الموضوع مغلق

القروب الذهبي جمال ورشاقه وانوثه واصرار 4/ لا يوجد متابعة من قائدته + لا يوجد تفاعل

لسلام عليكم ورحمة الله وبركاتة

مساء ..صباح الخير على ذهبياتي الجميلات
جزء 4 حياه جديده
مستمرين منذو سنين شهر ورا شهر اسبوع ورا اسبوع


نستمد قوتنا من بعض


مره نهون


مره نتحمس


مره نشد على نفسنا


مره نستسلم


في النهايه نستمر مع بعض


ونعم نتغير سواء ببطء او على سرعه متوسطه


المهم في تغير


من هالقروب انولدنا من جديد


بافكار يديده


باحلام يديده


نرسم مستقبلنا بريشه ولونها بالوان السعاده والفرح


هالجزء جزء قياس السمول والميديم


نعم هالجزء ان شاء الله يوم بيستوفي 2000 رد بنكون حققنا اهدافنا باذن الله


وبننتقل الى قروب التثبيت ان شاء الله


من الحين اقول الي بتتهاون


بتكون سلبيه


ما تبا تحقق حلمها بصدق تنسحب بهدوووووووووووووووووووووء


نحن باذن الله


هالقروب بيكون اخر قروب لتنزيل الوزن


باذن الله الجزء الخامس يكون تثبيييييييت لنا جمييييييييييييييييعا باذن الله


بسم الله ننطلق

438 تعليق 25,028 مشاهدة

شاركي في النقاش

سجلي الدخول لإضافة تعليق.

التعليقات

438
  1. @akoamaryn22

    صاحبة الموضوع

    قبل لا نفتتح هذا القسم
    حابه اسولف معاكم شويتين

    كل شي في الحياه يمر بمراحل
    مثل الفاكه بالضبط يكون
    بذره
    نبته
    شجره قادره على العطاء
    ثم الثمار الجميله وحتى الثمار لها مراحل
    حتى تنمو البذره تحتاج الى تربه صالحه + الماء + الشمس + الهواء
    وعشان النبته توصل لمرحلة العطاء لابد من الاعتناء وتوفير كل العوامل الي تساعده لتخطي الصعاب
    ومن ثما تثمر وتصبح فاتنه تحمل الثمار الذيذه

    كلنا وانا اولكم كنت حابه جدا اختصر الوقت وانتقل من مرحلة البذره للشجره على طول
    بدون المرور بجميع المراحل ومن الجزء الاول في قروبنا وانا احارب نفسي واصارعها ومررت بحالات نفسيه
    صعبه رغم ان الموضع يباله بساطه !! نعم بساطه وتركيز وصبر لان مافي شي في الحياه نقدر نخليه
    يتخطى مرحله من المراحل واذا جربنا بنبذل مجهود جبار وما بنوصل في الوقت المناسب بالعكس بنتاخر!! لانا ما نسمع النصائح ولا الكلام العلمي وندور السحر الي بيضعفنا بدون مجهود

