حياك الله ابتسام ولودي وزعيمتنا الكبيره صاحبة أمل ( وحشتينا يادارت الايام الله يطمنا عليكي ) حبيبتي صاحبة أمل امس اكلت الايسكريم ( ابر نفسي على قولتك حق التعب الي فات بس شوفي ايش عملت اكلت الايسكريم لوحده وبس يعني كاني اكلت الحلو الي من نفس الفئات فاهمه كان جواه حليب طبعا ومكسرات فيعني كله بروتين بس السكر طبعا مادري ايش دخله معاهم ههههه اليوم وزنت لقيت وزني ماتغير يعني زي ماهو الحمد لله يعني مازدت اليوم بدات الصباح عنب وبعدين اخدت تمر وبس ماراح اكل اللحمه اليوم اكتشفت شي اظن انا يناسبني الفاكهه والنشويات اكثر من اللحوم يعني اصير نباتيه شكلي صحتي تصير احسن انا فصيلتي a ,شكلي كاني اقتنعت انه فعلا الحليب والبروتين هو سبب انتفاخ جسمي بالاملاح ولا كيف مادري لانه امس اكلت الايسكريم حسيت اليوم اصابعي منفوخه وهو حليب ليا كم يوم بدون لحمه حسيت النفخ راح شكلي بجد بجد المفروض اصير نباتيه حتى تصدقي يقلك الي تاكليه ياثر في شخصيتك ليا كم يوم احس بهدوء نفسي سبحان الله لعله من الفواكه والخضار والكاربوهيدرات فشكلي حتى اللحمه بابدا اتعامل معاها بحذر الله يشفينا يارب من كل الاسقام ابشرك اليوم عملت باميه مسبكه بس بالطماطم بدون لحمه وحطيت عليها ملح ليمون مش ملح عادي وصارت حامضه تجنن ههههه حاعمل معاها رز الياسمين الياباني ياااااااااااااااااي يتلزق تلزيق يجنن خصوصا بشويه نقطه ملح ونقطه زيت يصير يتاكل لوحده وعملت سلطه بالخل والفلفل يعني اليوم نشويات وخضار تستاهلك اتفضلي معايا يلا شدو الهمه ياحلوات كبر القروب اللهم بارك نراكم على خير ياحلوات طمنونا على رجيمكم صاحبة اوزني احسن عشان تفرحي وتكملي وكمان عشان تعرفي ايش الي بيحصل لجسمك افضل الله يفرح قلبك قريب يارب