شاركي في النقاش

سجلي الدخول لإضافة تعليق.

التعليقات

375
  1. @dba_aasl

    اشكرك يا الدلوعه على موضوعك الحلو تصدقين قد جربت نفس النظام وحسيت بفرق في صحتي لدرجةصرت لما اكل الخضاروالفواكه المرشوشه بالمبيدات احس بطعمها بفمي غيرعن المزروع عضويا حتى الصداع راح بس ماادري ليش مانقص وزني شجعتيني ارجع له مره ثانيه لان الصداع رجع
  2. @dba_aasl

    اه نسيت يا بنات فيه محلات في الرياض غيربيت الصحه تبيع كل شيء طبيعي وهي بشارع العروبه (زاويةالغذاء)والثاني بعد مستوصف الشبلان على يسار
  3. @mthlom_oayd

    حبيبتي ردي علي بسرعه بالنسبه للقمح اذا كان الطحين الأبيض العادي اللي في السوق الي يي رقم واحد واثنين أييب منه وأسوي منه براتا أو اي نوع ثاني من الخبز البيتي
    وفي قمح ثاني أسمر بالنخاله مكتوب على من محتوياته دقيق أبيض

    بس السؤال الي محيرني وهو (الدقيق+ القمح +الطحين )هل هي كلها نفس الاسماء ولا فيها فرق
    لأنه على كيسه الطحين مكتوب ( قمح أسمر نخاله ) والمكونات دقيق أبيض

    ما فهمت شي فهموني

    واذا ماعليج اماره دلوعه اكتبي اللي تتذكرينه من يومياتج في الاسبوعين اللي سويتي فيها الريجيم بالتفصيل اذا قدرتي علشان أبا أسوي مثلج بالضبط وابا أوصل لوزنج بسرعه بليز لا تتأخرين علشان أبدا فيه الاسبوع الجاي
  4. @tyf_olhthat_alashrak

    مشكووووووووووووره ماقصرتي

    تجربه رائعه


    بس عندي استفسار والله يعينك على كثرة اسئلتنا لكن عسى ربي يجعلها في ميزانك

    انتي يوم تركتي اللحوم والدجاج والحليب

    ماحسيتي بنقص بالبروتين والكالسيوم

    طيب من وين تعوضين هالعنصرين المهمين؟
  5. @alghla_klh_2

    السلام عليكم ورحمة الله وبركاته

    اختي الغالية مبروك على نزول وزنج وعساج على العافية والقوة يارب

    اما سؤالي فهو عن الرز الاسمر
    انا شريته ويوم ييت بطبخه طول معاي وااااااااااااااايد
    كنت مسويه جدر فيها رز ابيض وجدر فيها رز اسمر الابيض استوى والحمد لله
    لكن الاسمر قعد واااااااااااااااااااايد وآخر شي يوم طلعته كان بعده مب مستوي 100%
    وفي نفس الوقت احسه تكسر وايد
    مادري هل في طريقة معينه لطبخه؟؟
    ياريت تردين علي

تابعي تجارب أخرى من هذا القسم.