استشارة رمضانية فى المطبخ المصرى

حلوة طريقتك يا امانى بس انا عملتها خلاص بالبطاطس وفكت شويه معرفش ليه مع انى عملتها قبل كده ومفكتش كده

بنات ازيكم :27:انا استفدت منكم فى حاجات كتير:35: ممكن تساعدونى عايزة حلة ضغط ممكن تقوللى احسن نوع وبكام وشكرا لكن مقدما:04:

اهلا بسومتى لو عايزة حلة ضغط تبقى تيفال سيبا ثم سيبا ثم سيبا ولا شئ غير سيبا
وتكون صناعة فرنسية خلى بالك
حلل الضغط بالذات متتجبش نوع اى كلام ولا رخيص لان لو مش متصنعة صح ولا الالمونيوم بتاعها تعبان بتعمل كوارث
هنا فى الامارات ب350 درهم الحلة ال8 لتر وال10 لتر ب450 والدرهم بجنية ونص تقريبا شوفى انتى بقى حولى بالمصرى وقارنى الاسعار وسعر السوق عندك كام

شكرا نور انا شفت زهران تعرفى عنها حاجة

بصى يا كنوزة الكيك ده خطييييييير بجد انا اتهبلت عليه لما اكلته عند صاحبتى واخدت منها الطريقة ممكن تعمليه فى قوالب الكب كيك بجد تحفة

شوكليت كيك بصوص النسكافية:
1و3/4 كوب دقيق - 1و 1/2 كوب سكر- 3 معالق صغيرة بودر-5 بيضات
3/4 كوب زيت ذرة- 3/ كوب ميه-1م/ص فانيليا-4م/ص كاكاو-ربع م/ص ملح

الطريقة:
- يفصل البياض عن الصفار
- يخفق الصفار مع السكر والملح والفانيليا جيدا فى الخلاط ثم يضاف الزيت والماء
- يضاف الدقيق المنخول والبودر والكاكاو
-يضرب البياض لوحده جيدا ثم يضاف للخليط السابق
-نصب الخليط كله فى قالب مدهون او متغطى بورق زبدة وتخبز فى فرن متوسط الحرارة لمدة 45 دقيقة
- يضاف لها الصوص بالتدريج وهو دافى او بارد اول خروجها من الفرن

صوص النسكافية:
1و1/2 كوب ميه-1و 1/2كوب سكر- 3م/ك نسكافية-1م/ص فانيليا
نخلط كله مع بعضه ونتركه يغلى 5 دقائق

تقطع الكيكة وتقدم مع ايس كريم فانيليا