احنا طريقتنا مثل ماقالت العضوة الهمس الجنوبي نحمي الحجر لحد مايسير احمر ونكون حاطين قوالب الزبدة تذوب وتطبخ وبعدين نجيب قدر صغير ونحط فيه دقيق مخلوط اسمر وابيض مع شوي ملح ونحط عليه الحجر
ونغطيه بسرعة ونحرك القدر نرجه حتى يتقلب الحجر في الدقيق ويحمصه بيسير ريحته محمصه ولونه ذهبي بعدين تفتحينه وبسرعة تصبين الدقيق
بالحجر على السمن وتغطينه على نار هادئة حوالي خمس دقايق بعدين تطفين وتخلينه لحد مايهدا ويسير تحت الحماشة وفوق السمن صافي تقدرين تحتفضين بالحماشة لحالها في الفريزر كل مااحتجتي لها لذيذة مع التمر والخبز الجنوبي والسمن صفيه واحفضيه في علبة اوحافضة للسمن ممكن يجلس برا مايخرب اذا الجو بارد احنا كنا زمان مانستخدم غير زبدة لورباك بس الحين سرنا نستخدم المراعي فقط
فيه طريقة ثانية تحمسين الدقيق حوالي ربع كوب في قدر وتخلينه يلصق في القدر ماتحركينه بقوة لحد مايتغير لونه بعدين تفكين الزبدة وتحطينها عليه في القدر وتخلينها تذوب على نار هادئة الين تطبخ وتروح الفقاعات بس انتبهي تحترق ويطلع لك سمن لذيذ وحماشة اذا ضبطت معك الحماشة راح تكون مثل قطع القطن في السمن تحت يعني مايسير الدقيق مثل التراب لا يكون مثل القطع في السمن وماعمرنا حطينا ريحان او حلبة
ملاحظة
فيه ناس شفتهم ياكلون الحماشة مع الخبز العربي المفرود وهذا مايصلح احسه يعور البطن
لازم الخبز يكون خبز جنوبي مصنوع في البيت من دقيق البر
بنات سمن اهل الجنوب اللذيذ؟؟؟
متابعة النقاش، صفحة 9