للأخوات اللي وزنهن فوق المائه وتحب تنحف --تفضلوا // أ.ت/ هنادي جابر

جزاج الله خير حبيبتي أستاذة هنادي جابر

عدم اتباعي للرجيم السابق ليس عدم ثقة حبيبتي لا والله

بس لانه صحيح انا بطبعي اكلي قليل وهالايام زدت الاكل بس عشان توني والدة وارضع .

لاني واثقة فيك وفي خبرتك جزاج الله كل خير ابكتب لج نظامي وانتي قولي لي اذا كان صح والا خطأ وقوميه ..




نظامي هذا من طلعت من النفاس تقريبا اكثر من شهر الى اليوم .

اصحى الظهر (لاني اسهر بالليل عشان بنوتي )

وبدأت من اسبوع اشرب كاس ماء دافي مع ملعقة اكل عسل ونقاط نصف ليمونة.

ثم اشرب قهوة عربية مع 7 حبات تمر صغيرة جدا



و الساعة 4 او 5 المهم ماتتعدى الساعة 6 الغدا وهو عبارة عن :

12 ملعقة رز مطهي بملعقة زيت زيتون
تونة بالماء كبيرة وبعض الاحيان دجاج مطهي بزيت الزيتون ..
كاس عصير برتقال غير محلى .
فجل +جرجير + خس+جزر - وليس دائما -
1 الى 2 بيضه مسلوقة.


بعد المغرب ..
اشرب شاي اخضر صيني + بابونج+اكليل الجبل +رجل الاسد+ ميرامية+الشمر


وبعد صلاة العشاء اشرب كاس كمون دافي مع ليمون - بدات من اسبوع -

العشا :-
واذا جعت بالليل اكل ربع خبز بر نخالة مع جبن سلايس قليل الدسم

اشرب 1 الى 2 كاس نسكافية مع كوفي ميت قليل الدسم واذ مررررة ألمتني معدتي اكلت تفاح بس مايتعدى الساعة 12 ليلا ..

وخلال اليوم اشرب حليب منزوع الدسم قرابة 1 الى 4 علب عشان الرضاعة .

طبعا الماء طول اليوم 2 الى 4 كاسات يوميا ..


الرياضة:-
كنت اعمل رياضة ايروبيك بس زي ماقلت لك اعاني من الام في ظهري ورقبتي فوقفت الرياضة .. وبين فترة وفترة اعمل رياضة البطن والارداف ..

انتظرج الله يوفقج دنيا واخرة .. :39:

دكتورة هنادي
اسعدني موضوووووعك وجاء بوقته
انا مشكلتي اعاني من زمان من السمنه الي كل فترة تزيد بدل مانزل ازيد كل سنة 10 الى 12 كيلو تعبت
مشكلتي الحين حااااامل
طولي 160
وزني 108
ابغى اي حمية لاتنسين ترى الحين بدايت وحاااااام
الحين حامل بشهرين
وغير كذا خااااااااطري برجيم مرضع
اكيد مستعجلة بس نفسياتي زفت

طولي 160 وزني 101 وعمري 25 انسه
واحب الاكل هههه
واغلب ريجيماتي تكون تجويع وعلى كيفي
وعادي احب الرياضه والمشي
بس الحين صارلي اسبوعين مارحت النادي ولامشيت

السلام عليكم دكتورة هنادي

مشكووورة عزيزتي على النظام وانا دائما لما اروح للعياد علشان اسأل عن الالام اللي في رجولي يقولون لي علشان الوزن الزايد اللي عندج بس كنت حابة اسألج هل اسوي النظام الحين لان لي تقريبا 4 ايام ومعدتي تعورني ودايما لايعة وعندي غثيان شنيع يعني ما يروح الا لو نمت ومن اسبوع كان عندي امساك والحين صار شبه اسهال يعني انا قلت شكلي كليت برد بس ما ادري هل استخدم النظام الحين والا ااجله لغاية ما ترتاح معدتي واقدر اكل شي لاني حتى يوم اكل سلطة بس تتعب معدتي مع انها تكون بزيت الزيتون بس يعني مافيها لا ملح ولا ليمون وتلاقيني ميتة من الجوع بس ما اقدر اكل اخاف معدتي تعورني

مشكووورة دكتورة مرة ثانية بس اتمنى تردين علي هل ابأ الحين والا بعد ما تروح الالام اللي عندي في معدتي ؟؟!!

اختكم في الله

ام ناصر

هو بالفعل نظامكٍ مرة حلوة ومنوع واقدر اختار الي ابقاه بدون مااحس بتقييد
بالنسبة لرياضة المشي بصراحة صعب عندي حتى لو مارستها يمكن مرتين بااسبوع
فهل اقدر استغني عنها واعمل بدل عنها :
1- رياضة من الموقع المذكور الساعة 6 مساء
2- من برنامج مالك الا هيفا الساعة 9 صباحا
3- ركوب ونزول الدرج لمدة 10 دقائق مثلا الساعة 6 صباحا

بالنسبة لموقع الرياضة فية وحدة الله يجزاه خير كانت عملت تسجيل لجميع بنات حواء عشان يدخلو بسرعة
http://www.ayoubdiet.com/default.asp
اسم المستخدم :عالم حواء
كلمة السر :12345
بالنسبة لحليب منزوع الدسم بصراحة صعب اني اجيب الحليب فهل اقدر استغني عنه او استبدله بشي تاني
ومعليش راح اتعبك باسئلة والله يوفقكي
وبالنسبة لاسئلة الهضم فاانا راح اسئل العيادات الطبية زي مااشرتي علي
ومشكورة حبيبتي والله يفتح فيكي زي ما فتحتي علينا وساعدتينا