شاركي في النقاش

سجلي الدخول لإضافة تعليق.

التعليقات

706
  1. @la_rosa_1

    انا امبارح عملت فراخ محمرة شبه كنتاكى سلقت الفراخ بس مهريتهاش قوى وطلعتها تبرد وجهزت خلطه عبارة عن دقيق وقدهم نشا وبقسماط ولبن وملح وفلفلومعلقة خل وخلطتها ونقعت فيها الفراخ وحطيتها فى التلاجة ووقت السوا امسك كل ربع اسيبه يتصفى من التتبيلة شويه واحمرها كانت حلوة
    وعملت كول سلو عبارة عن خس وكرنب وجزر كله مبشور وعليهم شويه لبن ومعلقتين مايونيز كبار ومعلقة خل ومعلقة سكر
    وعملت سلطة مشروم عبارة عن مشروم شرايح وفلفل رومى شرايح وجزر مبشور وخس والتتبيلة عبارة عن زيت زيتون وملح ومعلقة خل صغيرة ومعلقة دبس رمان صغيرة دى كنت واخداها من مدام شيرين واول مرة امبارح اجربها كانت حلوة وعملت رز ابيض وشوربة خضار
    كله كله مخدش منى ساعة ونص
  2. @nosha1_1

    كتكوتة كتكوتة
    ممكن تقولى فى الرد رقم كمان يا قمر ؟؟
    الغدا النهاردة كان كشرى عدس اصفر
    بحمر بصلة وبكون غاسلة العدس مع الارز واصفية ولما البصلة تحمر كدة اضيف العدس والارز على البصلة وتقلبتين وازود عيار الماء
    واضيف الملح والفلفل الاسمر والكمون
    عملت جنبة بيض مسلوق وطماطم مقطعة حلقات وكمان دقة طماطم كوباية صلصة على النار معاها شطة وملح وفلفل وخل ودمتم
  3. @knzy1

    نوشا1
    الغدا النهاردة كان كشرى عدس اصفر بحمر بصلة وبكون غاسلة العدس مع الارز واصفية ولما البصلة تحمر كدة اضيف العدس والارز على البصلة وتقلبتين وازود عيار الماء واضيف الملح والفلفل الاسمر والكمون عملت جنبة بيض مسلوق وطماطم مقطعة حلقات وكمان دقة طم…
    معلقتين برغل منقوع ومتصفي وتضيفي عليهم بقدونس منقطع صغير وشرايح زيتون اخضر واسود

    ومكعبات طماطم صغيرة وبصل مكعبات صغيرة وملح وفلفل وزيت زيتون وليمون وبالهنا والشفا يجميل



    انا هكتب المقادير والطريقة بس الينك علي جهازي وفي مشكلة ودخلة من الجهاز بتاع جوزي

    مقادير الكفتة

    لحمة مفرومة وبقدونس وبصل وملح وفلفل وبهار مشكل تخلطيهم مع بعض وتعمليها كور او صوابع وتقليها في الزيت

    صوص الطماطم

    تقطعي بصل مكعبات ومعاه فصين توم مهروس وتشوحيهم شوية لغاية مالنهم يصفر تضيفي طماطم مضروبة في الخلاط

    ومتصفية ولما تتسبك تضيفي فلفل ررومي متقطع مكعبات صغيرة ومعلقتين صلصة وملح وفلفل


    صوص الزبادي


    زبادي وملح وفلفل ونعناع ناشف وكمون وثوم مهروس وقطع فلفل رومي مكعبات صغيرة جدا وتخلطيهم مع بعض كويس

    وكمية الزبادي بتكون كبيرة يعني هي استخدمت 6علب لمقدار كيلو لحمة

    وتجيبي طبق بيركس وترصي اول طبقة عيش شامي مكعبات محمص وبعد كدة صوص الطماطم وبعدين صوص الزبادي

    وبعدين الكفتة تزينية بالبقدونس والصنوبر المقلي :p:o

تابعي تجارب أخرى من هذا القسم.