السلام عليكم و رحمة الله و بركاته ...
اولا: جزاكي الله عنا خيرا يا دكتورة هنادي على المعلومات المفيدة اللي حضرتك بتكتبيهالنا ...
ثانيا: كنت عاوزة اعرف ازاي اوصل لعيادة حضرتك و اقابلك شخصيا
ثالثا: كنت بسأل ايه التحاليل الطبيه اللازمه اللي المفروض ان الشخص يبدأ بعملها قبل اي ريجيم علما بأن انا وزني كان 106 و دلوقتي 97 و عمر السمنه في حياتي 5 سنين و نص هما عمر الزواج و الإنجاب بس انا مليش صبر اوي على الريجيم فبخس و اتخن و اخس و اتخن بس اللي انا بتعجب منه فعلا اني انا اعمل ريجيم 9 ايام آكل فيهم (هوا) بجد مثلا تفاحه في اليوم او 2 جريب فروت المهم يثبت وزني فأكسر الريجيم يومين بس مش كسر غير عادي مثلا آكل سلطة جنبها جزء من صدر فرخة و معاها معلقة سلطة باباغنوج او باذنجان و جبنة بطماطم مقسمة على اليوم الأكل دا و اليوم الثاني آخد شريحه واحدة من بيتزا صغيرة و مثلا جبنه بطماطم بردوا بدون عيش المهم خلاصة اليومين ازيد 4 كيلو بجد و ميزاني مش بايظ انا بجرب اوزن ابني و اقارن زوجي بيقولي انتي حتجننيني انتي جسمك عامل زي ما يكون درج بتمليه و تفضيه يعني اعمل ريجيم اخس كل يوم كيلو و بعدين يعزمني على الغدا مشاوي ازيد 2 كيلو و جتلي فكرة ان ممكن يكون امساك مثلا الأكل متهضمش كويس فباخد ملين دلكولكس 3 اقراص قبل النوم ( المرة الي زدت فيها 4 كيلو أخدت مع الدلكولكس شيتوكال قبل الأكل و ممكن كمان مرة في اليوم اعشاب رويال )و بردوا فضلولي ال4 كيلو بالمناسبة انا كنت 100 كيلو من 4 ايام بس و لو كلت اي حاجه دلوقتي حزيد تاني مش عارفه اعمل ايه يا ريت يكون عند حضرتك تفسير
أخيرا بعتذر عن التطويل و في انتظار الرد خاصة العنوان لأني نازله اجازة مصر ان شاء الله بعد اسبوع و حفضل في مصر شهرين بس و نفسي أقابل حضرتك على فكرة انا كتبت لحضرتك قبل كده مشكلتي في موضوع الأخوات اللي وزنهم فوق الميه بس للأسف فضلت اتابع ان حضرتك تردي عليه و مكتشفتش انك رديتي عليه غير النهادة و فاضل على اجازتي اسبوع انا غالبا حعيش فيه على الهوا عشان انزل السبعة كيلو اللي فاضلين و اتمنى يكون لينا لقاء قريبا في مصر و جزاك الله عني خير الجزاء
<< ...سؤال وجواب في الريجيم الغذائي... >>
متابعة النقاش، صفحة 9