من حظك ماشاءالله عيالي داخو وناموا الله يحفظهم
بسم الله نبدا...
اللي يقولك ان بطن القيصري مايروح ماعنده سالفة...بس طبعا كل شي بالعزيمة والاصرار يصير
والله ثم والله اني كنت وين وصرت فين....لدرجة اني صرت اخاف من شكلي من اناظر بالمرايه صرت اكره البس بلايز والسبب الزوايد والكرش كيف كانن...كان وزني 95او 96 والحين الحمدلله وصل 80 وهالشي عندي يعتبر انجاز كبير خصوصا ان رجيمي بطئ وانا نزولي بطيئ...لمن ولدت المرة الاولى وكانت قيصري طلع لي بطن لكن الكل قال لي يروح عادي وما اهتميت بعدها حملت بالثاني وولدت قيصري لكن من ولدت وانا حاطة ببالي اني اتغير لكن ماكانت عندي العزيمة ابغا اتغير وانا وافقة مكاني...وظليت على هالحال ليوم صار لي موقف رحت المدرسة وانا توني طالع من الاربعين قالت لي وحدة انتي كم لك شهر حامل ...اصعقتني قلت لها توني طالع من الاربعين ماصدقت ..عاد انا هنا عزمت اني بعد كم شهر لازم احاول عشان ابغا اتغير اذا ماكان لي عشان زوجي من حقه يشوف وحدة مرتبه قدامه..ادري هذرة بس عشان احمسك...
بعد 6 شهور من ولادتي بديت الرحلة..
1//شريت لي جهاز مشي بالبيت...فصرت امشي عليه بالبداية نص ساعة وبعدين صرت اربعين دقيقة..وبقد ماتقدرين اشفطي بطنك للداخل..طبعا انا اسوي تمارين للبطن والزنود طبعا كلها خفيفة عشان العملية اكتبي بقوقل تمارين خفيفة وبتشوفينها بالصور المتحركة..وانتي تمشي حاولي تحركين نفسك.
2//اول ما اجلس من النوم اشرب عالريق مايه فاترة مايله للدافيه انتبهي تشربين حارة تراها تاذي المعدة
3//الترويقة طبعا انا ترويقتي العصر تقريبا توست بر مع جبن او بيض مسلوق او كورن فليكس مع كوب عصير بعدها اشرب قشر قهوة طبعا اكون مجهزتها عشان ما اتكيسل وفي طرق لاعدادها لكن طريقتي هي((احمص القشر واطحنه بعدين احط 8ملاعق صغار قشر+8ملاعق صغار هيل+5أو 6ملاعق زنجبيل مطحون طبعا اقلل من الزنجبيل عشان مايصير حار مرره وبعدين انتي بتعرفين كمية الزنجبيل اللي تتقبلينها واخلطهم مع بعض واخذ منه ملعقة صغيرة يوميا لمقدار كوب واخليه لين يفتر واشرب وطعمه مقبول)) انا طبعا اخليها بالنتاوب عشان ما امل وبعدها اظل حول الساعه وامشي
4//بعد العشاء طبعا العشاء اي شي بخاطري اكله لكن بشروط بدون دهون بدون سكريات او حلويات واذا اشتهيت دهن حطيت زيت زيتون ..ولا تنسين السلطة والليمون والزبادي..وكاس عصير بدون سكر..ولو حبيتي انا مرررة استفدت من اطباق سحر الورد مره مرة روعة للدايت..واذا جيتي تاكلين يكون بكمية معقولة ودايم قولي انا شبعت وترى العصير مهم بعملية الشبع بعد ساعةمن الاكل كوب شاي اخضر ....بعد الساعة 12 ما اكل شي الا اذا كانت فواكة او ماي او لبن قليل الدسم
5//قبل النوم مباشرة علبة زبادي مع كاس ماي دافي يميل شوي للحرارة مع ليمون..عشان ما اتكيسل اعصر لي 5 او ست ليمونات فيسهل علي اني امشي على النظام
6//بقد ماتقدرين كلي زبادي قليل الدسم خصوصا قبل الاكل او النوم..
7//النفاس او غير النفاس بقد ماتقدر تشرب قشر قهوة انا اشربها مرة عشان ما اتكيسل..وعلى فكرة القشر خلى الدورة لمن تجيني ما احس بالمها وتنظف الرحم
ايش النتيجة اللي حصلتها...والله ثم والله وربي على ماكتبته شهيد..اني حسيت براحة ..واثقة من نفسي..زوجي اثنى علي وصرت اتشجع..كل من حولي قال لي صرتي غير وحدة من ربعي تقولي ان امها لمن شافتني قالت فلانة ضعفت وبان حلاها..يوم العيد الكل انهبل علي باللبس طبعا ذوقي نفس الذوق ولكن الجسم هو اللي رتب اللبس على فكرة انا كان لي كرش قبل ما اتزوج والله انها صارت اقل من كرش قبل الزواج...مو يوم او يومين راح تبان التتيجة لا تحتاج شهور ...اذا كنتي صامدة بتخسرين الوزن بمده اقل مني
امانة بنات كل من قرا ماكتبت يدعيلي بالوظيفة الرسمية عاجل مو اجل ويسخر لي زوجي وعيالي ويحفظهم من كل شر ويصلحهم ويبعد عنا كيد الحساد
&الى والده قيصري ومالها بطن او لها بطن تدخل نبى حل*&
متابعة النقاش، صفحة 7