لو وصلتي ال40 سنة و انتي سمينة و كأنك جدة مو بس أم !!!

    حالة محزنة صح ؟؟

    طيب اشتغلي على نفسك ...خلي مشروعك من الآن الى العيد الجاي الله يحيينا ( صحتي +رشاقتي و بس )
    تثقفي بهالمجال ...اشتري كتب صحية و انصحكم بكتاب كارلا حبيب (أسرار التغذية) عند مكتبة جرير ) مفيد جداً
    جداً جداً
    لا تخدعون بخزعلات المنتديات (خلطة مدري ايش للتنحيف و الخل الفلاني لشد الشحوم !!! )
    الشحوم مو بالمعدة عشان تحرقينها بخلطات حارة راح تصيبك بالقرحة و سرطان المعدة بعد كم سنة
    و الشحوم مو على الجلد عشان تدهنينها بخل عشان تذوب !
    و الله لو انها ثلج !!

    الشحوم تحت الجلد بطبقات يعني ما راح تحس الا اذا صبيتي ماء نار فرضاً !!

    بعيد الشر عن الجميع

    يعني خليك ذكية و احرقي الشحوم بالأشياء اللي سببتها لك ..
    ايش هي ؟؟

    الأكل الدسم و الحلويات و كل الأكل الغير صحي لو اخذتيه يشكل يومي
    و كثرة الجلوسسسسسسسسسسس
    و بس
    !

    الشحوم تنحرق بالحركة ...

    الرياضة لمدة ساعة يومياً لحد ما تعرقين و ينهد حيلك

    اقرأي عن فوائد الرياضة بقوقل لجسمك و قلبك و شبابك و حتى نفسيتك و بشرتك

    و الله اني احبكم في الله و عشان كذا نصحتكم من مبدأ المسلم يحب لأخيه ما يحب لنفسه ...
    و انا مالي ؟ نحفت و خلصت ووصلت وزني المثالي (55) من 4 سنين ...


    شدوا حيلكم و لا يضيع وقتكم و انتم جالسيين بالمنتديات ...

    الرشاقة تبي حركة كثيرة باليوم يعني حتى لو سويتي رياضة و مشيتي ساعة و نصف لا تجلسين طووووووووول اليوم مقابلة النت !!
    و على بالك انك خلاص انهيتي الواجب و سويتي احسن رياضة !!
    لأ حبي ..

    شدي على حالك
    تبين نتيجة واضحة على جسمك ...لا يهمك الميزان ...و لا تفكرين فيه
    اتركيه بعد اسبوعين من بدايتك النظام و اكرفي رجولك كرف بالمشي و الرياضة و الهرولة و كل شي تقدرين عليه
    و انتي جالسة قدام التلفزيون سوي تمارين ليدينك بالأثقال ( ترا كلنا لنا زنود و ما نحب شكلها ..و حلها الوحيد هو تمارين الأثقال الخفيفة -من 5 الى 6 كيلو )
    رجاءً لا أحد يقول تطلع عضلات ...ترا هذي خرافة ,,,راح يطلع لك عضلات لو أخذتي حبوب هرمونات معينه زي التستروجين -هرمونات ذكرية يستعملونها السيدات الرياضيات اللي بمجال كمال الأجسام و السباحة و الجمباز ....الخ )

    و انتي بالمطبخ سوي تمارين لخصرك ...و انتي منسدحة و متسطحة ع السرير سوي تمارين لجنوبك و سيقانك
    التمارين هذي كلها بقوقل ...ابحثي و يا مالك من الصور و مقاطع الفيديو

    الأكل لا تشيلين همه ...أكل الرجيم مو شي خيالي نازل من السماء مكتوب عليه طبعة باللون الأحمر - لأهل الرجيم فقط !!
    أكل الرجيم نفس أكل البيت بس حطي ببالك 2

    * النوعية (أكل صحي ) مو مقلي و دسم و يكون حبوب كاملة زي خبز البر فواكة سلطات زبادي الخ
    * الكمية ( خفيف ) ما يصيبك بالتخمة و يملا بطنك ...لازم تقومين و انتي خفيفة نصيحة رسولنا الكريم (و ثلث لنفسه )

    كذا مره اقرأ بكتب التغذية ان أي طريق للرشاقة لازم يمر من خلال الأكل الصحي
    يعني خليك صديقة للفواكة + السلطة + الخضروات + الأشياء الطازجة اللي كلها فيتامينات و معادن ...

