كل وحده تقول لنا سر من أسرار طبخها

@ana_koyty_ana

باختصار عشان الكل يستفيد كل وحده تقول لنا سر من أسرارها بالمطبخ :39: وأبشركم ترا... البدايه مني:icon28: ولكم الأمان..

الدقوس تحطين عليه شوية سكر...سر النكهه بالدقوس لكويتي...وإذا تبون شوية حموضه تضيفين صبار (تمر هندي)
المعكرونه بالباشميل تسوينها باللحم الطازج مو لمثلج..والخلطه البيضا تضيفين لها شرايح الجبن المربع ومكعب ماجي
مرق الخضره تضيفين له ملعقتين شوفان منها مفيده ومنها تثقل لمرقه
الصوص مال اللحم(الذبايح) اللي بالعزايم قبل لاتشقرين اللحم بالفرن عباره عن معجون طماط,زعفران,مكعب ماجي تحطينهم شوي على النار بعدين تضيفين من مرقه اللحم البيضا شويه ومن ثم تدهنين اللحم فيه وتدخلينه الفرن................
يالله الباقي عليكم
وسلامتكم

70 تعليق 18,133 مشاهدة

0 0

شاركي في النقاش

سجلي الدخول لإضافة تعليق.

التعليقات

65

  1. @srmodh

    استخدام الكركم في الكبسه يخلي الرز لون وااااحد مو فاتح وغامق

    اذا خلصت شوربة الخضار اضيفي لها ربع كوب ماء مذاب فيه نشا يخلي
    قوامها ثقيل مو خفيف

    لنجاح كيكة الزبادي لازم يكون البيض جديد وخفقه باتجاه واحد يخليها تنفش ولاتهبط ابد

    عشان تعطين الرز نكهه حلوة رشي عليه شوي هيل وقرفه بعد ان يستوي
    واتركيه يرتاح شوي وشمي الريحه جناااااااااااااااان

    اضيفي ملعقه صغيره كمون لسلطة الزبادي يعطيها نكهه محببه

    غسل الخضار بماء حار بعد القلي يخلصها من الزيوت

    بشر الزنجبيل الطازج وتثليجه يحفظ نكهته وطعمه افضل من تركه بالثلاجه

    -------------------------
    مشكورة حبوبه على موضوعك وجزيت الجنان

    ويالله بنات شدوا الحيل عشان نستفيد

  2. @frforh_ana

    تسلمين ياقلبي عالموضوووع وان شالله نستفيد ونفيــد



    كبسة التونه اضيف عليها ملعقه مليانه صوص صويا المعتدله
    بعدما تحطين التونه تعطيهاا طعم يجنن ..

    وامي الله يحفظها علمتني خلطه دايم اضيفها بعدما اخلط الدريم ويب ويصير كريمه
    مقدار نصف فنجان قهوه حليب بوني او ابوقوس الموجود عندك وتحطين له اقل من ملعقة الشاي بيكنج بودر وتخلطينه انا اخلطه بصبعين الين يصير فيه رغوه خفيفه واضيفه للدريم ويب يعطيه نكهه رهييييييييييييييييييييييييييييييبه ومميزه .. جربوها وادعولي ولامي

    وطريقتي بوضع البيكنج بودر بالكيك ماااحطه مع الطحين احطه اااخر شي والخليط جاهز
    حطي البكنج بودر عليه واخلطي اقل من دقيقه وصبيها بالقالب ودخليهاا فرن حااار لااازم حاااار ... وهذي طبعا" من الوالده الله يحفظها طبعا انا احط مقدار ملعقه ملياااانه بيكنج بودر

    والفتوش احطله مقدار ملعقه متوسطه دبس الرمااان لذيييييييذه معهاا ...

    وصلصة البيتزا اللي اسويها احطلها ملعقة شاي ملح صيني اجي نو موتو بعدما احط الصلصه المخلوطه بالمااي له نكهه وريحه تخلي الجيرااان تشمهااااا :)

    وطبعا" انا مااستخدم لبيتزتي الحلوه غير جبنة كرفت تشيدر الزرقاا احلى واطعم من غيرهااا


    تستاهلووون اكثر يالغاااليااات بس هذا اللي اذكره وان شالله لي عوووده

    :)

  4. @love_factory

    من اسراري
    -لمرق الدجاج افركي قطع الدجاج ببهارات مخلوطه واقليهابزيت حار لحد ما تتحمر بعدين احمسيها عشان مايصير لون الدجاج ابيض بالمرق ويعطي طعم لذيذ
    -جبنة الناتشوز اخلطي الجبنه الجاهزه مع كريمه وحطيها بالميكروييف تصير حاره وذايبه
    -اذا كنت مستعجله سوي شيرة الحلو بالميكروييف 2كوب سكر 1كوب ماي رشةزعفران وهيل وماء ورد وملعقة ك عصير ليمون وحطيه ببايركس عميق وشغلي الميكروييف 5 دقايق
    -استعملي البطاط الاحمر الحلو بدل القرع للمرق لذيذ
    -تبلي الروبيان للشوي ببهارات وشوية سفن اب اول ماتشترينه وحطيه بالفريزر لوقت الاستعمال طلعيه يذوب وحطيه بالفرن بسرعه يستوي هذاالي اذكر الحين ولي عوده

تابعي تجارب أخرى من هذا القسم.