    كنت رشيقه وفجاه صرت تختوخه على الاقل في مجتمي !! الي يميل الى للجسم الهيكل العظيم !!انا ما حب هالجسم بالعكس احب الجسم الانثوي الصحي بس انا كنت اتبع الاسلوب الخطاء!!
    الي كان بيوصلني الى الجسم الغضاريفي الهيكلي القبري
    بس رحمة الله فيني هيه الي خلتني استيقض من السبات الي كنت فيه !!
    وهوه التساقط الشديد في الشعر بسبب رجيم البروتين الي كنت اتبعه باصرار حتى صار فيه
    1_حرقه رهيبه في المريء والمعده تعبتني
    2_ تساقط في الشعر شديد بلا توقف وندمت ندمت ندمت
    3_شحوب في البشره
    4_ترهل لان النزول كان سريع وبدون رياضه حقيقه لعب عيال ( رجعن الكيلوات وصار عندي ترهل بدال المشكله مشكلتين !!!)
    5_صار عندي نقص في فيتامين دال سببلي خمول كسل نوم طويل عظامي يعورني ماقدر اتحرك كله انبطح واتسدح وقالتلي الدكتوره لو طولتي على هالرجيم واهمال الفيتامين كان بيج اكتئاب وبلاوي لان فيتامين دال مهم جدا للجسم وللعلم الي ينقص عنده يكون نزوله في الوزن بطيء جدا جدا وصعب والمشكله العلاج يطول لين يرفعه والتين وهالسوالف مانفعني الحمدلله العلاج بدا ينفعني بس اعرف مشواري طويل حبتين فالحمدلله اني تداركت نفسي في ناس يرتفع بعد سنتين للطبيعي لان الدكتور نفسه مب مركز
    المفروض اذا بعد 3 اشهر من كورس الحبوب وما رتفع بشكل المطلوب يروح الدكتور للابر بس نحتاج في عالمنا العربي نحن نكون كل شي نقرا ونطلب من الدكاتره ينفذون بدال ما هم الي يزودونا بالمعلومات لذلك اذا تشتكين من عله ابتدي اقري في الكتب النت كل مكان وجمعي معلومات عشان تسادعين دكتورج للوصول لحل تخيلن
    بعد الي صاري وسبحان الله صار تساقط شعري والاعراض الي يتني خيره
    قررت اني اسلك الطريق الصحيح ما صرت اعتمد على البنات هنيه في المنتدى !!
    لان حلولهم غريبه عجيه ومضره وهن ما يعرفن والبعض بالعكس معلوماته جميله واستفيد منها
    فتغيرت الخطه من الرجيمات القاسيه الى الصحيه الشامله بشرح بالتفصيل بعدين

    هنيه في المنتدى
    اتي وحده تصرخ عندها كتل كتل من الدهون
    يقوللها البنات خل على الريق يضعف !!!(( يسبب قرحة المعده وبلاي في المريء)
    اتي وحده تبا بطنها يخف !!!((يقوللها خل ليمون كمون وووووو ) ياربي هذي اشيء حارقه المعده مب الدهون انتبهن ومب الحل ابدا !!!
    تقول الحقوني فيني سولوليت !!! يقوللهن دهني الجسم بالخل
    تقول تشققات يقوللها الخل !!!!!!!!!!!!!!!!!!!!!!!!!!!!!! !!!!!!!!!!!!!!!
    والممصيبه صارن يدهنن ويوهن بالخل على اساس يخفي المسامات في الويه رغم انه يذوب بشرة الويه مع الوقت وتتجعد هناك تونك يفي بالغرض وبعض الكريمات بس ماعرف شو عشق البنات في

    الخل !!!! الليمون !!!! الفازلين !!!! والجرسلين

    هذيلا بمعتقدهن
    يضعفن
    يبيضن
    يشدن
    ووووو

    رغم انهن ولا يسون شي اببببببدا من ما ذكر
    اتحدى وحده سوتهن ووصلت لنتيجه الجميله
    الي تبا تسلك الدرب الحقيقي العلمي الصحيح تكمل معايه
    الي تبا تضحك وتلعب على عمرها مثلي سابقن تتوقف عن القراه هنا !!(( انا كنت مثلكن ما حب حد يمس ليمونتي بسوء ولا جرسليني وعادي اقتل الي يقولي ما يسون شي بس الحمدلله الي فكني من هاليمون الي سميته عشم ابليس في الجنه لانه مب السحر واذا بيب فايده يبالج وقت طويل جدا ونتيجه لا تذكر
    والحمدلله ما كنت اصدق ان بعض الخل والليمون يضعف ولا اصدق هالدعايات الغريبه))

