شاركي في النقاش

سجلي الدخول لإضافة تعليق.

التعليقات

482

  1. صاحبة الموضوع
    moonsuhail
    الزربيان الحضرمي او الكبسه الحضرميه حبيت اليوم اعرفكم على صنف من المطبخ اليمني اللي هو الزربيان الحضرمي ( تقريبا هو شبيه بالزبيان العدني ) طبعا على طريقتي والطعم امممممممممممممممممم خطير وطبعا معروف ان الخضارمه اكلهم ك…
    الشكل النهائي ...









    أغراء أكثرررررررررررررر







  2. صاحبة الموضوع
    moonsuhail
    الدقة (طريقه صنع اللحم المفروم) طبعا الكل يسال ايش يعني دقه ( هي اللحم المفروم) المقادير نصف كيلو لحم مفروم مسلوق وياريت لو يكون طازج لانه مافي احلى من الطازج باميا مسلوقه و1 بطاط كبيره مسلوقه طماطم مسلوق وبعدين اعصريه في العصاره ي…


    كبسة الارز البسيطه:




    المقادير
    4 افخاذ من الدجاج ولو حبيتي الصدور مش مشكله مسلوقه

    (تسلقي الدجاج مع حب هيل ومسمار وقرفه صحيح وبصله كبيره مقطع الى انصاف وقليل من الملح)
    4 كاسات ارز بسمتي او امريكي بس بيطلع بالبسمتي اطيب بكثير مسلوق نصف سلقه
    1 بطاط كبيره الحجم مسلوقه
    2 حبات بصل كبيره الحجم
    1 قرن من الفلفل الاخضر البارد
    ملعقتان من صلصه الطماطم
    ربع كاس زيت





    الطريقه :
    اولا ناخذ البصل ونقطعه ونضيف اليه ربع كاس زيت والفلفل الاخضر البارد وملعقتان من الصلصه كما في الصوره





    وبعد ان نحركه قليلا حتى يذبل البصل ويختلط مع صلصه الطماطم شوفي الشكل في الصوره





    نضيف اليه نصف كميه الارز المسلوق (طبعا نسلقه في الماء حق الدجاج بعد اخراج الدجاج ونصفي الارز تمام من الماء ) كما في الصورره





    ونضيف الدجاج و البطاط





    ومن ثم نضيف باقي كميه الارز ونرش عليها قليلا من الكركم




    ومن ثم جيبي طاسه وخلي فيها صلصله الطماطم وكأسان من الماء والبهارات المحببة لديكي وضعيها على الأرز قليلا قليلا



    وغطي القدر بطبق محكم وضعيه على نار هادئه لمده ربع ساعه وشفي لو الماء نشف منه طفي النار وبعدين جيبي فحمه وخلي بين القدر قطعه من الفلفل الاخضر البارد وفيها شويه زيت وخلي الفحمه عليها وطبقي القدر شويه حتى ياحذ نكهه الفحم والفلفل
    والصوره تحكي ...




    وبعدين اقلبيه في طبق التقديم
    وهذه صورته النهائيه




    وهذه صوره عن قرب


  3. صاحبة الموضوع
    moonsuhail
    الشكل النهائي ... أغراء أكثرررررررررررررر
    الكبسه اللذيذه التي لا استغنى عنها في اي مناسبه:









    المقادير مع الطريقة...

    نصف كيلو لحمه ضان (بفضل عمل اللحمه على الدجاج بالكبسه لانه تعطي طعم احلى من الدجاج)
    بصله كبيره مقطعه او مفرومه
    6 حبات طماطم احمر
    بهارات صحيحه ( هيل وقرفه ومسمار وشيبه)
    زنجبيل اخضر ( وهذا سر الكبسه الذيذ)مااتخلى عنه في اعداد الكبسه
    ربع كاس زيت

    وهذا صوره المقادير





    جيبي قدر وضعي عليه المقادير السابقه ومن ثم ارفعيهم على النار وغطي القدر وحركي بين
    فتره واخرىحتى يبدا شكل البصل والبهارات و اللحمه يتغير ومن ثم اضيفي عليه
    6 حبات طماطم احمر ولو مافي احمر اضيفي 2 ملاعق معجون الطماطم
    واضيفي الفلفل الاسود والكمون المطحون والملح





    وغطي القدر وبين فتره واخرى افتحي الغطاء وحركي شوي شوي


    لحد ماينهرس الطماطم كويس ومن ثم اضيفي على المقادير السابقه الماء






    وخليه على النار لمده ساعة

    بمعنى حتى تستوي اللحمة تماما

    ومن ثم أضيفي عليها الكوسة (3 حبات كوسة)والجزر





    ويدوب خلي الكوسه بس ربع ساعه وتكون قد بدات تستوي ومن ثم اضيفي عليها الارز المنقوع (ينقع لمده نصف ساعه )





    وقلبيه بين المكونات ومن ثم اضيفي لها الماء ويكون الماء مرتفع بمقدار اصبع فقط وبعدين لو احتاج
    ماء ممكن تضيفي له


    وهذا صور الارز بعد ان استوى










    اتمنى ان الكبسه تعجبكم

  4. صاحبة الموضوع
    moonsuhail
    كبسة الارز البسيطه: المقادير 4 افخاذ من الدجاج ولو حبيتي الصدور مش مشكله مسلوقه (تسلقي الدجاج مع حب هيل ومسمار وقرفه صحيح وبصله كبيره مقطع الى انصاف وقليل من الملح) 4 كاسات ارز بسمتي او امريكي بس بيطلع بالبسمتي اطيب بكثير مسلوق نصف س…


    الحنيذ ( دجاج ولحم )

    المقادير مع الطريقة...

