القروب الذهبي جمال ورشاقه وانوثه اصرار وارادة 2/ استوفى الحد المسموح له من المشاركات

مرحبا بنات :
يومياتي اليوم :
اول ماصحيت اخذت لي كوبين زنجبيل وشوي ليمون .....
الفطور :فطيرة زعتر ونصف كوب شاي ...
الغداء:ثلاث ملاعق رز ابيض مليانه وملعقتين ملوخية واقل من ربع خبز ومكعب وسط قرع ومكعب وسط بطاطس من الايدام .....
المغرب :قهوة وسبع تمرات وحبة معمول واصبعين كت كات .....
ولي عودة بعد شوي ......

السلاااام عليكم


أثناء بحثي بالمواضيع كنت أدور على مساحة أكتب فيها وأتابع تقدمي مع ناس لهم نفس الأهداف


و شفت هالموضوع ما قريت كل الردود لكن من اللي شفته انه قروب حلو وحابة أشترك فيه


حتى لو ما كان اليوم الجمعة و مادري اذا فيه تسجيل أو لا لكن بسدح أهدافي Anyway :D


حابة أنزل كل أسبوع كيلو بإذن الله لمدة خمسة إلى ستة شهور ,, و هذا الهدف معقول جداً و أي نزول أسرع ما يعتبر صحّي


- عندي كلاااام وايد حابة أفيدكم فيه ,, أنا أدرس وقريباً راح آخذ شهادة مدربة رياضية معتمدة باقي لي الفاينل بس..


من ناحية الأكل راح أمشي ع نظام تخفيف و أكل صحي و راح أركز على صحتي و رياضتي بإذن الله..


- شفت بنات يتكلمون عن اليوم المفتوح ,, بنظري وجبة مفتوحة بالاسبوع هي أنسب لأي شخص عنده أكثر من 10 كيلو حاب ينزلهم..


أحسن الأشياء للبشرة و هي اللي حابة أطبقها : ماي , فواكه باعتدال و خضروات, ترطيب, و أهم شيء كريم واقي الشمس..


عنايتي بالشعر أحط ماسك صانسيلك D: و سيروم


هذا اللي في بالي الحين,, لا تصدمووني عقب كل هذا وتقولون انطر ليوم الجمعه للتسجيل :biggrin2:

مساء الخير ورد
بما انك عندك خلفية عن الرياضة
حابه أسألك
ايش أنسب وقت للرياضة؟
والأكل قبل الرياضة وبعدها كيف؟

هلا مساء الورد




أول سؤال شنو نوع الرياضة اللي تسألين عنها؟


عندنا رياضة هوائية و رياضة لا هوائية


الرياضة الهوائية هي اللي تحرق السعرات و ترفع ضربات القلب مثل المشي الركض الهرولة السباحة السريعة الاوربتراك الزومبا الرقص الايروبكس الدراجة وو و


الرياضة اللا هوائية هي التمارين المختلفة اللي تتعلق بأجزاء الجسم وممكن تسوينها مع أثقال مثل البوش اب و السكوات و تمارين اليد و البطن و الظهر .... إلخ


أفضل وقتين للتمارين الهوائية (ذكرت أنواعها):
أول ما تصحين من النوم على معدة خالية


أو
بعد رياضة تمارين أجزاء الجسم المختلفة -رياضة الأثقال مباشرة


و بعدها تاكلين وجبة صغيرة فيها بروتين و نشويات




وفيه رأي آخر خصوصاً
اذا كنتي من النوع اللي يدوخ بسرعه من الرياضة اكلي سناك صغير قبل الرياضة بنص ساعة إلى ساعة و بعد الرياضة مباشرة وجبة فيها بروتين و نشويات
:rolleyes:

حياك ياورد ......بعد اذن مشرفة القروب ....بما انها غايبه بحكم الظروف الله يرها لنا وهيا بصحة وعافيه .....
يالله شدي الهمه منه تستفيدين معانا وتفيدينا بالمعلومات اللي عندك وفالك الرشاقة يارب .....
والميزان يوم الجمعه ان شاء الله ......