مأكولات مصرية بس أية ( روشة جداً )

السلام عليكم
شكر وسلام مبخر بالعطورعلى الموضوع عشان رائحة الزفارة اللى طلعة منه بجد سبحان الله أول ما قرأت الطريقة شميت رائحة زفارة الفسيخ صارلى سنين ما أكله بسبب الزفارة رغم أنى كنت ولا زلت أحبه. ..وتسلمى على لموضوع .
أختك هبهوبة

السجق هذا اسمه يابنات بسطرمه
مررررررررره رررررررررروعه مع البيض
جربوه ما راح تندموا يابنات

هلا اختي

انا اموت بالسمك المدخن 00000لمى يكون الضغط عندي نازل اكل لي نص حبه وعينك متشوف النور يرتفع واسير زي الفل

حبيبتي لي طلب 000 ياليت تكتبي طريقت الحووشي واكون شاكره لك

لا يا ( يا ططوطة ) السجق غير البسطرمة
السجق : لحم مفروم به بهارات كثيرة خاصة يحشى به أمعاء الخروف بعد تنظيفها و يحفظ بالثلاجة و هو يشبه السوسيس في الشكل لا الطعم

أما البسطرمة : فهي لحم كامل ( قطعة معينة ) من الذبيحة يجفف بالحلبة و الثوم و غيره من البهارات و يلف بقماش خاص في الهواء حتى السواء و اللحامين بيعلقوه في السقف في الهواء الطلق
و فعلا يسوا به البيض آه ممممم مرة روعة

شروق 2005

بداية قوية جدا :biggrinlo ما شاء الله

كل الأخوات مجتمعات و بخور و قصص

يالله على الطعمية ( الفلافل ) و الكشري و الدقة :10_8_9:

و على فكرة أنا لا آكل الفسيخ لكن بأحب السردين المملح بالبيت لكن أنا بأنظف بطنه كمان قبل التخليل و بيكون أسهل بالأكل بعد النضج و لما ينضج أنضفه تماما و أضعه في برطمان و عليه زيت و ليمون أمممم
نتظرك( شروق)و أطباق مصرية جديدة

شكرا يا جماعة على ردودكم و أنا آسفة لانى معنديش كمبيوتر فى البيت الكمبيوتر عندى فى الشغل و لذلك بدخل حسب ما ببقى فاضية و بالنسبة للسجق و الأخت اللى طلبت طريقته انا لم أعرف ماذا تقصدى هل تقصدى السجق اللى بنشتريه من الجزاز و يكون يعنى عاوزة طريقة تحميره او عمله بالصلصة زى المطاعم و لا الهوتدزج يا ريت تقوللى اى سجق و انا تحت امرك .
اما الحواوشى فانا سوف اكتب طريقته
اما اليوم معى أكلة كبدة بس خطيرة و طريقتها من واحد شيف فى مطعم فى مصر و انا كل ما كنت باكل من المطعم بحس بفرق بين اللى باعملها بالبيت و بين اللى من المطعم

الكبدة بالردة

المقادير :
كيلو كبدة شرائح - رأس توم متوسطة مفرومة ناعم جدا - ملح حسب الرغبة - نصف ملعقة صغيرة فلفل اسمر مطحون - نصف ملعقة صغيرة كمون مطحون - 2 ملعقة كبيرة كزبرة ناشفة مطحونة ( و هنا سر الطعم ) - كمية من الردة الناعمة و ربع الكمية دقيق يعنى حسب ما الكبدة تاخد بمعنى انك لو هتستعملى كوب ردة تحطى معاه ربع كوب دقيق و تخلطى الردة بالدقيق جيدا
زيت للقلى
الطريقة
ضعى الكبدة فى وعاء و ضعى عليها الكمون و الملح و الفلفل و التوم و الكزبرة و قلبيهم كويس وضعيهم فى الثلاجة مده ساعتين او ثلاثة انا بحطها فى الثلاجة قبل ما اذهب للشغل و لما ارجع بتبقى كويسة جدا لان طول الفترة بيعطيها طعم احلى
لما تحبى تستخدميها طلعيها من الثلاجة و سخنى الزيت جيداً و امسكى قطعة قطعة و اغمسيها فى الردة المخلوطة بالدقيق و اضغطى عليها بكفك من الناحيتن و ضعيها فى الزيت و على فكرة هى سريعة النضج يعنى دقايق بتكون اتحمرت طلعيها على ورق ماص و بعد كده ضعيها فى طبق التقديم على فرشة بقدونس و ممكن تشويها لو بتحبى الشوى و طعمها رائع قدميها مع المكرونة و الباذنجان المخلل او تأكل بالعيش البلدى مع سلطة خضراء
اتمنى ان تعجبكم