شاركي في النقاش

سجلي الدخول لإضافة تعليق.

التعليقات

2,688
  1. @roaaa_alaslam

    حبيبة ابراهيم
    كل سنة وانتوا طيبين انا كنت عايزة اسال على المكسرات اللي بتتحشي في القطايف عيارة عن ايه بالضبط ؟؟ ياريت حد يقولي :)
    شكرا يا مروة جزاك الله خيرا

    شوفي انا باحشيها لوز و بندق باحمصهم الاول في الطاسة ثواني و بعدين اضربهم انا باحبهم ناعم انتي ممكن تعمليهم خشنين شوية زي ما تحبي و بعدين باحط عليهم جوز هند و زبيب و معلقة سكر كبيرة و اقبلهم كويس و ابدا احشي بيهم
  2. @am_abyha74

    رواء الاسلام
    شكرا يا مروة جزاك الله خيرا شوفي انا باحشيها لوز و بندق باحمصهم الاول في الطاسة ثواني و بعدين اضربهم انا باحبهم ناعم انتي ممكن تعمليهم خشنين شوية زي ما تحبي و بعدين باحط عليهم جوز هند و زبيب و معلقة سكر كبيرة و اقبلهم كويس و ابدا احشي بيهم
    الله ينور يا رواء بس انا مش باحط سكر واوقات باضيف رشة قرفة
  3. @am_abyha74

    كنزي1
    انتو بتضيفو دقيق سميد للقطايف لية انا معملتهاش قبل كدة بس الشيف شربيني امبارح عملها والمقادير كانت نص كيلو دقيق و2ونص كوب ماء وذرة ملح وذرة سكر وباكو بيكنج بودر وتتساب نص ساعه تخمر وترتاح وبعدين تتعمل اسماء الكنافة مغلباكي بس لية …
    نوران
    رمضان كريم انت فين يا قمر اخبارك ايه وعملتي العملية ولا لسة؟
  4. رواء الاسلام
    حلو اوي يا سمسم و يا ريت تديني طريقة البسلة بالمايونيز و كنت عايزة كمان يا جماعة طريقة سلطة المكرونة بالخضار و المايونيز بتتعمل ازاي او اي سلطة مكرونة
    رواء ازيك عاملة ايه
    كل سنة وانت طيبة ورمضان كريم يا ترى انتى هنا ولا هناك

    بصى يا ستى البسلة بالمايونيز باسلق البسلة لوحدها والجزر لوحده
    وبعدين بارش عليهم ملح وفلفل وباحط المايونيز واقلب
    واسيبها فى التلاجة ساعة ولا حاجة عشان تشرب من المايونيز


    سلطة المكرونة انا بصراحة كنت باقلد السلاطة اللى كانت فى كينى روجرز الله يرحمه بقى

    انا باسلق المكرونة الاقلام وبعدين باضيف عليها زبادى ومعلقتين مايونيز وطماطم مقطعة اربع وملح وفلفل

    واسيبها برضه تشرب من التتبيلة

    وميرسى على زوقك
  5. marwaibra
    ماشاء الله عزومة جميلة ومكوناتها شهية .. ممكن تقوليلي طريقة طاجن السوتية هو خضار سوتية عادي؟
    يصى يا جميل اولا كل سنة وانتى طيبه

    بالنسبه لطاجن السوتيه انا باشوح كل حاجة لوحدها فى حبة زيت صغيرين
    بطاطس-جزر-بسلة-فاصوليا - اللى عندك
    وبعدين اخلطهم على بعض
    واجيب الطاجن احط طبقة من خلطة الخضار وبعدين احمة مفرومة معصجة بالطماطم وبعدين طبقة تانية من الخضار
    وبعدين طبقة من اللحمة وادخلها الفرن تتستوى وقبل متدخل فى السوى باكسر بيضه على الوش
    بس تسيبيها زى ما هى صفار وبياض وتدخليها تانى لغاية مالبيضة تستوى

    واى خدمة

تابعي تجارب أخرى من هذا القسم.