    اولا نبدا بالدجاج غسليه كويس
    وحطي في صحن هذه البهارات ملح وفلفل وكمون وكركم وهيل مطحون ناعم

    واخلطيهم كويس وبهري الدجاج كويس وحاولي تعملي فتحات بالسكين عشان البهارات تتدخل لداخل

    وبعدين جيبي القصدير وحطي الدجاج فيه





    وطبقي القصدير وحاولي يكون مغطى كويس





    هكذا انتهينا من الدجاج سهل كثير صح ؟؟؟

    نجي لعمل حنيذ اللحمة طبعا نعملها بهارات مثل بهارات الدجاج تماماَ وهذا شكلها





    وهذا شكلها بين القصدير ..

    ياحرام شكلها مستحيه





    وبعدين نجيب طاويه وياريت لو تكون تيفال وخلي فيها ماء الى المنتصف

    وخلي بينها الحنيذ زي الصوره




    وغطيها بطبق محكم
    وخليها اولا على نار عاليه وبعد ساعه خفضي النار وافتحي عليها شوفي لو نشف الماء زيدي عليها ماء

    الدجاج خليه من ساعه الى ساعه ونصف حسب حجم الدجاجه
    واللحمه خليها ساعتان ونصف لو هي طازجه ( على فكره احنا مانحب الاطازج لانه مافي احلى منه )
    ولو هي مثلجه بصراحه مالي خبره يمكن تحتاج وقت اكثر

    وهذا شكل الدجاج




    وهذا شكل اللحمه ..





    على فكره لو في معاكي فخار بيكون حلو كمان

    خلي الحنيذ فيها وخلي فيه ماء الى المنتصف

    شوفوا الصوره





    ملاحظه...


    ممكن تولعي فيه فحمه بيطلع مره حلووو

  5. صاحبة الموضوع
    moonsuhail
    الحنيذ ( دجاج ولحم ) المقادير مع الطريقة... اولا نبدا بالدجاج غسليه كويس وحطي في صحن هذه البهارات ملح وفلفل وكمون وكركم وهيل مطحون ناعم واخلطيهم كويس وبهري الدجاج كويس وحاولي تعملي فتحات بالسكين عشان البهارات تتدخل لداخل وبعدين جيبي ال…


    اللحوح ...


    واللحوح بناكله مع المرق ونعمل فيه الشفوت

    والسفره اليمنيه لاتخلو منه

    ويختلف في عمله من منطقه الى الاخرى

    ففي مناطق يعملوه على الصله وهي تجي زي الطاوه بس كبيره جدا ومصنوعه من الطين ويشعلوا من تحتها الحطب

    ويكون حقها اللحوح احلى بكثير من الطاوه اللي تكون على النار

    وفي مناطق بيعملوه على الطاوه

    ويختلف عمله من منطقه الى اخرى

    وهذه الطريقه اتعلمتها من امي وعمتي

    واتمنى انها تعجبكم


    الطريقه


    ناخذ كميه متساويه من الدقيق والدخن





    ومن هذه الكميه ناخذ كاس منه ونخليه على جنب


    ناخذ الباقي ونعجنه مع ملح وماء وشويه خميره






    خلاص خلي العجين في مكان بارد

    لانه لو كان في مكان دافي او حار راح يخمر بدري شوي

    طبعا انا اعجنه الساعه 10 مساء واخليه في مكان بارد يعني زي غرفه مشغله فيها مكيف

    نبدا في عمل الشوربه

    جيبي الكاس اللي نقصتيه في البدايه واحركيه مع شويه ماء حتى تتكون لديكي عجينه شبه سائله





    جيبي قدر ثاني وخليه فيه 5 كاسات من الماء وخلي بينه ملح لاتكثري

    وارفعيه على النار ولم يبدا يغلي خلي عليه المزيج السابق ( اللي شبه سائل)


    وابدي حركي بسرعه بسرعه عشان لايتكتل معاكي

    لم تغلظ معاكي زي الكاسترد






    اطفي عليها النار و غطيها كويس وخليها جنب العجين السابق

    الان روحي نامي ولم تصحي لصلاه الفجر راح يصير العجين هكذا





    ولو حركتيه راح تحسيه انه بدء يكون سائل شوي


    وشوفوا الشوربه كيف صارت وقت الفجر





    شيلي هذا اللي من فوقه واضيفيه شوي شوي للعجين وابدي حركي بمضرب الحليب


    حتى تتكون لديكي عجينه سائله مش كثير خلي بالك


    لاتخليها سائله كثيرررررررررررررر



    وبعد ان تخلطيه كويس

    رجعيه مكانه الاولى

    وروحي نامي الى الساعه 8 او 9 صباحا راح تقومي وتلاقيه هكذا







    راح يكون زي الفقاعات

    يعني الان جاهز انك تبدا تعمليه
    حركيه بمضرب الحليب

    جيبي طاوه وامسحيها بمنديل نظيف
    وافتحي النار على عالي اولا حتى تسخن الطاوه

    لاتسخن كثير :@


    ويجب انك تكون محضره كاس بلاستيك واخرميه من المنتصف شوي زي الدائره

    عشان تخلي فيها المزيج وينزل شوي شوي على الطاوه


    خلاص الان خلي المزيج على الطاوه والنار تكون عاليه






    ولم يبدا يفتح شوي شوي هدي النار و غطي الطاوه





    ولم تبدا تحمر الجوانب خلاص ارفعيها من الطاوه وهذا شكلهاااااااااااااااا





تابعي تجارب أخرى من هذا القسم.