زواج المسيار.. بين القبول.. والرفض

ماعاد فيه شي صحيح وموضوع بنصابه المضبوط كما في عهد الرسول عليه الصلاة والسلام

ليش لما تحبون تنشرون أفكاركم تقارنونها بعهد الرسول انتم زي الرسول ؟!!

أو هل النساء الحين زي الصحابيات ؟!!

لا تضعنا بمجال مقارنة في عصور قديمة لربما انتفت كل عناصرها بهالمجتمع السائد

من أكبر الأمور الي تقهرني بهالمواضيع إنها تنحط بمجال المقارنه











هذا فكر خطيييير ...
شلون ما تبينا نقارن بيننا وبين الحاصل بعهد النبي صلى الله عليه وسلم..!!
(لقد كان لكم في رسول الله اسوة حسنة لمن كان يرجوا الله واليوم الآخر)
(وما آتاكم الرسول فخذوه وما نهاكم عنه فانتهوا)
.
.
.
يقول تعالى(وابتغوا ما كتب الله لكم)..
إذا كان هذا الموضوع مو عاجبك ياختي قولي رايك ومحد راح يزعل منه..
لكن تطلبين انه يتسكر ...ليش..!!!
وترى كون النساء ناقصات عقل ودين مو معناه اننا ما نشاورهم..
فقد شاور صلى الله عليه وسلم ام سلمة في امر المسلمين..

ارجوا انك تراجعين اسلوبك شوي ... ترى حنا لسنا في حرب ...

مو بلازم إني أرضى أو لا أرضى لأن الشرع أحل لي أن أرضى أو ما أرضى بالضبط مثل لو ألأختك دكتورة و جاها خطيب غير متعلم هل ترضين لختك ان تتزوجه
أو جاء أبنتك خطيب أكبر منها بخمسين عام هل ترضيه لأختك ؟



لأن الله قال( و ما آتاكم الرسول فخذوه و ما نهاكم عنه فانتهوا )

( لقد كان لكم في رسول الله أسوة حسنة لمن كان يرجو الله و اليوم الأخر )

و بالله تبينا نقارن بمن ؟؟؟؟؟؟؟






ليش تقفله لعجزك عن الرد المقنع و لا إيش بالضبط ؟؟؟؟؟؟؟

أخيرا : أنا أيضا زوجة و عاطفية و أخشى على زوجي الزواج الآخر ( و الله أشهد على ما أقول )

و لكن لا يمكن أبدا أن أحرف الشرع من أجل الغيرة و الخوف على زوجي

ثم نصيحة : و الله لو خايفة على زوجك إنه يتزوج ما لك إلا الدعاء لأنه ما راح يترك فتوى الشيخ العلامة ابن باز و يتبع فتوى الأخت كحيلة

و الله إني أخوفك بالله كلامك مهاترات فلا تحرمي حلال فتغضبي الرب

و لا تقولي على الله ما لا تعلمي

الحق حلو ... وشو تحرمي وماتحرمي

انا ماحرمت أنا أبدي وجهة نظري لك الحق تقبلها أو ترفضها ... مو فيه شي يسمى درء المفاسد مفضل على جلب المصالح

انا ماحكمت إن زواج المسيار مفسده لكن مايترتب عليه بعض من عدم إيفاء الزوجه لحقوقها يجبرني ماأقتنع فيه ولا أرحب فيه مو بس لي حتى لغيري ماأرضاه

كان ياما كان والحق حلو بالله وش الداعي من هالموضوع ودي توضحون لي السبب منه ؟!

يعني بالمره اشوفكم متحمسين له وداقين الصدر لإيضاح وإحضار أي حكم يخص هالموضوع

عاجبكم هالموضوع سووه بس مافي داعي تقحمونا وتقنعونا غصب إننا صرنا بزمن مجبورين فيه بزاوج المسيار ونترك الزواج العادي

انتم خلاص مقتنعنين بهالزواج كلامي لا يقدم ولا يأخر .. ولانيب مستعده أقبل وجهة نظركم

لأني أشهد عينات متضررة من هالزواج

فـ وش الأصح تظنون أؤيد هالزواج .. وأدفع نفسي وغيري له ونكون جيل متفكك مهتز عاطفياً وفكرياً بحكم إن الأب يجي شهر وشهور لا

الواحد مرات لما يكون حاطط هدف قدامه يتسرع بدون لا يشوف العواقب الي تنتظره مستقبلاً


حاجه ثانيه بالنسبة للمقارنة انا ودي اعرف ليش لما يجي سوالف الزواج تقارنون أنفسكم بالرسول وزيجاته ؟!

بينما لو نقول لواحد منكم روح صل بالمسجد وإلا أسدل ثوبك وإلا وإلا وإلا .... الخ تتهربون منها

وتعطون حجج واهيه

{وترى كون النساء ناقصات عقل ودين مو معناه اننا ما نشاورهم..
فقد شاور صلى الله عليه وسلم ام سلمة في امر المسلمين..}

احنا نقرا هالكلام من جنس الرجال في حال كانوا راغبين بمعرفة وجهة نظر جنس النساء

بينما في أحوال كثيرة يرددون مقولة النساء ناقصات عقل ودين في وضع مايبون يعرفون آرآئهم

فيه مواضيع كثير انطرحت بخصوص هالمجال

خذلك جولة على المواضيع تلاقي نص الرجال يعايرون الحريم إنهم ناقصات عقل ودين

المسألة صارت مسألة مزاجات :)

ثم {نصيحة : و الله لو خايفة على زوجك إنه يتزوج ما لك إلا الدعاء لأنه ما راح يترك فتوى الشيخ العلامة ابن باز و يتبع فتوى الأخت كحيلة

و الله إني أخوفك بالله كلامك مهاترات فلا تحرمي حلال فتغضبي الرب

و لا تقولي على الله ما لا تعلمي }

أول شي مانيب متزوجه وبعدين ليه الإستخفاف بوجهة نظري أنا مااعتقد إني أستخفيت بوجهة نظرك لهالدرجة

وأنا والله لا حرمت ولا حللت .. لكن غصب اقتنع بكلامك يعني وغصب أشجع زواج المسيار

دامك مرحبه فيه لهالدرجة اعرضي على زوجك وحده بهالمنتددى من الي ماتزوجوا تراهم كثار

وخليه يتزوجها مسيار .. ونشوف ردة فعلك ومدى تأييدك لهالفكرة !!

نصيحة لك اختي الحق حلو :

إذا ودك تنصحين شخص فماله داعي تستخفين باللي قاعده تحاورينه لأنه راح يبادلك نفس الشعور :)