    الحل نعرفه زييييييييييييييييييييييييييييي ن
    كلنااااااااااااااااااااااااااا اااااااااااااااااااااااا
    لكن ما نطبق واولكن انااااااااااااااااا
    فتحت التجمع 1 و2 ومازلت في محلك سر لييييييييييييش
    لاني ادلع!! اقول باجر ماعليه لخبطت شوي باجر بعوض ماعليه بنوصل
    وكل عيد اقول العيد الياي ان شاء الله افضل
    المشكله صرت اتنازل عن حلمي جزء جزء كنت ابا جسم رائع جدا وبعدين صرت بس ابا رائع وبعدين صرت بس ابا اضعف وبعدين صرت بس ابا اخفف شفتن كيف يوم نطولها وهيه قصيره كيف حتى احلامنا تتبخر!!!
    للعلم ما كنت جيه كنت انسانه رائعه وغير شوفن بداياتي في المنتدى !!!
    بس بعد وفاة قريبتي اسال الله لها الفردوس الاعلى دخلت في دوامه غريبه ما طلعت منها
    كنت انسانه ناجحه منظمه بمعنى الكلمه الكل يقولي عين والعين حق بس اهمالي له يد في الموضوع واستهتاري في كل شي وتشتت عن اهدافي واحلامي وما صرت اركز عليها
    اتمنى ارجع مثل قبل احارب احاول احس ما قدرت اوصل لهالانسانه فقدتها
    من دخلت دوامت الحزن كل هذا اختفى ولا اصدق نفسي اني كنت هالفتاه يوما ما
    هل ممكن ارجع مثل قبل !! هل ممكن احقق احلامي !! الايام القادمه بتبين كل شي
    وجدت الطريق لاحياء الاحلام وان شاء الله بكتبلكم عنها بعدين من خلال هالتجمع الناجح باذن الله


    نرجع لمحول حديثنا

    نحن هنيه نسعى لجسم جميييييييييييييييييييييييييييل
    لا تخلين الهدف فقط جسم رشيق ولكن قولن نبا جسم
    رشيق
    مشدود
    صحي
    بعضلات جميله انثويه ((البنت مهما تسوي رياضه ما تعضل حتى مع الاثقال الخفيفه ولكن تبرز عضلاتها في الصدر والارداف وماشابه الي تعضل تاكل بروتين بكميات كبيره وبرنامجها مختلف تماما))
    وفوق هذا
    نبا جسم خالي من السولوليت(( الي طلع حله مختلف وكل ما يذكر غير صحيح بتكلم في النقطه بعدين
    نبا جسم خالي من التشقاقات (( ما بتروح نهائيا بس بتخف وبيصير شكلها افضل بكثير
    نبا شعر صحي (( اذا الرجيم قاسي وغبي بتفقدينه كله ))
    نبا بشره جميله ( بدون اكل صحي وفيتامين وماء بتكونين مومياء))

    انا شفت بنات حققن هدفهن مصارن بوزن الريشه مع قرعه وبشرة عيوز!! هذا الي تتمننه !!استمرن على رجيماتكن الغلط بدون رياضه وقولن للتجاعيد ولللللللللكم يعني مرحببببببببببببببببببببببببا لفقر الجسم من المعادن والفيتامين

    وشفت بنات حققن هدفهن في فتره اطول بس كانن مزز شي ولا يخطر على البال ماشاءالله هذيلا بتكلم عنهن بعدين

    وشفت بنات اجنبيات يصورن نفسهن هالشهر وبعد شهر كل الزوايد تختفي والسولولايت وايشد الجسم
    ونحن !! يمر 30 يوووووووووووووووووم وفي محلك سر !!! الموضوع مب اراده لا هيه الرغبه للوصول الى هذي النتيجه

    الحل مب سحري

    رجيم صحي

    رياضه

    عنايه

    بدون هال3 عوامل

    ما بنحصل على الي نتمناه ابدا !!!

    وهذيلا يبلهن تخطيط

    وتطبيق

    وصبر

    فقط

    يتـــــــــــــــــــــــــــب ع
  2. @akoamaryn22

    صاحبة الموضوع
    الجزء هذا صدق مختلف

    ممنوع انضماما البنات التاليات وانا جديه

    1_الي تؤمن بانها تقدر تاكل اي شي وتنسدح وتشرب اخر الليل جاي اخضر وعصير اناناس عشان تضعف !!!
    2_البنات الي ما يضيفن شي للتجمع معلومات جميله في كل ما يخص البنت ويسولفن ويدردشن ويانا وبس تكتب يومياتها وتفل لازم تسولف مع البنات وترد عليهن مب بس انا ارد
    3_الي تضيع وقتها على الفاضي وتمر السنين وهيه في محلك سر وتسببلنا فقط زحمه في القروب اسبوع ونختفي


    الجزء هذا بنكون متعاونات اكثر لي

    1_ رفع المستوى الثقافي في جميع المجالات صحيه غذائيه جماليه دينيه علميه عمليه
    2_ وضع اي موضوع لفت انتباهج حلو وممكن ياثر فينا في المنتدى لان اقسامه كثيره جدا ومانقدر نصفح كل شي الي تشوف شي حلو تضيفه حتى لو من خارج المنتدى بس نراعي الشروط وضعه الموضوع بدون رابط



