بنات انا اي وحده تشرب من قهوتي ماتزيد عن فنجان وكثير قالو لي قهوتك ثقيله
بقول لكم طريقتي وقولو لي وين الغلط؟
انا احط ثلاث ارباع البكرج تقريبآ مويه + 2 فنجان بن حمسه وسط
واتركها عالنار ثلث ساعه
وبالزمزميه احط ملعقه هيل مطحون + ملعقه خلطة القصيم + حبتين مسمار
كثير مايشربون قهوتي حتى اللي يحبون القهوه حطموني
وسلفتي يوم شربتها قالت قهوتك غريبه قلت ليش؟ قالت مدري!!
تكفون بنجن هل طريقتي صح ولا لا؟
واذا غلط وش الصح ؟
تكفون لا اطنشوني دايم مواضيعي محد يرد عليها
شاركي في النقاش
سجلي الدخول لإضافة تعليق.
التعليقات
81- بنات تكفون لا تطنشون
طيب طريقتكم انتو في القهوه شلون معقول ما تضيفون ضيوفكم؟!!!
انتظركم - يقولون ثقيله يختى بسيطه حطى فنجال ونص واغليها فقط عشر دقائق وشوفى
- ماتحطين معها كوفي ميت شوفي علشان مايكون لونها اسود مره حطي فنجال ونص قهوه مع شوي كوفي ميت لين يغلي يصير لونها مثل بيج وفي زمزميه ملعقه هيل نص ملعقه صغيره مسمار مطحون وخلطة القصيم ملعقه صغيره هذي طريقتي في القهوه والكل يمدحها ويخلصونها تعجبهم
- فوحي الماء اول شيء
حطي ملعقة وحده قهوة اذا ابريقك اصغر حجم
نصف الملعقة الصغيرة خلطة القهوة
بلا مسمار مو كل الناس تحبة
وخليه تغلى تقريبا سبع دقايق او اكثر شوي يعني مو ربع
وكل ما كثر طبخها تطلع ثقيله وفيها مرروره
ياربي لك الحمد قهوتنا كلا ييحبه ياربي لك الحمد - انا شخصيا ماحب المسمار احس يحرق بالمعدة ومو الكل يحبه. فيه طرييقة سهله للمبتدئة تملين الزمزمية او ثلاجة القهوة او اللي تسمونها ماء وكبيه بالبيكرج واغليه وحطي ثلاث ارباع الفنجال بن قهوة بس عشر دقايق او اقل وتطفي النار وبالزمزمية كمان اقل بشوي من ثلاث ارباع الفنجال هيل. وتبي تضيفي خلطة القصيم بكيفك مع نص ملعقة مسمار صغيرة قرنفل عشان توازن الطعم رح تطلع اقرب للخفيفة وتبين تقليها زيدي بالمعيار
مواضيع مشابهة
تابعي تجارب أخرى من هذا القسم.