<9> يوميات المجموعة الثانية من وزن 70 إلى 79 <9>

هلا بكل المشتركات:26:
شفق
احلى كوشه
ام محمد للخلطات
ساهرة العين
عسوله
شيخة القصمان
احلى كوشه
رشيقه في الاحلام
البتول العذراء
مياس
بنت الامارات
عنوقه مثل مادلعج قيوانيه
قيوانيه حتى لو كنتي فالمجموعه الاولى
واللي نسيتهم يسامحوني:26:

انا صارلي فتره من ولدت لكن من شهر ايدتيت الرجيم الحقيقي لان طفشت من المتن الصراحه ماتقدرين تلبسين ولاتروحين مكان لانتستحين من نفسج:hahaha: وخصوصن ان اهل زوجي كلهم رشيقات فلا زم احط على نفسي واضعف:09: الحمدالله انا كنت فالثمانينات واحين وصلت السبعينات :42:

ام محمد للخلطات,,,
حاولي تكسرين الرجيم وانشاءالله بينزل وزنج..

بنت الامارات,,,
لله فكره حلوه خصوصن ان شعري خف بعد الولاده واحين بديت اكل فيتامينات واحسه صار احسن..

قيوانيه,,,
متى بيي اليوم اللي اكون فمجموعتج:22:

مياس,,,
العمر كله حبيبتي...

السلام عليكم حبيباتي
انا بعد مشتركة وياكم في المجموعة الثانية ..
انا وزني كان في الخمسينات ...طبعا قبل ما احمل بفرفور اقصد عبودي فديته..زاد وزني كثيييير..وصل الى السبعين طبعا ما اكتشفت زيادة وزني الا بعد ما كملت الاربعين ..ورحت اتسوق عشان اكشخ..ما شيء قياسي ..كنت اطالع لبس مانغو اللي كان مقاس 12 يقيس على ..صار مقاسي 16 للاسف..

المهم سويت ريجيم وضعفت ..وصل وزني 56
زاد وزني عقبها بسنتين لان صار عندي مشكلة بالهرمونات ..ودشيت على الاكل بقوووووة..

الحين ابي اضعف لان شكلي صار يجيب الهم ..وماعاد شيء من ملابسي يقيس على ..واهم شيء لان عرسي اخوي جاي بشهر سبعه ..ومابي شكلي يفشلني ..كفاية الزواجات اللي حضرتها بمتني هذا..

يالله يا بنات نبي نشجع بعض ..
الاكل ماراح يطير بس شكلنا الحلو وصحتنا هي اللي بتطير...

الحمدلله انا بكمل اليوم الاول ولا حسيت بجوع ..

الله يقدرني على انقاص وزني..

ازعجتكم بقرقتي..تحملوني باقي واجد الله يعينكم :)

مرحبا