    لازم كل مشكتررررررررررررررررركه معانا اذا حابه تشترك

    تنسخ القائمه من اخر عضوه مسجله وتضيف اسمها
    اخر الاسبوع تكتب اسمها في القائمه مع كم نزلت او تقيم نزولها خلال الاسبوع وتنزلنا جدولها للاسبوع القادم
    لازم كل مشتركه تقولنا عن اشيء تستخدمها ونفعتها او سمعت عنها في اي مكان ويكون علمي وحقيقي مب خرافات
    الي ما تحس بعمرها نشيطه لا تشترك ويانا لسبب في الجزئين الفايتين كنت اتهاون في هالنقطه والقروب يبرد
    نبا هالجزء مختلللللللللللللف يوميات معلومات نشاط حماس حركه وقصص اذا شافت شي تقولنا سمعت شي تقولنا وندردش مع بعض

    هالمره ما برد بشكل يومي على الجميع لان هالمووضع مرهق بشجع الكل واذا عندها ايا استفسار بجاوب عليه بس بشترك بمعلومات قيمه وثمينه للوصول للهدف افضل من يالله استمري يالله شاطره لان المعلومات افضل من الكلمات
    مع ان مضغوطه جدا في دراستي اسال الله لي ولكم التوفيق في جميع امرنا وبهذا انهيت المقدمه وكانت مختفه عن الجزئين الي فاتن لاني ابا مصلحتكم الي بتنظم النا من الحين اقولكم لازم تكتب جدولها وشو بتستخدم واسم الكريمات ومدا مفعولهن نبا الفايده هالمره نبا فعلن نتغير تغير حقيقي

    تمنياتي للجميع بجسم مثالي
  3. @akoamaryn22

    صاحبة الموضوع

    باب المشاركه مفتوح اول شي اضيفي اسمج في القائمه بعد اسمي وكل بنت تشترك تنسخ القائمه
    من اخر مشتركه وضيف اسمها ثم تكتب جدولها للاسبوع القادم
    قائمة الذهبيات
    1_ اكوامارين
    2_
    3_
    وهذا النموذج من الجدول للي تبا تشترك معانا ان شاء الله انطلاقتنا الجديده بتكون من اليوم
    الجدول
    الرجيم : النظام الي بتتبعينه
    الرياضه :الالات الي عندج او الي تحتاجينه
    الهدف الاول : الكيلوات المراد فقدها
    العنايه بالشعر : تزيت الشعر او سدر او غيره
    العنايه بالبشره : كل وحده واحتياجاتها
    العنايه باليدين والاقدام : كل وحده وبرنامجها
    مهام اخرى : كل وحده وحسب ظروفها
  4. @akoamaryn22

    صاحبة الموضوع
    نحن اتفقنا كل شي هالمره يكون مختلف صح ؟؟



    عندنا من الاثنين الى الجمعه عشان نعدل كل الخبطه في حياتننننننننننننننننننننننا

    اذا المكان فوضوي بيكون عقلنا متشتت وما بنقدر نحقق كل الاهداف الي نطمحلها

    1_ بنشجع بعض على ترتيب الغرفه وتهيئتها وبنتبادل الافكار عشان تكون مركز التجميل والاسترخاء وكل شي

    2_ بنبحث عن الرجيم المناسب وبنحضر اغراضه وبنتخلص من كل شي مب موجود في الرجيم والاشيء الضاره مثل الحلويات وما شابه

    3_نحضر اغراض العنايه كريمات زيوت ووووو عشان ما نقول ما عندي باجله

    4_بيساعدنا نتعرف على بعض اكثر ونكون اقرب لبعض

    5_وعشان الي فيها حماس مزيف من الحين تنسحب عشان ما تحبطنا اذا اختفت في نص الدرب

    وبجذيه تم المووضع انتظر مشاركتكن ويانا

    واشكر المشرفات القائمات على القسم والله يعطيكن العافيه وشكرا لسماحكن لنا بفتح هذا التجمع

تابعي تجارب أخرى من هذا القسم.