    اختي بعد الولادة ب8 شهور ...نزلت من 84 الى 69 من سنة تقريباً و عندها 4 أطفال و لا زالت على نفس وزنها و كأنها صغرت 10 سنين ...لأنها مستمرة على نفس نظامها الطبيعي المرييييييييييييييح جداً لكل ربة بيت و أم و حتى بنوته و طالبة
    تجلس مع زوجها و اطفالها و
    تاكل نصف أكلها القديم بالضبط و تزيد عليه سلطة
    و تمشي كل يوم ساعة
    ما عندها شغالة و عندهت 4 كتاكيت ...يعني لا أحد يقول راحت نادي و لا فاضية

    حبايبي ...العاقل من اتعض بغيره ....لا تضيع أعماركم و انتم تبحثون عن رجيم جديد ... امشي على نظام واضح و متوفر عمله بكل بيت و امشي عليه فترة طوييييييييييييييييييلة حتى لو سنة و نصف
    انتي لك سنوات و انتي وزنك زايد تبينه يختفي بيوم و ليله !!!

    اصبري و خلي كل يوم يمر عليك يوصلك لهدفك و يعدل صحتك ...كل يوم تاكلين فيه أكل صحي و تسوين فيه رياضة حتى تعرقين و يمر عليك ساعة مو ربع و ثلث ساعة !!!
    هالليوم هذا مع الوقت بيصير أيام و شهور و راح تنحفين

    فيه طريقة كنت اسويها بتليفوني الجوال عشان اتحمس ...اروح للتقويم و أحط موعد تنبية بعد اسبوعين
    و أكتب عنوانه الوزن اللي ناويه عليه ...و غالباً أنا منطقية كيلو واحد يعني
    طول هالأسبوعين مستحيل أشوف الميزان عشان اتحمس و ازيد رياضتي
    و اذا مروا هالأسبوعين و رن المنبة أقوم اشوف وزني
    اذا صرت نازله كيلو ... اهيص من الفرحة و أحط تنبه ثاني بعد 3 أسابيع و احط كيلو و نصف كهدف ..
    و هكذا ...
    من جد هالطريقة تجيب نتيجة معاي
    لأني كل ما أفكر أخبص أقول و المنبة اللي بعد اسبوع ؟؟
    اخاف أتفشل قدام نفسي و أرادتي ...

    حبايبي الوزن بيدينك ...لو انتبهتي للكالوريز الداخلة و الطاقة المستهلكة بس شوي
    الأكل اللي يدخل جسمك احرقيه بالرياضة ...عشان يصير فيه توازن بين مصادر الطاقة اللي تدخل و الكالوريز اللي تحرقينها و تطلع ...

    حطي ببالك انك ناحفه ناحفه ... و أكدي هالقول بفعل ..يعني طبقي ...
    أحياناً احس اسلوب بعض البنات فيه يأس و قلة حيلة و كأن الرشاقة شي خيالي !
    ليش مستبعدين نزول الوزن و كأنه معجزة ما راح تجي الا بطلوع الروح ؟؟؟
    ؟
    حبيبتي ...
    ما تشوفين الرابح الأكبر كيف أوزانهم فوق ال200 أحياناً و بسنة يصيرون غزلان
    !
    استمري على رياضة يومية ...و ابشري بالرشاقة

    نوعي برياضتك ...اذا عندك جهاز خلي يوم تتمرنين فيه ع الجهاز و يوم مشي عادي بالحوش
    يوم قسمي رياضتك بين طلوع و نزول الدرج و بين هرولة و مشي و جهاز ...يعني ابدعي و كثري حركة رجولك
    ماراح تنحفين و انتي جالسة تفكرين بالرجيم ...صدقيني ...

    راح يمر الوقت بسرررررررررررعة و ما يجي العيد الجاي الا و انتي واصلة وزنك المثالي و قريرة العين

    خلي هدفك للعيد الجاي ....الوزن المثالي ....و بس و شدي حيلك عندك سنة

    منقوووووووووووووووووول
    انا بصراحه معاها بكل كلمه والله يجزاها الجنه

  4. @nona_86

    # روووما #
    كنت مسنتره هناك في ملف نقاط .. راح اعيد يومياتي هنا يومي بدأ بداية جميلة ولله الحمد ..ع المغرب افطرت 7 رطبات وكوبين موية وملعقة سلطة فواكه بعد ساعتين شربت كوب حليب بالشاي اتعشيت 9 تمرات وزبدية لبن نمت وصحيت الساعه 2 ونص من الجوو…
    يووومك حلووو ماشاالله:)

تابعي تجارب أخرى من هذا القسم.