الغالية سندس فكرة رائعة جدا ومريحة وكانت في بالي وناوية استشيركم فيها بس سبقتيني :12: على العموم تسلمين على طرح الموضوع المفيد جدا وياريت كل وحده تكتب اللي عندها ... وانا راح اكتب بعض الاشياء اللي اسويها وهي كما يلي :
1_ سوي لفائف السبرنغ رول بكل حشوة تحبينها بالدجاج او الجبن او اللحم او الخضار وجمدي كل عشر حبات في كيس واحد عشان لما تحتاجين كمية معينه تطلعين اللي تحتاجينه من غير ما تخربي الباقي بفك التجميد عنه ورد الباقي منه .. كذلك السمبوسه نفس الحكاية كل عشر حبات مع بعض وهكذا ...
2_ ممكن عمل التوست المحشي بأي حشوة ايضا والمغمس في البيض والبقسماط والموزع ايضا كل عشر حبات مع بعض ....
3_ كل انواع الفطاير اللي تخطر على بالك ممكن عملها وخبزها وبعد ما تبرد تماما توضع كل عشر حبات في صحن بلاستك مرتبه فيه بحيث ما يخرب شكلها وتغلف بكيس بلاستك وترص بالفريزر ..
4_ لحم مفروم مطبوخ ومقسم في اكياس صغيرة واللي تحتاجينه تطلعينه وتضيفي له اي اضافات خاصة بالطبخه اللي بتسوينها ...
5_ دجاج مسلوق ومفروم وموزع بأكياس حسب الحاجة ايضا
6_ ممكن عمل صلصة البيتزا بكمية كبيرة وتوزيعها في اكياس صغيرة على حسب كمية استخدامك لها ...
7_ ممكن عمل صلصة الطماطم وذلك بعصر كمية كبيرة من الطماطم وطبخها على النار لحد ما تصير صلصه بدون اي اضافه ثم توزع بأكياس صغيرة حسب الكمية اللي تحتاجينها كل مرة ...
8_ عصر كمية كبيرة من الليمون ووضعه في قوالب الثلج وبعد ما يجمد توزع القوالب كل قالب في قطعة قصدير ويوضع في علبة تبرويه وكل ما احتجتي شي تاخذي القطع اللي انتي محتاجتها ...
9_ عند عصر الليمون لا ترمي القشر اللي قشرتيه بل خذيه وافرميه او ابشريه ووزعي كل كمية بمقدار ملعقة طعام في قطعى قصدير وضعيه في علبة واستخدمية عند وقت الحاجة في الكيك او الحلويات او اي شي ثاني ..
10_ نفس حكاية الليمون طبقيها مع البرتقال يمكنك عصر كميه منه والاستفادة من قشورة كالسابق ...
11_ يمكنك تقطيع الخضار بشكل مكعبات عشان الايدامات وتوزيع كميات صغيرة من كل نوع بكيس لوقت الحاجه
12_ تقطع الفاصوليا بشكل ورب لعمل ايدام الفاصولياوتوزع الكمية على عدة اكياس ..
13_ يقطع كمية من الدجاج قطع صغيرة لعمل الايدامات والصواني وتوزع الكمية بأكياس حسب الكمية اللي تحتاجيها كل مرة
14_ ايضا اللحم تختارين اللحم الهبرة الجيدة وتقطع قطع صغيرة لعمل الايدامات ومقلقل اللحم والشوربة والمكرونه وتوزع كل كمية بكيس حسب الحاجة ..
15_ تاخذين فلفل حار ويغسل جيدا ويوضع في كيس لحفظ الطعام قابل للفتح والاغلاق ويجمد وعند الحاجة تاخذين اللي تبين وترجعين الباقي ...
16_ يقطع كمية من الفلفل الرومي البارد على شكل مربعات صغيرة او بشكل طولي للاطباق الصينية وكل لون توزعيه بأكياس الاحمر والاصفر ولاخضر كل كمية تكون على حسب ما تحتاجين ..
17_ بالنسبة للمكسرات يقشر اللوز ويجرش كمية منه للتزيين وكمية اخرى تطحن ناعم وتوضع بعلبه وتكون كثير نوعا ما لأن فيه حلويات كثير فيها لوز مطحون ناعم ..
18_ كذلك بالنسبة للفستق يجرش كميه للزينه وكمية تطحن وتكون كمية كبيرة وتحفظ في علبة ...
19_ الصنوبر يغسل ويجفف ويحفظ في علبة وكذلك الزبيب ...
20_ الحليب البودرة يحمر كمية كبيرة منه ويقاس كل كاسة توضع بكيس ويحفظ بالفريزر لوقت الحاجه على حسب الحلى المستخدم فيه وفيه انواع كثيرة تحتاج الحليب المحمر وهذا ياخذ وقت فأحسن انه يكون جاهز على طول ..
21_ كذلك تطحن كمية كبيرة من الشابورة وتوضع في برطمان كبير واحسن نوع هي شابورة السعودية وممكن حفظها برى الفريزر واي طبخة فيها بقسماط استخدمي الشابورة المطحونه فيها وما يحتاج تطحنين كل شوي خليها جاهزه على طوووول بالبرطمان وخذي الكمية اللي تبينها ..
22_ ممكن عمل كمية كبيرة من الشيرة (القطر) وحفظها في جك كبير او برطمان وله فتحه تصبيها منه على حسب الكمية المرادة ويمكن حفظها بالثلاجة وكل ما خلصت اعملي كمية كبيرة ثانية تكفيك كم يوم او لمدة اسبوع ...
23 خذي كمية من الشعيرية الباكستانية واطحنيها بمكية كبيرة واحفضيها عندك لوقت الحاجه وممكن حفظها برى الفريزر وهي تستخدم في حلويات كثير مثل حلاوة الشعيرية والكنافة الكذابه وغيرها كثير ....
24_ ....... مادري وش باقي اللي بذكرة برجع واكتبه
:rolleyes: :rolleyes:
اتمنى اني افدتكم مثل ما افدتوني وكل وحده عندها شي جديد تقولنا عليه ونحن بالانتظار .....
تقبلوا تحياتي ،،،،،،،،،،،،،
ملف كامل لما يوضع بالفريزر
متابعة النقاش، صفحة 6