تسمحيلي حبيبتي الاجوديه ارد عليها بخصوص الرز المصري
1) في انواع من الرز المصري بس بالسعوديه الظاهر بس نوعين المهم جيبي سنو وايت المصري حبته قصيره وتاكدي انه المصري مو امريكي لانه سنو وايت في نوعين واحد حبته طويله هذا امريكي والثاني حبته قصيره ومدبدبه هذا المصري
2) اقلي شعريه مكسره (كثري الشعرية شوي اطيب) بثلاث ملاعق زيت عادي او سمنه لحد ما يصير لونها اشقر غامق محمر تكوني غاسله الرز (ثلاث او اربع مرات) لانه الرز المصري فيه نشا كثير لازم تغسليه اكثر من مره لحد ما تشوفي اللون المعكر الابيض راح ساعتها تصفيه وتتركيه على جنب اول ما تحمر الشعريه تضيفي عليها الرز تقلبي الرز لمدة دقيقة ونص مع الشعريه على نار هاديه
3) تكوني غاليه ماء مسبقا لازم يكون الماء مغلي (كمية الماء للرز المصري غير عن البسمتي والبشاور ) تحتاجي لكل كوب رز مصري كوبين الا ربع ماء مغلي او كوب ونصف ماء مغلي بنفس الكوب اللي قستي فيه الرز)
تصبي الماء المغلي فوق الرز وترشي الملح الناعم العادي مو الملح الخشن وتذوقي اذا تمام تحركيه حركه واحده وتخليه يغلي لمدة دقيقتين بس بعدين تغطي القدر بشكل جيد وتخليه على نار هاديه جدا جدا لمدة ربع ساعه بس يكون مسكر عليه كويس وبعد الربع ساعه افتحي عليه وشوفيه حتلاقيه باذن الله مستوي بس اهم شي تسكري عليه زين وقت استواءه ربع ساعه او 18 دقيقة
:)
جربي الطريقة وخبريني
ماهي الطبخة التي لاتضبط معاك لكي نضبطها مع بعض في عالم حواء
متابعة النقاش، صفحة 20