ياناس أنا غبيه ولا زوجي مايبغاني_فهموني

كلمي امك لأنه هذا الحال ماينسكت عليه

واقرئي عسى ان يكون خير ...والعمر مو بعزقه لاتخلي روحك لازم تلاقي حل..او تروحوا لدكتور قبل واصري هذا مستقبل مو يوم ولا يومين اذا صبرتي هذه السنه ماتصبرين الجايه

لا يا اختي لاتظلمينه من ردك باين انه مريض ومشكلته حساسه ماتقدرين تجرحينه


والرجال مايبون حريمهم يتكلمون كذا





الله يستر طيب شوفي حاولي تكتشفين هو يعالج نفسه والا ساكت وماهمه


الله يكون بعونك اذا هو يعالج تحمليه ولا تزيدين حالته


واذا ماهمه دخلي احد بالموضوع من اهلك خليه يشوف لك حل

زوجك مريض ومحتاج لعلاج
وهو يبيك بس مو قادر

أجلسي معه بهدوء وروقان
وافتحي معه موضوع الطبيب
وإن المرض ماله علاقة بالرجولة
فهو رجل وسيد الرجال بنظرك ولولا الخلفة وغريزة الأمومة
ماكان فتحتي معه موضوع العلاج
وقولي له : ماابي غيرك وموضوعنا نعالجه بسرية تامة دون أحد يدري
والزوجين ستر وغطا على بعض
وأنا معك لآخر العمر ياحياتي


أهم شي أختي
لازم يتعالج

شوفي يا اختي اولا استعيني بالله واكثري الدعاء والاستغفار وصلاة الليل وقول لا حول ولا قوة الا بالله

الحين لا تخلين البنات يخربطون عليكي بعظهم الله يهديهم افكارهم تشطح شوي لبعيد

الحين بعد ردودك الي شفتها انتي لك دور بالي صار يعني انتي تصارخين وتشدين معاه لما كان يحاول معاكي

خلاص خوفتيه بالذات اذا كان حساس او مشاعري خلاص بيعيف هذا الشي

انتي بعدين كيف لبسك بالبيت وكلامك معاه وجلوسك معاه انتي شكلك شوي محبكتها لانك لما يقولك نامي معاي بالصاله ما ترضين

يمكن يكون هو يجاملك بس انتي لا تصيرين كذا ما شيه على الكتلوج مادام عندكم مشكله اتنازلي لما تحلينها باي وسيله مادامت مباحه وصحيحه

يعني مافيها شي لو نمتي في الصاله لو كرامتك ما تسمح زي ما تقولين خلاص سوي نفسك تتفرجين ونامي جنبه او على الكنبه

يختي قوليله بردانه وانحشري جنبه وسوي نفسك نمتي

لازم التلامس الجسدي تكثرين منه عشان تستثيرينه

لازم اذا قرب لك ترتخين له وتتفاعلين معاه لا تفكرين في اي شي مخيف او صعب خذي الامر ببساطه

لانه ابسط مما تتخيلين

بعدين هل يوجد بينكم حواجز خجل توجس كل هذي شيليها بالاول عشان تسهلين الامر عليه وعليكي

البسي الي تلبسه كل المتزوجات بالبيت مو شرط قمصان لا ضيق بنطلون لو ويست تنانير قصيره بديات بلوزه بنطلون استريتش تحتها

عشان تكون الطف لك وله بدال القمصان كانك تقوليله يله فينك فهمتي علي

احتمال ان زوجك إحتمال عنده ضعف لانك قلتي حاول وما قدر ويمكن هالشي اثر عليه بزياده

اقصد الفشل في المحاوله

انتي كلمي طبيب واشرحيله الوضع هو بيطمنك اذا كان مريض او مشكلته نفسيه

ثانيا كل الي عليكي اكتبي رساله له وضحي رغبتك ان هذا الموضوع ينفتح من جديد وتتحاورون فيه

اكتبي الرساله باكثر من صيغه الي ان تصلي لصيغه مريحه في الاخير

الاهم الوضوح في المحتوي يعني لا تلميحات مبهمه

ثانيا ممنوع التجريح او الايذاء باي وسيله ابد ابد ابد

فهميه ان السالفه هذي بسيطه جدا جدا

وان الفشل موعيب لان الشي هذا ما احد فيكم مارسه من قبل فالفشل طبيعي وقد يكون علامة طهر عند الطرفين

وان هذي غريزه وضعها الله في البشر لحكمه وهدف واي شي ممكن يخدم الموضوع اكتبيه

بعدين اذا كان عنده مشكله بسطي الامر في نفسه يعني العلاج بسيط ما في مشاكل وان الطب تقدم

والامور هذي تتم بسريه ومن هذا الكلام

لا تستعجلين في الكتابه اجمعي افكارك واكتي اكثر من مره الي ما توصلي للمره الاخيره

بعدين اذا تبغين توصلين لنتيجه في اي شي اتركي الحساسيه والعصبيه في الكلام معاه واطلبي من الله السداد


بالنسبه لمبيتك عند اهلك او زيارتهم انتي لازم تطلبين حقوقك منه بلطف وادب ودلع عشان يلين ويعطيكي الي تبين

وكلميه وهو رايق وفرحان وتوددي له وحاوريه بشويش لان الرجل بالبدايه يحب يكون هو المسيطر على زوجته عشان يثبت رجولته

ولا تنسي الامور تجر بعض يعني مايصير يفقد الشعور بالرجوله من كل الاتجاهات قد يكون يفرغ قوته في هذا الاتجاه

انظري له بعين المشفق المحب وتفهمي وضعه النفسي


هو ما يخليكي تتهنين جلستك عندهم يمكن هذي خلفية حياته يعني تربيته كذا وتفكيره كذا مو لشي ثاني

لو خايف تعلمينهم بشي كان ما وداكي عندهم ولا مره بحياتك لان السالفه هذي ممكن تعليمنهم بها باي وقت

بعدين يمكن بقائه في الغرفه يذكره بالنقص الي عنده

هو يهرب من نظراتك او تلميحاتك ومن شعوره بالضعف

ويمكن هو ايضا بالاصل عنده صفات شخصيه تغذي هذي التصرفات

زي ضعف الشخصيه التردد الخوف موقف شاهده بالصغر او تربيه صارمه اشياء كثير ممكن يكون لها دخل بالموضوع

اذا حاولتي تكليمه وما شفتي منه رد انتي حره بعدين باي خطوه تتخذينها معاه بس بعد عدة محاولات

اسئل الله لكي الخيره الطيبه وتيسير الامور