السلام عليكم ورحمة الله وبركاته
بما ان شهر الخير قرب
كل عام وانتم بخير
وبما ان بعد شهر الخير العيد
فوقت رمضان مناسب للرجيم فأنا بسوي رجيم عشان اذا جا العيد اطلع بنيولوك وبعد العيد بسوي رجيم تثبيت الوزن لان راح ارجع للدوام والشغل حقي بعد العيد
فحبيت اننا نتشارك برجيم ونتبادل الخبرات
انا وزني 52 وطولي 154 بس عندي كرشه صغيره مضايقتني وعندي ارداف وفخوذ ويدي بدت تسمن وانا ابي انحف 10 كيلو او اكثر ابي اصير عصلا وابي خدودي تنحف لان انا مايناسبني الخدود ،
انا راح اخلي اول يوم رمضان يوم مفتوح اكل اللي ابي لان راح يكون عندنا عزيمه
وراح ابدا ثاني يوم من رمضان
وراح يكون نظامي
الفطور: تمر ومويه وشوربة شوفان بس
وراح اقفل فمي عن الاكل فقط وراح اشرب مويه كثير و السحور راح يكون مويه وتمر او مويه وخضروات او زبادي ومويه او مويه بس
راح اسوي هالرجيم رمضان كله وراح اسوي يوم مفتوح مره كل اسبوعين فقط
والرياضه عباره عن مشي مدة ساعتين ورياضه للزنود وبسوي يوغا لوجهي
،
وش رايكم برجيمي ؟
ومن راح تسوي رجيم برمضان؟
وشاركونا تجاربكم برمضان للتنحيف
اللي نحفت برمضان او سوت رجيم او احد تعرفه نحف برمضان تشار كنا
وتعلمنا
شاركي في النقاش
سجلي الدخول لإضافة تعليق.
التعليقات
22- تحطموون ،،
مافي تفاعل بالموضوع - حبيبتي انا مو شايفه ان عندك زيادة في الوزن ... عموما اذا تبين نصيحتي افطري زين وبعد التراويح
خذي لك صحن شوربه او سلطة او سلطة فواكه او قطعة حلوو ... وخففي السحور خليه بروتين وسلطة ...
وامشي كل يووم ...فالك الرشاقه - اصعب شي يكون رجيم ورمضان كله طبخ وتعدد بالاكلات يوميا بوجهك حتى اللي ماتطبخ طول السنة في رمضان لازم طبخ
بس حاليا افكر بالرجيم ومن افكر القى نفسي حاشره نفسي بالثلاجه ادور اكل من التوتر - عشان تلعبي رياضة وتمشي لازم تكوني متغذية شلون ثلثين اليوم صيام والباقي من غير اكل وبتعلبي رياضة بعد
بتموتين كذا
افطري مثل ما قلتي والعبي رياضة بعد التراويح والسحور خضار وفاكهه او خضار وبروتين وهكذا
لازم تاكلين - مستحيل تقدرين تسوين هالنظام اسبوع واحد فما بالك بكل الشهر الحين انتي متحمسه بسوي وتخططين اذا جاءالجد استحاله تتحملين هالحرمان
سوي رجيم عادي لكن مو كذا اصلا هذا مافيه اكل كيف الجسم بيحرق ؟
مع العلم ان وزنك مناسب جدا ولا فيه زياده تذكر تقدرين تنحفين بتخفيف للاكل ورياضه
مواضيع مشابهة
تابعي تجارب أخرى من هذا القسم.